Levítico 25:14 - Li Santil hu

¹⁴ Cui te̱cꞌayi le̱ chꞌochꞌ reheb le̱ rech tenamitil, malaj ut te̱lokꞌ e̱chꞌochꞌ, me̱balakꞌi e̱rib chi ribil e̱rib.

Q'eqchi Bible

¹⁴ Maajun eere tixb'alaq'i li ras riitz'in naq tixk'ayi malaj tixloq' junaq ch'och'.

Levítico 25:14 ပူးပေါင်းရင်းမြစ်များ

Levítico 19:13

Me̱rahobtesiheb le̱ ras e̱ri̱tzꞌin, chi moco te̱relkꞌa li cꞌaꞌru reheb. Ut te̱toj le̱ mo̱s saꞌ xkꞌehil. Me̱canab chokꞌ re cuulaj.

Levítico 25:17

Me̱balakꞌi e̱rib chi ribil e̱rib. Chexucua ban cuu la̱in li Ka̱cuaꞌ le̱ Dios.

Ezequiel 22:7

Eb aꞌan incꞌaꞌ nequeꞌxra xnaꞌ xyucuaꞌeb. Nequeꞌxrahobtesiheb li jalan xtenamiteb. Ut nequeꞌxba̱nu raylal reheb li ma̱cꞌaꞌ xnaꞌ xyucuaꞌeb joꞌ eb ajcuiꞌ li xma̱lcaꞌan.

Isaías 58:6

Li ayunic li nacuulac chicuu la̱in, aꞌan aꞌin: te̱canab xba̱nunquil li ma̱usilal reheb li nequeꞌcꞌanjelac che̱ru. Chanchan nak te̱tꞌup li cadena li bacꞌbo̱queb cuiꞌ nak te̱canabeb chi xic. Chanchan nak te̱risi li i̱k cuan saꞌ xbe̱neb nak te̱canab xrahobtesinquileb.

1 Corintios 6:8

Abanan la̱ex incꞌaꞌ nequecuy. La̱ex ban chic li nequex-elkꞌac ut nequeba̱nu li ma̱usilal reheb le̱ rech aj pa̱banelil.

San Lucas 3:14

Ut cuanqueb ajcuiꞌ soldado queꞌpatzꞌoc ut queꞌxye re: —Ut la̱o, ¿cꞌaꞌru takaba̱nu? chanqueb. Quixye reheb: —Ma̱ ani te̱makꞌ cꞌaꞌru re ut ma̱ ani te̱kꞌaba chi ma̱cꞌaꞌ rajbal. Chicꞌojla̱k ban e̱chꞌo̱l riqꞌuin li joꞌ qꞌuial nequextojeꞌ cuiꞌ, chan.

Miqueas 7:3

Se̱beb xchꞌo̱l chixba̱nunquil li incꞌaꞌ us. Li nataklan saꞌ xbe̱neb li tenamit naraj nak ta̱qꞌuehekꞌ xtumin. Ut laj rakol a̱tin natumina̱c ru nak narakoc a̱tin. Li ani cuan xcuanquil naxye reheb cꞌaꞌru naraj ut chixjunileb nequeꞌxcꞌu̱b ru chanru nak teꞌxba̱nu li incꞌaꞌ us.

Jeremías 22:17

Abanan li cꞌaꞌru nacacꞌoxla la̱at, caꞌaj cuiꞌ xra̱bal ru li cꞌaꞌak re ru ut li cꞌaꞌru nacacꞌul riqꞌuin balakꞌic. Nacarahobtesiheb li ma̱cꞌaꞌeb xma̱c ut nacacamsiheb, chan li Ka̱cuaꞌ.

Isaías 33:15

Naru texcolekꞌ cui nequex-a̱tinac saꞌ xya̱lal ut nequeba̱nu li ti̱quilal. Me̱relkꞌa li cꞌaꞌru reheb li nebaꞌ ut me̱qꞌue e̱rib chi tumina̱c. Me̱junaji e̱rib riqꞌuineb li nequeꞌxcꞌu̱b ru xba̱nunquil li ma̱usilal ut li camsi̱nc.

Isaías 5:7

Li xya̱lal li bich, aꞌan aꞌin: Li racui̱mk li Ka̱cuaꞌ li nimajcual Dios, aꞌan li tenamit Israel. Li racui̱mk, aꞌan li ralal xcꞌajol laj Judá. Aꞌaneb li sicꞌbileb ru xban li Ka̱cuaꞌ. Aꞌan quiroybeni nak teꞌcua̱nk saꞌ ti̱quilal. Abanan, aꞌ chic li xcamsinquileb ribeb queꞌxba̱nu. Ut quiroybeni nak cha̱bilakeb. Aꞌ ban chic lix ya̱b xcꞌuxeb li nequeꞌxrahobtesi quirabi.

Isaías 1:17

Chetzol xba̱nunquil li us. Chesicꞌ li ti̱quilal. Chekꞌuseb li nequeꞌxrahobtesi ras ri̱tzꞌin. Cheba̱nuhak usilal reheb li nebaꞌ. Ut chetokꞌoba ruheb li xma̱lcaꞌan.

Eclesiastés 5:8

Misach e̱chꞌo̱l chirilbal nak saꞌ junak tenamit yo̱k xba̱nunquil raylal reheb li nebaꞌ. Nabal raylal nequeꞌxba̱nu ut incꞌaꞌ nequeꞌrakoc a̱tin saꞌ ti̱quilal xban nak li cuan saꞌ xcuanquil taklanbil xban li nim xcuanquil chiru aꞌan. Ut li jun, li nim xcuanquil, taklanbil ajcuiꞌ xban jun chic kꞌaxal nim xcuanquil.

Proverbios 28:16

Junak li acuabej ma̱cꞌaꞌ xnaꞌleb naxrahobtesi li tenamit. Abanan li acuabej li incꞌaꞌ naxra ru biomal, aꞌan najtak rok lix yuꞌam.

Proverbios 28:8

Li ani yo̱ chixtu̱banquil lix biomal riqꞌuin xpatzꞌbal nabal ral li tumin, li biomal li naxchꞌutub aꞌan ta̱cana̱k chokꞌ reheb li nequeꞌiloc xtokꞌoba̱l ruheb li nebaꞌ.

Proverbios 28:3

Nak nachal li cacuil hab saꞌ xbe̱n li acui̱mk, nasach ruheb li acui̱mk. Joꞌcan ajcuiꞌ li incꞌaꞌ useb xnaꞌleb nak nequeꞌxrahobtesiheb li nebaꞌ.

Proverbios 22:16

Ta̱cuulak xkꞌehil nak ta̱nebaꞌokꞌ li ani nabiomoꞌ xban xrahobtesinquil li nebaꞌ. Ut li ani naxqꞌue xtumin re li biom ta̱cana̱k saꞌ nebaꞌil.

Proverbios 21:13

Li ani incꞌaꞌ narabi nak yo̱ chixtzꞌa̱manquil xtenkꞌanquil li nebaꞌ, joꞌcan ajcuiꞌ tixcꞌul aꞌan. Incꞌaꞌ ta̱sume̱k nak tixtzꞌa̱ma xtenkꞌanquil.

Proverbios 14:31

Li ani naxba̱nu raylal re li nebaꞌ, xicꞌ naril li Dios li quiyi̱ban re. Abanan li ani natokꞌoban ru li nebaꞌ, aꞌan naxqꞌue xlokꞌal li Dios.

Salmos 10:18

La̱at ta̱cuabi xtijeb li rahobtesinbileb ut li nebaꞌ. La̱at ta̱coleb re nak incꞌaꞌ chic teꞌrahobtesi̱k xbaneb li incꞌaꞌ useb xnaꞌleb li cuanqueb saꞌ ruchichꞌochꞌ.

2 Crónicas 16:10

Cꞌajoꞌ nak quijoskꞌoꞌ li rey Asa. Quixtakla xqꞌuebal saꞌ tzꞌalam li profeta Hanani. Ut cuan li quixrahobtesiheb saꞌ xya̱nkeb li tenamit.

Jueces 4:3

Li rey Jabín cuan bele̱b ciento lix carruaje re pletic yi̱banbil riqꞌuin chꞌi̱chꞌ. Cꞌajoꞌ li raylal yo̱ chixba̱nunquil reheb laj Israel ut kꞌaxal cau quitaklan saꞌ xbe̱neb chiru junmay chihab. Xban li raylal li yo̱queb chixcꞌulbal, eb laj Israel queꞌxtzꞌa̱ma xtenkꞌanquil chiru li Ka̱cuaꞌ Dios.

Levítico 25:15

Lix xtzꞌak li chꞌochꞌ aꞌan aꞌ yal joꞌ najtil ta̱cua̱nk li chꞌochꞌ riqꞌuin li ani ta̱lokꞌok re ut aꞌ yal jarub sut ta̱e̱lk li racui̱mk saꞌ li chꞌochꞌ aꞌan toj ta̱cuulak li chihab re sahil chꞌo̱lejil.