Levítico 25:43 - Li Santil hu

⁴³ Incꞌaꞌ naru textakla̱nk saꞌ xbe̱neb saꞌ joskꞌil. Te̱xucua ban cuu la̱in le̱ Dios.

Q'eqchi Bible

⁴³ Maatawasiheb', chaxiwa b'an ru laaYos.

Levítico 25:43 ပူးပေါင်းရင်းမြစ်များ

Colosenses 4:1

Ex patrón, chexcua̱nk saꞌ usilal riqꞌuineb laj cꞌanjel che̱ru ut saꞌ xya̱lal chetaklaheb xban nak la̱ex nequenau nak cuan e̱patrón saꞌ choxa.

Levítico 25:46

Eb aꞌan teꞌcana̱k chi cꞌanjelac chiruheb le̱ ralal e̱cꞌajol chi junelic. Abanan incꞌaꞌ textakla̱nk chi cau saꞌ xbe̱neb le̱ rech tenamitil.

Levítico 25:17

Me̱balakꞌi e̱rib chi ribil e̱rib. Chexucua ban cuu la̱in li Ka̱cuaꞌ le̱ Dios.

Efesios 6:9

Joꞌcan ajcuiꞌ la̱ex patrón, joꞌ nak laj cꞌanjel nacꞌanjelac chi anchal xchꞌo̱l che̱ru, joꞌcan ajcuiꞌ nak la̱ex te̱taklaheb saꞌ xya̱lal. Canabomak xtaklanquileb saꞌ joskꞌil. Nequenau nak la̱ex cuan e̱patrón saꞌ choxa joꞌ ajcuiꞌ eb aꞌan. Li patrón, aꞌan li Ka̱cuaꞌ Dios ut aꞌan moco jun ta sa ta̱ril ut jun ta xicꞌ ta̱ril.

Ezequiel 34:4

Incꞌaꞌ quetenkꞌaheb li incꞌaꞌ cauheb rib, chi moco quebaneb li yaj, chi moco quelan ru lix tochꞌolaleb. Ut incꞌaꞌ quesukꞌisiheb li queꞌel saꞌ lix naꞌajeb chi moco quesicꞌ li queꞌsacheꞌ. Cau quextaklan saꞌ xbe̱neb ut saꞌ joskꞌil.

Levítico 25:53

Laj e̱chal re tixba̱nu re joꞌ naxba̱nu reheb li mo̱s li xqꞌue xcꞌanjel re jun chihab. Ut incꞌaꞌ naru tixrahobtesi.

Malaquías 3:5

Li Ka̱cuaꞌ li nimajcual Dios quixye: —La̱in tincha̱lk chi rakoc a̱tin saꞌ e̱be̱n. La̱in tinyehok re nak cuan xma̱queb li nequeꞌtu̱lac, joꞌqueb ajcuiꞌ li nequeꞌmuxuc caxa̱r, joꞌqueb ajcuiꞌ li nequeꞌxpatzꞌ lin cꞌabaꞌ yal riqꞌuin ticꞌtiꞌ. Ut la̱in ajcuiꞌ tinyehok re nak cuan ajcuiꞌ xma̱queb li incꞌaꞌ nequeꞌxtoj chi tzꞌakal laj cꞌanjel, joꞌqueb ajcuiꞌ li nequeꞌrahobtesin reheb li xma̱lcaꞌan ut eb li nequeꞌrahobtesin reheb li ma̱cꞌaꞌ xnaꞌ xyucuaꞌ, joꞌqueb ajcuiꞌ li nequeꞌxba̱nu raylal reheb li jalaneb xtenamit, chi moco nequeꞌxxucua cuu la̱in, chan li Ka̱cuaꞌ li kꞌaxal nim xcuanquil.

Isaías 58:3

Abanan eb li cristian nequeꞌxye: —¿Cꞌaꞌru rajbal nak xkaba̱nu li ka-ayu̱n? La̱at incꞌaꞌ xaqꞌue retal. ¿Cꞌaꞌut nak xkacubsi kib? La̱at incꞌaꞌ xaqꞌue retal li xkaba̱nu, chanqueb. Abanan li Dios quixye reheb: —Saꞌ eb li cutan nak nequeba̱nu le̱ ayu̱n, nequeba̱nu li cꞌaꞌru nequeraj ut nequerahobtesiheb li nequeꞌcꞌanjelac che̱ru.

Isaías 47:6

Nak yo̱ injoskꞌil saꞌ xbe̱n lin tenamit quinkꞌaxtesiheb saꞌ e̱rukꞌ la̱ex. Quinqꞌue lin tenamit chi cꞌutecꞌ xxuta̱n. Ut la̱ex incꞌaꞌ xeril xtokꞌoba̱l ruheb. Usta ac ti̱xeb, xeqꞌueheb chi cꞌanjelac chi cau.

Deuteronomio 25:18

Nak lublu̱quex ut tacuajenakex, eb li ralal xcꞌajol laj Amalec queꞌpletic e̱riqꞌuin ut queꞌxcamsiheb li ma̱cꞌaꞌ chic xmetzꞌe̱uheb. Incꞌaꞌ queꞌxxucua ru li Dios.

Éxodo 5:14

Eb laj Israel li cuanqueb chokꞌ aj ilol trabaj queꞌsaqꞌueꞌ xbaneb laj Egipto li nequeꞌtaklan saꞌ xbe̱neb saꞌ xcꞌabaꞌ laj faraón. Eb li nequeꞌtaklan queꞌxpatzꞌ reheb laj ilol re li trabaj: —¿Cꞌaꞌut nak ma̱jiꞌ nequekꞌaxtesi xqꞌuial li xan re ecue̱r ut re anakcuan joꞌ xeba̱nu junxil? chanqueb.

Éxodo 3:9

Nacuabi nak yo̱queb chi ya̱bac ut yo̱queb chixkꞌokonquil ribeb. Ut ninnau ajcuiꞌ chanru nak nequeꞌrahobtesi̱c xbaneb laj Egipto.

Éxodo 3:7

Li Ka̱cuaꞌ Dios quixye re: —La̱in yo̱quin chirilbal li raylal li yo̱queb chixcꞌulbal lin tenamit li cuanqueb Egipto. Yo̱quin chirabinquil nak yo̱queb chixkꞌokonquil ribeb saꞌ rukꞌeb li nequeꞌtaklan reheb saꞌ joskꞌil. Ninnau nak kꞌaxal nayotꞌeꞌ xchꞌo̱leb xban nak rahobtesinbileb.

Éxodo 2:23

Ac xnumeꞌ chic nabal cutan nak quicam lix reyeb laj Egipto. Eb laj Israel japjo̱queb re xban li raylal yo̱queb chixcꞌulbal joꞌ rahobtesinbil mo̱s. Li Dios quirabi nak yo̱queb chi kꞌoko̱nc.

Éxodo 1:21

Li cuib chi ixk, li nequeꞌxococ cꞌulaꞌal, queꞌxxucua ru li Dios. Joꞌcan nak li Dios quirosobtesiheb ut quixqꞌueheb nabal li ralal xcꞌajoleb.

Éxodo 1:17

Li cuib chi ixk aꞌin nequeꞌxpa̱b li Dios. Joꞌcan nak incꞌaꞌ queꞌxba̱nu joꞌ quiyeheꞌ reheb xban li acuabej re Egipto. Incꞌaꞌ queꞌxcamsiheb li cocꞌ te̱lom aj hebreo.

Génesis 42:18

Saꞌ rox li cutan laj José quixye reheb: —La̱in ninqꞌue xcuanquil li Dios. Te̱ba̱nu li cꞌaꞌru tinye e̱re re nak texcolekꞌ.

Levítico 25:42

Eb laj Israel, aꞌaneb lin mo̱s la̱in li Ka̱cuaꞌ. La̱in quin-isin chak reheb saꞌ li naꞌajej Egipto. Incꞌaꞌ naru teꞌcꞌayi̱k chokꞌ lokꞌbil mo̱s.

Levítico 25:44

Naru te̱lokꞌ le̱ mo̱s, joꞌ ixk joꞌ cui̱nk, saꞌ xya̱nkeb li jalan xtenamiteb li cuanqueb che̱jun sutam.

2 Crónicas 28:10

Ut anakcuan la̱ex te̱raj te̱qꞌue chokꞌ rahobtesinbil mo̱s eb laj Judá ut eb laj Jerusalén. ¿Ma incꞌaꞌ ta biꞌ xexma̱cob la̱ex chiru li Ka̱cuaꞌ li kaDios?

Li xHu LAJ JOB 31:13

Nak eb lin mo̱s xeꞌxpatzꞌ li cꞌaꞌru xeꞌraj cue, xincꞌu̱b riqꞌuineb saꞌ xya̱lal. Junelic xincuan saꞌ xya̱lal riqꞌuineb.

Li xHu LAJ JOB 31:14

Cui ta incꞌaꞌ xinba̱nu chi joꞌcan, ¿cꞌaꞌ raj ru tinsume cuiꞌ li Dios nak tixpatzꞌ cue? Ut, ¿cꞌaꞌ raj ru tincol cuiꞌ cuib chiru nak ta̱rakok a̱tin saꞌ inbe̱n?