Levítico 25:36 - Li Santil hu

³⁶ Me̱patzꞌ ral li tumin li te̱qꞌue chi toꞌ re le̱ rech tenamitil chi moco te̱makꞌ li cꞌaꞌru reheb. Qꞌuehomak ban xnaꞌaj le̱ rech tenamitil saꞌ le̱ rochoch. Ut chexucua ru li Ka̱cuaꞌ le̱ Dios.

Q'eqchi Bible

³⁶ “Mik'a' aamaq' chiru chi moko taapatz' ral li tumin li xak'e re chi to', chaxiwa b'an ru laaYos ut sik' xna'aj laawech tenamitul sa' laawochoch.

Levítico 25:36 ပူးပေါင်းရင်းမြစ်များ

Éxodo 22:25

Cui te̱qꞌue tumin chi toꞌ re junak li nebaꞌ li cuanqueb saꞌ e̱ya̱nk, incꞌaꞌ te̱ba̱nu joꞌ nequeꞌxba̱nu li nequeꞌtoꞌonin tumin. Incꞌaꞌ te̱patzꞌ ral li tumin li te̱toꞌoni.

Ezequiel 18:8

Incꞌaꞌ naxpatzꞌ ral lix tumin li naxqꞌue chi toꞌ. Incꞌaꞌ naxsicꞌ xbiomal riqꞌuin xtoꞌoninquil tumin. Incꞌaꞌ naxcꞌu̱luban xchꞌo̱l xba̱nunquil li ma̱usilal ut narakoc a̱tin saꞌ xya̱lal nak cuan junak chꞌaꞌajquilal.

Ezequiel 18:17

Incꞌaꞌ naxcꞌu̱luban xchꞌo̱l xba̱nunquil li ma̱usilal ut incꞌaꞌ naxpatzꞌ ral li tumin li naxqꞌue chi toꞌ. Naxba̱nu li cꞌaꞌru naxye saꞌ lin chakꞌrab ut naxba̱nu li cꞌaꞌru ninye. Li alalbej aꞌan incꞌaꞌ ta̱ca̱mk xban li ma̱c quixba̱nu lix yucuaꞌ. Ta̱cua̱nk ban xyuꞌam.

Ezequiel 18:13

Naxpatzꞌ nabal li ral li tumin li naxqꞌue chi toꞌ. ¿Ma ta̱cana̱k ta biꞌ chi yoꞌyo li alalbej aꞌan? Incꞌaꞌ. Aꞌan ta̱camsi̱k xban li ma̱usilal li quixba̱nu ut xcꞌulub nak ta̱camsi̱k.

Levítico 25:17

Me̱balakꞌi e̱rib chi ribil e̱rib. Chexucua ban cuu la̱in li Ka̱cuaꞌ le̱ Dios.

Ezequiel 22:12

Cuanqueb cui̱nk nequeꞌtumina̱c ru re teꞌxcamsi ras ri̱tzꞌin. Cuanqueb li nequeꞌxpatzꞌ nabal li ral li tumin li nequeꞌxqꞌue chi toꞌ. Cuanqueb li nequeꞌxsicꞌ lix biomaleb riqꞌuin xmakꞌbal xtumineb li ras ri̱tzꞌin. Incꞌaꞌ chic niquineꞌxcꞌoxla la̱in. La̱in li Ka̱cuaꞌ Dios ninyehoc re aꞌin.

Proverbios 28:8

Li ani yo̱ chixtu̱banquil lix biomal riqꞌuin xpatzꞌbal nabal ral li tumin, li biomal li naxchꞌutub aꞌan ta̱cana̱k chokꞌ reheb li nequeꞌiloc xtokꞌoba̱l ruheb li nebaꞌ.

Salmos 15:5

Nequeꞌxqꞌue lix tumineb chi toꞌ ut incꞌaꞌ nequeꞌxpatzꞌ ral. Ut incꞌaꞌ nequeꞌxsume ticꞌtiꞌic chirixeb li ras ri̱tzꞌin usta nayechiꞌi̱c xtumineb. Eb li nequeꞌxba̱nu li usilal aꞌin incꞌaꞌ nachꞌinan xchꞌo̱leb riqꞌuin li Dios.

Nehemías 5:15

Eb li queꞌcuan chi takla̱nc saꞌ xbe̱neb li tenamit nak toj ma̱jiꞌ nin-oc la̱in, kꞌaxal cuiꞌchic nabal li tumin queꞌxpatzꞌ reheb li tenamit. Rajlal cutan numenak caꞌcꞌa̱l chi tumin plata queꞌxpatzꞌ re xcuaheb ut xvino. Ut eb li nequeꞌcꞌanjelac chiruheb queꞌxrahobtesi li tenamit. Abanan la̱in incꞌaꞌ quinba̱nu chi joꞌcan xban nak ninxucua ru li Dios.

Levítico 25:37

Me̱patzꞌ ral li tumin li te̱qꞌue chi toꞌ re le̱ rech tenamitil, chi moco te̱qꞌue chi terto lix cua.

Isaías 24:2

Juntakꞌe̱t li raylal teꞌxcꞌul chixjunileb. Juntakꞌe̱t li raylal teꞌxcꞌul laj tij riqꞌuin li teꞌxcꞌul li tenamit. Juntakꞌe̱t li raylal teꞌxcꞌul li mo̱s riqꞌuin li teꞌxcꞌul lix patrón. Juntakꞌe̱t li raylal li teꞌxcꞌul li nequeꞌcꞌayin riqꞌuin li teꞌxcꞌul li nequeꞌlokꞌoc. Ut juntakꞌe̱t li raylal li teꞌxcꞌul li nequeꞌqꞌuehoc toꞌ tumin riqꞌuineb li nequeꞌcꞌuluc tumin chi toꞌ. Ut juntakꞌe̱t li raylal li teꞌxcꞌul li nebaꞌ riqꞌuin li teꞌxcꞌul li biom.

Jeremías 15:10

Laj Jeremías quixye: —Tokꞌob xak cuu, at innaꞌ. Incꞌaꞌ ta cuan quinyoꞌla xban nak junes pletic nequeꞌraj cuiqꞌuin ut chixjunileb xicꞌ nequeꞌiloc cue. Ma̱cꞌaꞌ incꞌas riqꞌuineb chi moco eb aꞌan cuanqueb xcꞌas cuiqꞌuin. Abanan chixjunileb niquineꞌxmajecua.

Éxodo 22:24

Ut la̱in tinjoskꞌokꞌ saꞌ e̱be̱n ut texinqꞌue chi camsi̱c riqꞌuin chꞌi̱chꞌ. Le̱ cocꞌal teꞌcana̱k chi ma̱cꞌaꞌ chic xyucuaꞌeb ut le̱ rixakil xma̱lcaꞌan chic teꞌcana̱k.

Nehemías 5:3

Ut cuan ajcuiꞌ queꞌyehoc re: —Xban li cueꞌej xkaqꞌue chi prenda li kachꞌochꞌ joꞌ ajcuiꞌ li kacui̱mk ut li kochoch re ta̱ru̱k takalokꞌ katrigo re tocuaꞌak.—