Levítico 23:3 - Li Santil hu

³ Cuakib cutan textrabajik ut saꞌ li xcuuk li cutan ma̱ jun li cꞌanjel te̱ba̱nu xban nak aꞌan li hiloba̱l cutan kꞌaxal lokꞌ re texhila̱nk cuiꞌ. Tine̱lokꞌoni aꞌ yal bar cua̱nkex.

Q'eqchi Bible

³ “Waqib' kutan tatk'anjelaq, ab'an sa' xwuq li kutan tathilanq, a'an hilob'aal kutan re jun loq'laj ch'utam. Yalaq b'ar wanqat, a'anaq hilob'aal kutan sa' xk'ab'a' li Qaawa'.

Levítico 23:3 ပူးပေါင်းရင်းမြစ်များ

Levítico 19:3

Chexucua̱k ru le̱ naꞌ e̱yucuaꞌ. Ut te̱oxlokꞌi li hiloba̱l cutan. La̱in li Ka̱cuaꞌ le̱ Dios xinyehoc re aꞌin.

Éxodo 23:12

Chiru cuakib cutan te̱ba̱nu li joꞌ qꞌuial le̱ cꞌanjel li te̱raj xba̱nunquil. Ut saꞌ xcuuk li cutan texhila̱nk, la̱ex joꞌ ajcuiꞌ le̱ bo̱yx, ut le̱ bu̱r. Ut teꞌhila̱nk ajcuiꞌ le̱ mo̱s joꞌqueb ajcuiꞌ li jalan xtenamit li cuan e̱riqꞌuin.

San Lucas 13:14

Cꞌajoꞌ nak quijoskꞌoꞌ li nataklan saꞌ li cab li nequeꞌxchꞌutub cuiꞌ ribeb laj judío xban nak li Jesús quixqꞌuirtesi li ixk saꞌ li hiloba̱l cutan. Ut quixye reheb li cuanqueb aran: —Cuakib cutan cuan re nak naru texcꞌanjelak. Chiruheb a cutan aꞌan naru nequexchal chi banecꞌ ut incꞌaꞌ texcha̱lk chi banecꞌ saꞌ li hiloba̱l cutan, chan.

Éxodo 34:21

Cuakib cutan textrabajik. Saꞌ xcuuk li cutan texhila̱nk. Usta xkꞌehil li a̱uc, usta xkꞌehil li kꞌoloc joꞌcaꞌin te̱ba̱nu.

Apocalipsis 1:10

Saꞌ li cutan nak nakachꞌutub kib chixlokꞌoninquil li Ka̱cuaꞌ, riqꞌuin xcuanquil li Santil Musikꞌej, li Dios quixcꞌutbesi jun li visión chicuu. Quicuabi jun xya̱b cux chicuix. Chanchan xya̱b jun li trompeta yo̱ chi ecꞌa̱nc.

Hechos 15:21

Joꞌcaꞌin ajcuiꞌ naxye li chakꞌrab li quiqꞌueheꞌ re laj Moisés xban li Dios. Ut chalen chak najter cuan li ani najultican re saꞌ eb li cab li nequeꞌxchꞌutub cuiꞌ ribeb laj judío rajlal hiloba̱l cutan, chan laj Jacobo.

San Lucas 23:56

Queꞌsukꞌi saꞌ rochocheb ut queꞌxcauresi li sununquil ban re xbanbal li camenak, ut queꞌhilan saꞌ li hiloba̱l cutan joꞌ naxye saꞌ lix chakꞌrabeb.

Isaías 58:13

Qꞌuehomak xlokꞌal li hiloba̱l cutan ut incꞌaꞌ te̱ba̱nu li cꞌaꞌru nequeraj e̱junes saꞌ lin santil cutan. Aꞌinak jun cutan re sahil chꞌo̱lejil ut kꞌaxal lokꞌ. Cheqꞌuehak xlokꞌal ut me̱mux ru. Me̱ba̱nu li cꞌaꞌru nequeraj la̱ex ut mex-a̱tinac chi ma̱cꞌaꞌ rajbal.

Isaías 56:6

Ut eb li jalan xtenamiteb li tineꞌxpa̱b ut teꞌcꞌanjelak chicuu ut teꞌrahok cue, cui nequeꞌx-oxlokꞌi li hiloba̱l cutan ut incꞌaꞌ nequeꞌxmux ru ut incꞌaꞌ nequeꞌxkꞌet lin contrato,

Isaías 56:2

Us xak reheb li nequeꞌxba̱nu li cꞌaꞌru ninye. Tincuosobtesiheb li nequeꞌx-oxlokꞌi li hiloba̱l cutan ut incꞌaꞌ nequeꞌxmux ru. Ut tincuosobtesiheb li incꞌaꞌ nequeꞌxba̱nu li ma̱usilal, chan li Ka̱cuaꞌ.

Éxodo 16:29

La̱in xinqꞌue e̱re li hiloba̱l cutan re nak texhila̱nk. Xban aꞌan xinye e̱re nak saꞌ xcuak li cutan te̱xoc re cuib cutan, chan li Dios.

Éxodo 16:23

Laj Moisés quixye reheb: —Joꞌcan xye li Ka̱cuaꞌ Dios. Cuulaj li hiloba̱l cutan. Aꞌan jun lokꞌlaj cutan chiru li Ka̱cuaꞌ Dios. Te̱jora li joꞌ qꞌuial te̱raj ut te̱chik li joꞌ qꞌuial te̱raj ut li ta̱elaꞌa̱nk naru te̱xoc re cuulaj, chan.

Éxodo 16:30

Tojoꞌnak eb li cristian queꞌhilan saꞌ xcuuk li cutan.