Levítico 25:54 - Li Santil hu

⁵⁴ Cui incꞌaꞌ nalokꞌeꞌ cuiꞌchic saꞌ eb li cutan aꞌan, li cui̱nk rochbeneb li ralal xcꞌajol teꞌcana̱k libre saꞌ li chihab re sahil chꞌo̱lejil.

Q'eqchi Bible

⁵⁴ “Ut wi ink'a' xkole'k chiruheb' li chihab' a'an, taakanaaq chi ach'ab'anb'il sa' xchihab'il li ach'ab'ank, rochb'eenaqeb' li ralal xk'ajol,

Levítico 25:54 ပူးပေါင်းရင်းမြစ်များ

Isaías 52:3

Aꞌan aꞌin li naxye li Ka̱cuaꞌ: —Moco quitojeꞌ ta e̱rix nak quexcꞌameꞌ chi pre̱xil. Joꞌcan ajcuiꞌ la̱in. Moco riqꞌuin ta tumin texincol.—

Isaías 49:25

Li Ka̱cuaꞌ naxye: —Aꞌan aꞌin li ta̱cꞌulma̱nk. Eb li cuanqueb chi pre̱xil teꞌmakꞌekꞌ chiruheb li soldado. Ut li cꞌaꞌru quire̱chani li kꞌaxal joskꞌ ta̱makꞌekꞌ chiru. La̱in tinpletik riqꞌuineb li nequeꞌpletic a̱cuiqꞌuin ut la̱in tincolok reheb la̱ tenamit.

Isaías 49:9

Ta̱cuachꞌabeb li chapcho̱queb ut ta̱cutanobresi lix beheb li cuanqueb saꞌ kꞌojyi̱n. La̱at tat-ilok reheb joꞌ nak li pastor narileb lix carner nak naxqꞌueheb chi ichajibc chire li be ut saꞌ li pachꞌayaꞌ saꞌ eb li cocꞌ bol.

Levítico 25:10

Te̱qꞌue xlokꞌal li xlaje roxcꞌa̱l li chihab (50) xban nak li chihab aꞌan santobresinbil ut re jun sahil chꞌo̱lejil. Saꞌ li chihab aꞌan te̱ye resil nak chixjunileb le̱ lokꞌbil mo̱s teꞌcana̱k libre re nak teꞌsukꞌi̱k riqꞌuineb li rechꞌalal. Ut te̱ye ajcuiꞌ resil nak eb li queꞌxcꞌayi xchꞌochꞌeb teꞌre̱chani cuiꞌchic.

Levítico 25:13

Saꞌ li chihab aꞌin, li re sahil chꞌo̱lejil, la̱ex te̱re̱chani cuiꞌchic le̱ chꞌochꞌ.

Levítico 25:55

Eb laj Israel, aꞌaneb lin mo̱s la̱in. Cueheb la̱in. La̱in quin-isin reheb aran Egipto. La̱in li Ka̱cuaꞌ lix Dioseb.