Levítico 23:34 - Li Santil hu

³⁴ —Ta̱ye reheb laj Israel: Saꞌ li oꞌlaju xbe li xcuuk li po te̱ba̱nu li ninkꞌe nak nequeyi̱b li cocꞌ muheba̱l riqꞌuin rukꞌ cheꞌ. Chiru cuukub cutan te̱ba̱nu li ninkꞌe aꞌin re xqꞌuebal xlokꞌal li Ka̱cuaꞌ.

Q'eqchi Bible

³⁴ “Ye a'in reheb' laj Israel: Sa' li o'laju xb'e li po a'an taatiklaaq li xNinq'eheb' li Muheb'aal, ut chiru wuqub' kutan teeninq'ehi sa' xk'ab'a' li Qaawa'.

Levítico 23:34 ပူးပေါင်းရင်းမြစ်များ

San Juan 7:2

Yo̱ chi cuulac xkꞌehil li ninkꞌe nak eb laj judío nequeꞌxyi̱b lix cocꞌ muheba̱l.

Nehemías 8:14

Ut queꞌxtau retalil tzꞌi̱banbil saꞌ li chakꞌrab li quiqꞌueheꞌ re laj Moisés xban li Ka̱cuaꞌ nak eb laj Israel teꞌxyi̱b lix cocꞌ muheba̱leb re teꞌcua̱nk cuiꞌ nak teꞌninkꞌei̱k saꞌ xcuuk li po.

Esdras 3:4

Tojoꞌnak queꞌxyi̱b li cocꞌ muheba̱l re nak teꞌxba̱nu li ninkꞌe re xbantioxinquil chiru li Dios nak queꞌcoleꞌ, joꞌ tzꞌi̱banbil saꞌ li chakꞌrab li quiqꞌueheꞌ re laj Moisés. Rajlal cutan queꞌxmayeja li cꞌatbil xul joꞌ cꞌaynakeb xba̱nunquil ut saꞌ xcutanquil quilajeꞌxba̱nu joꞌ quiyeheꞌ reheb.

Números 29:12

Saꞌ li oꞌlaju xbe lix cuuk po teꞌxchꞌutub cuiꞌchic ribeb re xqꞌuebal inlokꞌal la̱in li Ka̱cuaꞌ. Ut ma̱ jun li cꞌanjel teꞌxba̱nu. Chiru cuukub cutan yo̱keb chi ninkꞌei̱k.

Éxodo 34:22

Texninkꞌei̱k nak te̱sicꞌ li xbe̱n ru li trigo ut texninkꞌei̱k cuiꞌchic saꞌ xkꞌehil li kꞌoloc.

San Juan 1:14

Li Jesucristo quitzꞌejcualoꞌ ut tzꞌakal cui̱nk nak quicuan arin saꞌ kaya̱nk. Cꞌajoꞌ li rusilal ut aꞌan naxcꞌut lix ya̱lal. Aꞌan li Ralal li Dios li junaj chi ribil ut la̱o xkil lix lokꞌal.

Éxodo 23:16

Li xcab li ninkꞌe li te̱ba̱nu, aꞌan nak te̱sicꞌ li xbe̱n ru le̱ racui̱mk li nequerau saꞌ le̱ chꞌochꞌ. Ut li rox li ninkꞌe li te̱ba̱nu, aꞌan saꞌ rosoꞌjic li chihab nak te̱xoc chixjunil li ru le̱ racui̱mk li na-el saꞌ le̱ chꞌochꞌ.

Hebreos 11:9

Xban lix pa̱ba̱l laj Abraham quicuan saꞌ li naꞌajej li quiyechiꞌi̱c re xban li Dios, ut quicuan aran joꞌ jun jalan xtenamit. Quixyi̱b xmuheba̱l tꞌicr xban nak yal numecꞌ re. Joꞌcan ajcuiꞌ queꞌxba̱nu laj Isaac ut laj Jacob xban nak aꞌaneb li teꞌe̱chani̱nk re li cꞌaꞌru quixyechiꞌi li Dios.

Hebreos 11:13

Chixjunileb aꞌan quilajeꞌcam. Usta incꞌaꞌ queꞌxcꞌul chixjunil li cꞌaꞌru quiyechiꞌi̱c reheb xban li Dios, queꞌxpa̱b nak ta̱cꞌulma̱nk li yechiꞌinbil. Joꞌcan nak saheb saꞌ xchꞌo̱l. Queꞌxye nak li ruchichꞌochꞌ aꞌin ma̱cuaꞌ tzꞌakal xnaꞌajeb; yal numeleb ban saꞌ ruchichꞌochꞌ.

Levítico 23:33

Li Ka̱cuaꞌ Dios quia̱tinac riqꞌuin laj Moisés ut quixye re:

Levítico 23:42

Chiru cuukub cutan chixjunileb li tzꞌakal aj Israel teꞌcua̱nk saꞌ li cocꞌ muheba̱l li queꞌxyi̱b riqꞌuin li rukꞌ cheꞌ.

Levítico 23:43

Teꞌxba̱nu chi joꞌcan re nak eb li ralal xcꞌajol laj Israel teꞌxqꞌue retal chanru quinba̱nu nak quebincuisi chak Egipto. La̱in quinqꞌueheb chi cua̱nc saꞌ li cocꞌ muheba̱l yi̱banbil riqꞌuin rukꞌ cheꞌ. La̱in li Ka̱cuaꞌ le̱ Dios, chan.

Deuteronomio 16:16

Oxib sut chiru li chihab chixjunileb li cui̱nk teꞌxic chiru li Ka̱cuaꞌ le̱ Dios saꞌ li naꞌajej li tixsicꞌ ru. Aꞌaneb aꞌin li oxib sut: li ninkꞌe nak nequecuaꞌ li caxlan cua li ma̱cꞌaꞌ xchꞌamal, li ninkꞌe nak nequemayeja li xbe̱n ru le̱ racui̱mk, ut li ninkꞌe nak nequeyi̱b le̱ cocꞌ muheba̱l riqꞌuin rukꞌ cheꞌ. Ma̱ ani tixcꞌut rib chiru li Ka̱cuaꞌ chi ma̱cꞌaꞌ li tixcꞌam chokꞌ xmayej.

Deuteronomio 31:10

Ut laj Moisés quixye reheb: —Rajlal saꞌ li xcuuk chihab nak nacuyeꞌ xma̱queb riqꞌuin lix cꞌaseb, ta̱cuil li chakꞌrab chiruheb li tenamit nak yo̱keb chi ninkꞌei̱c saꞌ li cocꞌ muheba̱l yi̱banbil riqꞌuin rukꞌ cheꞌ.

1 Reyes 8:2

Eb li cui̱nk aj Israel queꞌxchꞌutub ribeb riqꞌuin laj Salomón saꞌ xcutanquil li ninkꞌe saꞌ xcuuk li po re li chihab aꞌan, saꞌ li po Etanim.

1 Reyes 8:65

Saꞌ eb li cutan aꞌan laj Salomón quixba̱nu jun li ninkꞌe rochbeneb chixjunileb laj Israel. Kꞌaxal nabaleb li chꞌutchꞌu̱queb aran. Eb aꞌan queꞌchal chak saꞌ eb li naꞌajej Hamat ut toj cuan cuiꞌ li nimaꞌ re Egipto. Li ninkꞌe aꞌin queꞌxba̱nu cuukub cutan ut chirix aꞌan queꞌxba̱nu cuukub cutan chic. Ca̱laju cutan queꞌninkꞌei̱c re xlokꞌoninquil li Dios.

1 Reyes 12:32

Ut quixye nak saꞌ li oꞌlaju xbe li cuakxak li po teꞌxba̱nu jun li nimla ninkꞌe. Chanchan li ninkꞌe li nequeꞌxba̱nu aran Judá. Ut quimayejac chiru li artal aran Bet-el chiru li cuacax oro li quixqꞌue chi yi̱ba̱c. Ut quixxakab eb ajcuiꞌ aj tij re teꞌcꞌanjelak saꞌ eb li naꞌajej li najt xteram li quixyi̱b.

Ezequiel 45:25

Ut tixqꞌue ajcuiꞌ li mayej re li ninkꞌe nak nequeꞌxyi̱b li cocꞌ muheba̱l. Li ninkꞌe aꞌan naticla saꞌ li oꞌlaju xbe li xcuuk po. Chiru cuukub cutan nak yo̱k li ninkꞌe li rey tixqꞌue li mayej joꞌ naxba̱nu rajlal re xtzꞌa̱manquil xcuybal xma̱queb, ut tixqꞌue ajcuiꞌ li mayej li nacꞌatman, joꞌ ajcuiꞌ li ru li acui̱mk ut li aceite.