Levítico 24:2 - Li Santil hu

² —Ta̱ye reheb laj Israel nak teꞌxcꞌam chak li cha̱bil aceite oliva re li candil re nak lochlo̱k chi junelic.

Q'eqchi Bible

² “Ye reheb' laj Israel naq te'xk'am chaq aawe tz'aqal aseeyt re oliiw, re naq junelik lochlooq xxamlel li saqenk,

Levítico 24:2 ပူးပေါင်းရင်းမြစ်များ

2 Corintios 4:6

Nak toj kꞌojyi̱n chak ru li ruchichꞌochꞌ, li Dios quixye, “Chicua̱nk li cutan re xcutanobresinquil ru li ruchichꞌochꞌ.” Ut aꞌan ajcuiꞌ li nacutanobresin re li kacꞌaꞌux re nak naru takanau chanru lix lokꞌal li Dios. Ut li Jesucristo naxcꞌut chiku lix lokꞌal li Dios.

San Juan 8:12

Li Jesús quia̱tinac cuiꞌchic riqꞌuineb li tenamit ut quixye reheb: —La̱in lix cutan saken li ruchichꞌochꞌ. Li ani ta̱pa̱ba̱nk cue la̱in, incꞌaꞌ chic ta̱cua̱nk saꞌ xkꞌojyi̱nal ru li ma̱c. Ta̱cua̱nk ban saꞌ cutan saken ut ta̱cua̱nk xyuꞌam chi junelic, chan.

Hechos 26:18

Chanchan nak ta̱teo̱nk li xnakꞌ ruheb nak ta̱chꞌolob lix ya̱lal chiruheb. Chanchan nak teꞌe̱lk saꞌ li kꞌojyi̱n ut teꞌoc saꞌ cutan nak teꞌxtau ru lix ya̱lal. Teꞌe̱lk rubel xcuanquil laj tza ut teꞌoc rubel xcuanquil li Dios. Riqꞌuin inpa̱banquil la̱in, ta̱cuyekꞌ ta̱sachekꞌ lix ma̱queb, ut ta̱cua̱nk xnaꞌajeb saꞌ xya̱nkeb li sicꞌbileb ru xban li Dios,” chan cue li Ka̱cuaꞌ.

San Juan 5:35

Laj Juan chanchan jun li xam quixcutanobresi e̱be nak quixchꞌolob lix ya̱lal che̱ru. Ut quisahoꞌ jun cꞌamoc saꞌ e̱chꞌo̱l chirabinquil li quixye.

San Juan 1:9

Aꞌan li tzꞌakal cutan saken li quicꞌulun saꞌ ruchichꞌochꞌ chixcutanobresinquil xcꞌaꞌuxeb chixjunileb li cristian.

San Juan 1:4

Li Cristo, aꞌan li naqꞌuehoc junelic yuꞌam. Ut li yuꞌam li naxqꞌue naxcutanobresi lix cꞌaꞌuxeb li cristian.

San Lucas 12:35

Checauresihak e̱rib. Yo̱kex chiroybeninquil li Ka̱cuaꞌ. Chanchanakex li mo̱s li lochlo xxam ut yo̱ chiroybeninquil lix patrón.

San Lucas 1:79

Ut tixcutanobresi xcꞌaꞌuxeb li cuanqueb saꞌ xkꞌojyi̱nal ru li ma̱c, li ca̱mqueb re saꞌ li ma̱usilal. Ut aꞌan ta̱beresi̱nk ke saꞌ li tuktu̱quilal, chan laj Zacarías.

San Mateo 5:16

Joꞌcan ajcuiꞌ la̱ex. La̱ex lix cutan saken li ruchichꞌochꞌ. Chicꞌutu̱nk biꞌ le̱ cha̱bilal chiruheb le̱ ras e̱ri̱tzꞌin re nak eb aꞌan teꞌxqꞌue retal li us nequeba̱nu ut teꞌxqꞌue xlokꞌal le̱ Yucuaꞌ li cuan saꞌ choxa.

San Mateo 4:16

li tenamit chanchan li cuanqueb saꞌ kꞌojyi̱n xban nak incꞌaꞌ nequeꞌxnau lix ya̱lal. Chanchan quicutanoꞌ nak queꞌril nak queꞌxtau li colba-ib. Chanchan nak cuanqueb saꞌ jun naꞌajej re ca̱mc xban lix ma̱queb nak quicuulac li cutan saꞌ xya̱nkeb. (Isa. 9:1-2)

Isaías 11:2

Ut lix musikꞌ li Ka̱cuaꞌ ta̱cua̱nk riqꞌuin chi junelic. Aꞌan ta̱qꞌuehok xnaꞌleb ut xse̱bal xchꞌo̱l. Ut aꞌan ta̱tenkꞌa̱nk re chi qꞌuehoc naꞌleb ut chi takla̱nc. Aꞌan ta̱tenkꞌa̱nk re chixnaubal ru lix ya̱lal ut chixxucuanquil ru li Ka̱cuaꞌ.

Isaías 8:20

Tzolomak li cꞌaꞌru naxye saꞌ lix chakꞌrab li Dios. Cui incꞌaꞌ nequeꞌxye e̱re chi tzꞌakal li cꞌaꞌru cuan saꞌ li chakꞌrab, aꞌan xban nak toj ma̱jiꞌ nequeꞌxtau lix ya̱lal.

Proverbios 6:23

Relic chi ya̱l nak li kachakꞌrabinquil ut li katijbal aꞌan naxcutanobresi li kacꞌaꞌux. Li kakꞌusbal naxqꞌue kanaꞌleb re nak takanau chanru nak tocua̱nk.

Salmos 119:130

La̱ cua̱tin naxcutanobresi li kacꞌaꞌux ut naxqꞌue xnaꞌlebeb li ma̱cꞌaꞌeb xnaꞌleb.

Salmos 119:105

La̱ cua̱tin chanchan jun li lámpara xban nak naxcutanobresi lin naꞌleb ut naxcꞌut chicuu cꞌaꞌru tinba̱nu.

2 Crónicas 13:11

Rajlal ekꞌela ut rajlal ecuu nequeꞌxqꞌue li cꞌatbil mayej chiru li Ka̱cuaꞌ joꞌ ajcuiꞌ li incienso li sunu̱nc. Ut nequeꞌxqꞌue li caxlan cua chiru li me̱x li kꞌaxtesinbil re li Dios. Ut nalochman rajlal ecuu li candil li cuan saꞌ xbe̱neb li candelero li yi̱banbil riqꞌuin oro. La̱o yo̱co chixba̱nunquil joꞌ taklanbilo cuiꞌ xban li Ka̱cuaꞌ li kaDios. Abanan la̱ex xetzꞌekta̱na li Ka̱cuaꞌ Dios.

Éxodo 40:24

Quirocsi ajcuiꞌ li xnaꞌaj li candil, ut quixqꞌue saꞌ lix tzꞌe saꞌ xcaꞌyaba̱l li me̱x.

Éxodo 39:37

Queꞌxkꞌaxtesi li candelero rochben lix naꞌajeb li candil joꞌqueb ajcuiꞌ li chꞌi̱chꞌ li ta̱cꞌanjelak re xyi̱banquil lix mechil, joꞌ ajcuiꞌ li aceite li ta̱cꞌanjelak chokꞌ xyaꞌal li candil.

Levítico 24:1

Li Ka̱cuaꞌ quia̱tinac riqꞌuin laj Moisés ut quixye re:

Levítico 24:3

Rajlal ecuu laj Aarón tixlocheb li candil ut lochlo̱keb toj nak ta̱sake̱uk. Aꞌaneb li candil li cuanqueb saꞌ li tabernáculo chiru li tꞌicr li naramoc re li Lokꞌlaj Ca̱x li cuan cuiꞌ lix contrato li Ka̱cuaꞌ. Aꞌan jun li chakꞌrab tento teꞌxba̱nu chi junelic eb aꞌan joꞌ eb ajcuiꞌ li ralal xcꞌajol li teꞌcua̱nk mokon.