Levítico 24:7 - Li Santil hu

⁷ Ta̱qꞌue ajcuiꞌ li cha̱bil incienso saꞌ xbe̱n li ju̱nk tzol chi caxlan cua. Ut aꞌanak jun sununquil cꞌatbil mayej chiru li Ka̱cuaꞌ.

Q'eqchi Bible

⁷ Sa' xb'een li junq tzol chi wa k'e li tz'aqal k'ajpom; a'an taak'anjelaq re li kaxlan wa jo' sununkil mayej, k'atb'il mayej re eepatz'b'al chiru li Qaawa'.

Levítico 24:7 ပူးပေါင်းရင်းမြစ်များ

Levítico 2:2

Chirix aꞌan tixcꞌam riqꞌuineb laj tij. Aꞌaneb li ralal xcꞌajol laj Aarón. Jun reheb laj tij tixchap jun mo̱chꞌ li cha̱bil cꞌaj rochben aceite ut incienso, ut tixcꞌat saꞌ xbe̱n li artal chokꞌ mayej chiru li Ka̱cuaꞌ. Aꞌan retalil nak chixjunil li cꞌaj kꞌaxtesinbil re li Dios. Li mayej li ta̱cꞌatk, aꞌanak jun sununquil mayej chiru li Ka̱cuaꞌ.

Hebreos 7:25

Li Jesucristo aꞌan tzꞌakal ta̱colok reheb chixjunileb li nequeꞌpa̱ban re li Dios saꞌ xcꞌabaꞌ aꞌan. Li Jesucristo yoꞌyo chi junelic ut naa̱tinac chirixeb chiru li Dios.

Efesios 1:6

Joꞌcan nak chikalokꞌonihak ru li Dios xban nak yal chi ma̱tan quiruxta̱na ku nak quixtakla chak li Ralal li kꞌaxal raro xban.

Hechos 10:31

Quixye cue, “At Cornelio, li Dios quirabi la̱ tij. Nacuulac chiru li cꞌaꞌru nacaba̱nu re xtenkꞌanquileb li nebaꞌ.

Hechos 10:4

Laj Cornelio ta̱xucuak nak quiril li ángel ut quixye: —Cꞌaꞌru ta̱cuaj tinba̱nu, Ka̱cuaꞌ.— Li ángel quixye: —Li Dios xrabi la̱ tij. Nacuulac chiru li cꞌaꞌru nacaba̱nu re xtenkꞌanquileb li nebaꞌ.

San Juan 6:51

La̱in li yoꞌyo̱quil cua. Quinchal chak saꞌ choxa. Li ani napa̱ban cue la̱in incꞌaꞌ ta̱sachk. Cua̱nk ban xyuꞌam chi junelic. Li cua li tinqꞌue la̱in, aꞌan lin tibel nak tinkꞌaxtesi cuib chi ca̱mc re nak ta̱ru̱k teꞌcua̱nk xyuꞌameb chi junelic li cuanqueb saꞌ ruchichꞌochꞌ, chan li Jesús.

San Juan 6:35

Li Jesús quixye reheb: —La̱in li cua aꞌan. La̱in ninqꞌuehoc junelic yuꞌam. Li ani napa̱ban cue ta̱cꞌojoba̱k xchꞌo̱l. Incꞌaꞌ chic ta̱tzꞌoca̱k ut incꞌaꞌ chic ta̱chakik re. Chanchan nak ac xrakeꞌ chi tzaca̱nc.

Éxodo 17:14

Ut li Dios quixye re laj Moisés: —Ta̱tzꞌi̱ba retalil aꞌin saꞌ junak hu re nak junelic cua̱nk saꞌ xchꞌo̱leb. Ta̱ye re laj Josué nak la̱in tinrakok a̱tin saꞌ xbe̱neb laj Amalec ut teꞌosokꞌ chixjunileb, chan.

Éxodo 13:9

Li ninkꞌe aꞌin ta̱cꞌanjelak chokꞌ e̱re re xjulticanquil nak junelic cua̱nk saꞌ e̱chꞌo̱l li ra̱tin li Dios. Te̱serakꞌi ajcuiꞌ li ra̱tin li Dios xban nak riqꞌuin lix nimal xcuanquilal, li Dios quexrisi chak saꞌ li tenamit Egipto.

Éxodo 12:14

Chalen anakcuan rajlal chihab texninkꞌei̱k saꞌ incꞌabaꞌ saꞌ li ca̱laju xbe li xbe̱n po. Li ninkꞌe aꞌin, aꞌan re xjulticanquil chanru nak xexincol.

Génesis 9:16

Nak tincuil li xo̱quikꞌab saꞌ li chok, junelic ta̱julticokꞌ cue li cꞌaꞌru quinyechiꞌi chak e̱re joꞌ ajcuiꞌ reheb li xul.

Éxodo 28:12

Te̱letz li pec aꞌan, saꞌ xbe̱n xtel li rakꞌ efod li naxcꞌul cuiꞌ rib li cuib pere̱l retalil li ralal xcꞌajol laj Israel. Chi joꞌcan li pec aꞌan junelic ta̱cua̱nk saꞌ xbe̱n xtel laj Aarón re xjulticanquil chiru li Ka̱cuaꞌ li ralal xcꞌajoleb laj Israel.

Levítico 2:9

Laj tij tixchap caꞌchꞌinak li caxlan cua ut tixcꞌat saꞌ xbe̱n li artal chokꞌ retalil nak kꞌaxtesinbil re li Ka̱cuaꞌ lix comon li mayej. Ut li mayej aꞌan, aꞌanak jun sununquil mayej chiru li Ka̱cuaꞌ.

Isaías 43:23

La̱ex incꞌaꞌ xeqꞌue le̱ carner chokꞌ e̱cꞌatbil mayej re inlokꞌoninquil. Ut incꞌaꞌ xexmayejac chicuu re xqꞌuebal inlokꞌal. La̱in incꞌaꞌ xexinchꞌiꞌchꞌiꞌi riqꞌuin xyebal nak texmayejak chicuu, chi moco xinye e̱re nak te̱cꞌat li incienso re inlokꞌoninquil.

Levítico 2:1

Nak junak cristian tixmayeja ru li racui̱mk, tento nak tixqꞌue li cha̱bil cꞌaj. Tixqꞌue aceite saꞌ xbe̱n ut tixqꞌue ajcuiꞌ incienso.