Levítico 25:6 - Li Santil hu

⁶ Usta incꞌaꞌ xex-au, abanan ta̱tzꞌaklok le̱ tzacae̱mk li ta̱yoꞌla̱k yal xjunes. Aꞌan li ta̱tzaca la̱at joꞌ eb ajcuiꞌ chixjunileb la̱ mo̱s, li lokꞌbileb joꞌ eb ajcuiꞌ li incꞌaꞌ lokꞌbileb. Ut aꞌan ajcuiꞌ li teꞌxtzaca li jalaneb xtenamit li cuanqueb saꞌ e̱ya̱nk.

Q'eqchi Bible

⁶ Jo'k'ihal taaruuchin li ch'och' xjunes naq yooq chi hilank, taatz'aqloq cho'q eetzekemq laa'ex, cho'q reheb' leemoos winq ut ixq, cho'q reheb' li neke'k'anjelak cheru chi tojb'il, ut cho'q reheb' ajwi' laj ab'l tenamit li wanqeb' sa' eeyanq.

Levítico 25:6 ပူးပေါင်းရင်းမြစ်များ

Hechos 4:32

Ut chixjunileb li queꞌpa̱ban junajeb chic xchꞌo̱leb ut junajeb chic xcꞌaꞌuxeb. Ut ma̱ ani quixye nak junes re aꞌan li cꞌaꞌru cuan re. Reheb ban saꞌ comonil chixjunil li cꞌaꞌru cuan reheb.

Hechos 2:44

Ut eb li queꞌpa̱ban junaj xchꞌo̱leb ut chixjunil li cꞌaꞌru cuan reheb, reheb saꞌ comonil.

Levítico 25:20

Ma̱re te̱ye, “¿Cꞌaꞌru takatzaca saꞌ xcuuk li chihab cui incꞌaꞌ naru toa̱uk chi moco ta̱ru̱k takaxoc ru li kacui̱mk saꞌ li chihab aꞌan?”

Éxodo 23:11

Abanan saꞌ xcuuk li chihab te̱canab chi hila̱nc li chꞌochꞌ ut me̱xoc li na-el yal xjunes re nak ta̱ru̱k teꞌtzaca̱nk li nebaꞌ li cuanqueb saꞌ le̱ tenamit, ut re ajcuiꞌ nak teꞌcuaꞌak eb li xul li cuanqueb saꞌ cꞌaleba̱l. Joꞌcan ajcuiꞌ te̱ba̱nu riqꞌuin li acui̱mk uvas ut olivos.

Levítico 25:5

Incꞌaꞌ te̱xoc li ru li trigo li yal nayoꞌla xjunes xban li iyaj li natꞌaneꞌ nak nequexoc ru li acui̱mk. Ut incꞌaꞌ te̱sabesi li uvas, chi moco te̱sicꞌ li ru. Tento nak ta̱hila̱nk li chꞌochꞌ chiru li chihab aꞌan.

Levítico 25:7

Ut aꞌan ajcuiꞌ teꞌxtzaca le̱ queto̱mk ut li xul li cuanqueb saꞌ qꞌuicheꞌ. Chixjunil li ta̱e̱lk saꞌ li chꞌochꞌ chi incꞌaꞌ aubil, ta̱cꞌanjelak chokꞌ re le̱ tzacae̱mk.

Levítico 25:21

La̱in texcuosobtesi saꞌ cuak li chihab re nak ta̱cua̱nk nabal le̱ tzacae̱mk re oxib chihab.

2 Reyes 19:29

Ut laj Isaías quixye re laj Ezequías: —Aꞌan aꞌin li retalil li cꞌaꞌru ta̱cꞌulma̱nk. Saꞌ li chihab aꞌin ut saꞌ li chihab ta̱cha̱lk la̱ex te̱tzaca li ru li trigo li namok yal xjunes. Abanan saꞌ li rox chihab la̱ex tex-a̱uk ut texkꞌolok re nak textzaca̱nk. Te̱rau le̱ uvas ut te̱tzaca li ru li naxqꞌue.