Levítico 23:36 - Li Santil hu

³⁶ Rajlal cutan, chiru cuukub cutan, te̱qꞌue le̱ cꞌatbil mayej chiru li Ka̱cuaꞌ. Saꞌ xcuakxak li cutan te̱chꞌutub cuiꞌchic e̱rib ut te̱qꞌue le̱ cꞌatbil mayej chiru li Ka̱cuaꞌ re xlokꞌoninquil. Aꞌan li cutan re lokꞌoni̱nc ut ma̱ jun li cꞌanjel te̱ba̱nu.

Q'eqchi Bible

³⁶ Chiruheb' li wuqub' kutan a'an teek'at eemayej sa' xk'ab'a' li Qaawa', ut sa' xwaqxaq li kutan teeb'aanu jun eeloq'laj ch'utam ut teek'at junaq mayej chiru li Qaawa'. A'anaq jun kutan re sahil ch'oolej ut maajun kawil k'anjel teeb'aanu.

Levítico 23:36 ပူးပေါင်းရင်းမြစ်များ

Nehemías 8:18

Laj Esdras rajlal cutan quiril xsaꞌ li hu li tzꞌi̱banbil cuiꞌ li chakꞌrab li quiqꞌueheꞌ reheb xban li Dios. Saꞌ li xbe̱n cutan quixtiquib rilbal xsaꞌ li hu chiruheb li tenamit toj quirakeꞌ li ninkꞌe. Ut saꞌ lix cuakxak li cutan queꞌxchꞌutub ribeb re xlokꞌoninquil li Ka̱cuaꞌ joꞌ cꞌaynakeb xba̱nunquil.

San Juan 7:37

Li rosoꞌjic li ninkꞌe, aꞌan li cutan li kꞌaxal lokꞌ chiruheb. Saꞌ li ho̱nal aꞌan, li Jesús quixakli chiruheb ut quixye chi cau xya̱b xcux: —Li ani ta̱chakik re, cha̱lk cuiqꞌuin. La̱in tinqꞌue rucꞌa.

Joel 2:15

Ya̱basihomak li trompeta saꞌ li tzu̱l Sión re te̱chꞌutub e̱rib. Yehomak resil reheb li tenamit nak teꞌxba̱nu x-ayu̱n.

Joel 1:14

Yehomak resil reheb li che̱quel cristian joꞌqueb ajcuiꞌ chixjunileb li tenamit nak teꞌxchꞌutub ribeb saꞌ lix templo li Ka̱cuaꞌ le̱ Dios re nak te̱ba̱nu e̱-ayu̱n. Ut te̱tzꞌa̱ma e̱tenkꞌanquil riqꞌuin li nimajcual Dios.

Deuteronomio 16:8

Chiru cuakib cutan te̱cuaꞌ li caxlan cua li ma̱cꞌaꞌ xchꞌamal. Saꞌ xcuuk li cutan te̱chꞌutub e̱rib chixlokꞌoninquil li Ka̱cuaꞌ le̱ Dios, ut ma̱ jun li cꞌanjel te̱ba̱nu.

Levítico 23:7

Saꞌ li xbe̱n li cutan te̱chꞌutub e̱rib ut te̱ba̱nu li lokꞌlaj ninkꞌe ut ma̱ jun li cꞌanjel te̱ba̱nu.