Levítico 25:19 - Li Santil hu

¹⁹ Ta̱e̱lk chi us li acui̱mk saꞌ le̱ chꞌochꞌ ut ta̱cua̱nk chi nabal le̱ tzacae̱mk. Ut texcua̱nk chi tuktu le̱ chꞌo̱l saꞌ li naꞌajej aꞌin.

Q'eqchi Bible

¹⁹ Taa'uuchinq li ch'och', ut laa'ex texwanq sa' xyaalal chisa' ut teetzeka li ru toj reetal taak'ojlaaq eech'ool.

Levítico 25:19 ပူးပေါင်းရင်းမြစ်များ

Joel 2:26

La̱ex textzaca̱nk toj retal ta̱cꞌojla̱k e̱chꞌo̱l. Ut te̱qꞌue xlokꞌal lin cꞌabaꞌ, la̱in li nimajcual Dios. Sachba chꞌo̱lej xinba̱nu re e̱colbal ut incꞌaꞌ chic texinqꞌue chi hobecꞌ.

Salmos 85:12

Li Ka̱cuaꞌ toxtenkꞌa cuiꞌchic chi biomocꞌ. Ut numtajenakak li ru li kacui̱mk li ta̱e̱lk saꞌ li kanaꞌaj.

Levítico 26:5

Nabal li ru li trigo tixqꞌue. Toj yo̱kex ajcuiꞌ chixsicꞌbal nak ta̱cuulak xkꞌehil xsicꞌbal ru li uvas. Ut nabal ru li uvas tixqꞌue. Toj ma̱ji ajcuiꞌ nequechoy xsicꞌbal ru li uvas nak ta̱cuulak xkꞌehil li a̱uc. Textzaca̱nk chi us toj retal ta̱cꞌojla̱k e̱chꞌo̱l. Sahak saꞌ le̱ chꞌo̱l ut cua̱nkex saꞌ xya̱lal saꞌ le̱ naꞌaj.

Joel 2:24

Nak tixqꞌue ru li acui̱mk, kꞌaxal cuiꞌchic nabal tixqꞌue. Teꞌnujak li naꞌajej bar nequeꞌrisi cuiꞌ li rix li trigo. Ut teꞌnujak ajcuiꞌ li naꞌajej bar nequeꞌxyatzꞌ cuiꞌ li uvas ut li olivo.

Ezequiel 36:30

Ut tebinqꞌue chi u̱chi̱nc chi nabal eb li cheꞌ ut tebinqꞌue ajcuiꞌ chi u̱chi̱nc chi nabal li acui̱mk saꞌ li cꞌaleba̱l. Incꞌaꞌ chic tinqꞌue li cueꞌej saꞌ e̱be̱n re nak incꞌaꞌ xuta̱nal te̱cꞌul chiruheb li xni̱nkal ru tenamit.

Isaías 30:23

Nak la̱ex tex-a̱uk, li Ka̱cuaꞌ tixtakla li hab re xtꞌakresinquil le̱ racui̱mk. Ut nabal ru le̱ racui̱mk tixqꞌue e̱re. Ut tzꞌakalak ajcuiꞌ li pachꞌayaꞌ reheb le̱ queto̱mk.

Salmos 67:6

Li Ka̱cuaꞌ li kaDios ta̱osobtesi̱nk ke ut kꞌaxal nabal li ru li kacui̱mk ta̱e̱lk saꞌ li kachꞌochꞌ.

Levítico 25:18

Cheba̱nu chixjunil li chakꞌrab li quinqꞌue e̱re ut chepa̱b le̱ taklanquil inban re nak ma̱cꞌaꞌ ta̱chꞌiꞌchꞌiꞌi̱nk e̱re saꞌ le̱ naꞌaj.

Levítico 25:20

Ma̱re te̱ye, “¿Cꞌaꞌru takatzaca saꞌ xcuuk li chihab cui incꞌaꞌ naru toa̱uk chi moco ta̱ru̱k takaxoc ru li kacui̱mk saꞌ li chihab aꞌan?”

Levítico 26:4

la̱in tintakla li hab saꞌ ruchichꞌochꞌ saꞌ xkꞌehil. Ta̱e̱lk chi us li acui̱mk saꞌ li chꞌochꞌ. Ut eb li cheꞌ teꞌu̱chi̱nk.

Levítico 26:6

La̱in texinqꞌue chi cua̱nc saꞌ tuktu̱quil usilal saꞌ le̱ naꞌaj. Sa texcua̱rk xban nak ma̱ ani ta̱seꞌbesi̱nk e̱re. La̱in tincuisi li joskꞌ aj xul saꞌ le̱ tenamit ut ma̱ ani ta̱oc e̱riqꞌuin chi pletic.

Deuteronomio 12:10

Nak acak xexcuulac jun pacꞌal li nimaꞌ Jordán, li Ka̱cuaꞌ texcanab chi cua̱nc aran. Texcua̱nk saꞌ tuktu̱quil usilal xban nak incꞌaꞌ chic tixqꞌueheb li xicꞌ nequeꞌiloc e̱re chi pletic e̱riqꞌuin, usta cuanqueb chi xjun sutam le̱ naꞌaj.

1 Reyes 5:5

Joꞌcan nak la̱in tinyi̱b li templo li ta̱lokꞌoni̱k cuiꞌ li Ka̱cuaꞌ lin Dios xban nak li Dios quixye re laj David lin yucuaꞌ, “La̱ cualal, li tinxakab chokꞌ rey chokꞌ a̱cue̱kaj, aꞌan li ta̱yi̱ba̱nk re li templo re tinlokꞌoni̱k cuiꞌ,” chan.

Proverbios 1:33

Abanan li ani naxqꞌue xchꞌo̱l chirabinquil li ninye la̱in, aꞌan ta̱cua̱nk saꞌ tuktu̱quil usilal ut incꞌaꞌ ta̱xucuak xban li raylal.

Isaías 1:19

Cui tixcꞌul e̱chꞌo̱l xba̱nunquil li cꞌaꞌru ninye e̱re, te̱tzaca li ru li acui̱mk li na-el saꞌ li chꞌochꞌ.