Levítico 23:41 - Li Santil hu

⁴¹ Rajlal chihab texninkꞌei̱k chiru cuukub cutan re xlokꞌoninquil li Ka̱cuaꞌ. Te̱tiquib saꞌ li xcuuk li po re li chihab. Aꞌan jun li chakꞌrab tento te̱ba̱nu joꞌ ajcuiꞌ eb le̱ ralal e̱cꞌajol li teꞌcua̱nk mokon.

Q'eqchi Bible

⁴¹ Rajlal chihab', sa' li xwuq po, chiru wuqub' kutan, texninq'ehiq sa' xk'ab'a' li Qaawa'. A'in jun chaq'rab' xaqxooq xwankil chi junelik cho'q eere laa'ex ut cho'q reheb' leeralal eek'ajol.

Levítico 23:41 ပူးပေါင်းရင်းမြစ်များ

Números 29:12

Saꞌ li oꞌlaju xbe lix cuuk po teꞌxchꞌutub cuiꞌchic ribeb re xqꞌuebal inlokꞌal la̱in li Ka̱cuaꞌ. Ut ma̱ jun li cꞌanjel teꞌxba̱nu. Chiru cuukub cutan yo̱keb chi ninkꞌei̱k.

Nehemías 8:18

Laj Esdras rajlal cutan quiril xsaꞌ li hu li tzꞌi̱banbil cuiꞌ li chakꞌrab li quiqꞌueheꞌ reheb xban li Dios. Saꞌ li xbe̱n cutan quixtiquib rilbal xsaꞌ li hu chiruheb li tenamit toj quirakeꞌ li ninkꞌe. Ut saꞌ lix cuakxak li cutan queꞌxchꞌutub ribeb re xlokꞌoninquil li Ka̱cuaꞌ joꞌ cꞌaynakeb xba̱nunquil.

Levítico 23:40

Saꞌ li xbe̱n cutan te̱sicꞌ li rukꞌ li cheꞌ chꞌinaꞌus rilbal, li naxqꞌue ru. Te̱sicꞌ ajcuiꞌ rukꞌeb li cheꞌ palmera ut li cuan nabal rukꞌ. Ut te̱sicꞌ ajcuiꞌ li rukꞌ li cheꞌ li cuanqueb chire li cocꞌ rok haꞌ. Ut ta̱sahokꞌ saꞌ e̱chꞌo̱l chiru li Ka̱cuaꞌ le̱ Dios chiru cuukub cutan.

Levítico 23:42

Chiru cuukub cutan chixjunileb li tzꞌakal aj Israel teꞌcua̱nk saꞌ li cocꞌ muheba̱l li queꞌxyi̱b riqꞌuin li rukꞌ cheꞌ.

Levítico 23:14

Nak te̱qꞌue le̱ mayej acui̱mk re li Dios, incꞌaꞌ naru te̱cuaꞌ li caxlan cua yi̱banbil riqꞌuin trigo, chi moco te̱tzaca li trigo chi rax, chi moco chi qꞌuilinbil. Nak acak xeqꞌue le̱ mayej, naru te̱tzaca aꞌan. Li chakꞌrab aꞌin reheb le̱ ralal e̱cꞌajol anakcuan ut chi junelic kꞌe cutan aꞌ yal bar cua̱nkex.