Levítico 24:8 - Li Santil hu

⁸ Rajlal hiloba̱l cutan laj tij tixqꞌue li caxlan cua aꞌan. Junelic cua̱nk aran chiru li Ka̱cuaꞌ joꞌ retalil li contrato quixba̱nu li Dios saꞌ xcꞌabaꞌeb laj Israel. Te̱ba̱nu chi joꞌcan anakcuan ut chi junelic kꞌe cutan.

Q'eqchi Bible

⁸ A'in tento taak'eemanq chiru li Qaawa' rajlal sábado, sa' xk'ab'a'eb' laj Israel, cho'q reetalil li junelik sumwank.

Levítico 24:8 ပူးပေါင်းရင်းမြစ်များ

2 Crónicas 2:4

La̱in oc cue chixyi̱banquil jun li templo re takalokꞌoni cuiꞌ li Ka̱cuaꞌ lin Dios. Aꞌanak jun santil naꞌajej bar tolokꞌoni̱nk cuiꞌ cuochbeneb lin tenamit. Aran tocꞌatok sununquil ban ut aran tomayejak caxlan cua junelic. Rajlal ekꞌela ut rajlal ecuu takacꞌat li xul li takamayeja chiru li Dios. Joꞌcan ajcuiꞌ takaba̱nu rajlal saꞌ eb li hiloba̱l cutan ut saꞌ xyoꞌlajic li po ut saꞌ eb li ninkꞌe re lokꞌoni̱nc joꞌ cꞌaynako chixba̱nunquil chalen chak junxil.

Números 4:7

Teꞌxtzꞌap xbe̱n li me̱x riqꞌuin jun li raxi tꞌicr ut saꞌ xbe̱n aꞌan teꞌxqꞌueheb li plato, eb li cuchara, ut eb li secꞌ ut li xar li nequeꞌxqꞌue cuiꞌ li vino li teꞌxmayeja. Ut teꞌxqꞌue ajcuiꞌ aran li caxlan cua li nacuan aran chi junelic.

1 Crónicas 9:32

Cuanqueb li ralal laj Coat ut li ralaleb li ri̱tzꞌin, li queꞌyi̱ban re li cablaju chi caxlan cua li quiqꞌueheꞌ saꞌ xbe̱n li me̱x saꞌ li Santil Naꞌajej.

Nehemías 10:33

Li tumin aꞌan ta̱cꞌanjelak re li caxlan cua li naqꞌueman rajlal saꞌ lix templo li Dios ut ta̱cꞌanjelak ajcuiꞌ re xlokꞌbal li ru li trigo li namayeja rajlal cutan, ut re ajcuiꞌ li mayej li nequeꞌxcꞌat. Ut ta̱cꞌanjelak ajcuiꞌ re li mayej li naqꞌueman saꞌ li hiloba̱l cutan, ut nak nequeꞌxninkꞌei lix yoꞌlajic li po ut re ajcuiꞌ chixjunileb li ninkꞌe li nequeꞌxba̱nu. Ut ta̱cꞌanjelak re li cꞌaꞌak re ru li kꞌaxal lokꞌ ut re li mayej li nequeꞌxqꞌue re xpatzꞌbal xcuybal xma̱queb laj Israel ut re chixjunil li cꞌanjel li na-uxman saꞌ lix templo li Dios.

1 Crónicas 23:29

Aꞌaneb li teꞌilok re li caxlan cua li naqꞌueheꞌ saꞌ li me̱x ut li cꞌaj li nacꞌanjelac re li mayej re li ru li acui̱mk. Aꞌaneb ajcuiꞌ teꞌilok re li xyi̱banquil li caxlan cua li ma̱cꞌaꞌ xchꞌamal. Aꞌaneb li teꞌilok re li mayej li yi̱banbil saꞌ li xartin joꞌ ajcuiꞌ li xbisbal li mayej li ta̱mayeja̱k saꞌ lix templo li Dios.

Éxodo 25:30

Ut rajlal te̱qꞌue li caxlan cua saꞌ xbe̱n li me̱x. Junelic cua̱nk li mayejanbil caxlan cua aran.

1 Samuel 21:7

Jun lix mo̱s laj Saúl cuan aran saꞌ li cutan aꞌan chixba̱nunquil jun lix taklanquil chiru li Dios. Li cui̱nk aꞌan aj Doeg xcꞌabaꞌ. Edom xtenamit. Aꞌan li nataklan saꞌ xbe̱neb li nequeꞌiloc reheb lix queto̱mk laj Saúl.

2 Crónicas 13:11

Rajlal ekꞌela ut rajlal ecuu nequeꞌxqꞌue li cꞌatbil mayej chiru li Ka̱cuaꞌ joꞌ ajcuiꞌ li incienso li sunu̱nc. Ut nequeꞌxqꞌue li caxlan cua chiru li me̱x li kꞌaxtesinbil re li Dios. Ut nalochman rajlal ecuu li candil li cuan saꞌ xbe̱neb li candelero li yi̱banbil riqꞌuin oro. La̱o yo̱co chixba̱nunquil joꞌ taklanbilo cuiꞌ xban li Ka̱cuaꞌ li kaDios. Abanan la̱ex xetzꞌekta̱na li Ka̱cuaꞌ Dios.