Levítico 24:19 - Li Santil hu

¹⁹ Li ani tixba̱nu raylal re li ras ri̱tzꞌin, joꞌcan ajcuiꞌ ta̱uxk re aꞌan.

Q'eqchi Bible

¹⁹ “Ani tixb'aanu rahilal re junaq ras riitz'in, jo'kan ajwi' taa'uxmanq re a'an:

Levítico 24:19 ပူးပေါင်းရင်းမြစ်များ

San Mateo 7:2

Xban nak chanru nak nequextzꞌiloc a̱tin, joꞌcan ajcuiꞌ ta̱uxk e̱re la̱ex. Ut riqꞌuin li bisleb li nequexbisoc cuiꞌ, riqꞌuin ajcuiꞌ aꞌan texbisekꞌ la̱ex.

San Mateo 5:38

E̱rabiom resil nak quiyeheꞌ chi joꞌcaꞌin najter: Cui ani ta̱risi xnakꞌ a̱cuu, ta̱isi̱k ajcuiꞌ li xnakꞌ ru aꞌan. Cui ani ta̱risi li ruch a̱cue, ta̱isi̱k ajcuiꞌ li re aꞌan.

Deuteronomio 19:21

Incꞌaꞌ te̱ril xtokꞌoba̱l ruheb li nequeꞌxba̱nu li ma̱usilal. Cui junak tixcamsi ras ri̱tzꞌin, ta̱camsi̱k ajcuiꞌ aꞌan. Cui junak ta̱risi xnakꞌ ru li ras ri̱tzꞌin, ta̱isi̱k ajcuiꞌ xnakꞌ ru aꞌan; cui junak ta̱risi ruch re li ras ri̱tzꞌin, ta̱isi̱k ajcuiꞌ ruch re aꞌan; cui junak ta̱risi li rukꞌ li ras ri̱tzꞌin, ta̱isi̱k ajcuiꞌ li rukꞌ aꞌan; cui junak ta̱risi li rok li ras ri̱tzꞌin, ta̱isi̱k ajcuiꞌ li rok aꞌan.

Éxodo 21:23

Abanan cui li ixk ta̱ca̱mk, tento nak teꞌcamsi̱k ajcuiꞌ li queꞌtochꞌoc re.

Levítico 24:18

Ut li ani tixcamsi junak reheb lix queto̱mk li ras ri̱tzꞌin, tento nak tixqꞌue re̱kaj li xul li xcamsi.

Levítico 24:20

Cui naxjor xbakel li ras ri̱tzꞌin, tento nak ta̱jorekꞌ xbakel aꞌan. Cui narisi xnakꞌ ru, tento nak ta̱isi̱k xnakꞌ ru aꞌan. Cui narisi ruch re, ta̱isi̱k ajcuiꞌ ruch re aꞌan. Li cꞌaꞌru xba̱nu re li ras ri̱tzꞌin, joꞌcan ajcuiꞌ ta̱uxk re aꞌan.

Jueces 1:7

Ut laj Adoni-bezec quixye: —Junxil la̱in xintakla xyocꞌbal xmamaꞌil li ruꞌuj rokeb ut lix mamaꞌil li ruꞌuj rukꞌeb laje̱b xca̱cꞌa̱l (70) chi rey ut nequeꞌxxoc lix cꞌaj li cua li natꞌaneꞌ rubel lin me̱x re nak teꞌcuaꞌak. Anakcuan li Dios xba̱nu cue joꞌ xinba̱nu reheb aꞌan, chan. Ut laj Adoni-bezec quicꞌameꞌ Jerusalén ut aran quicam.

Éxodo 21:24

Li ani ta̱risi xnakꞌ ru li ras ri̱tzꞌin, ta̱isi̱k ajcuiꞌ li xnakꞌ ru aꞌan. Ut li ani ta̱risi ruch re li ras ri̱tzꞌin, ta̱isi̱k ajcuiꞌ li ruch re aꞌan. Ut li ani ta̱risi li rukꞌ li ras ri̱tzꞌin, ta̱isi̱k ajcuiꞌ li rukꞌ aꞌan. Ut li ani ta̱risi li rok li ras ri̱tzꞌin, ta̱isi̱k ajcuiꞌ li rok aꞌan.

Éxodo 21:25

Li ani tixcꞌat ras ri̱tzꞌin, ta̱cꞌatekꞌ ajcuiꞌ aꞌan. Ut li ani tixyocꞌ ras ri̱tzꞌin, ta̱yoqꞌuekꞌ ajcuiꞌ aꞌan. Ut li ani tixsacꞌ ras ri̱tzꞌin, ta̱saqꞌuekꞌ ajcuiꞌ aꞌan.