Levítico 23:27 - Li Santil hu

²⁷ —Saꞌ li laje̱b xbe li xcuuk po, aꞌan li cutan nak te̱qꞌue le̱ mayej re xtojbal rix le̱ ma̱c. Te̱chꞌutub e̱rib ut te̱ba̱nu li lokꞌlaj ninkꞌe. Te̱ba̱nu le̱ ayu̱n ut te̱cꞌat le̱ mayej re xqꞌuebal xlokꞌal li Ka̱cuaꞌ.

Q'eqchi Bible

²⁷ “Li xlaje kutan re ajwi' li xwuq po, a'anaq xkutankil li kuyuk sachok maak. Tento taawanq jun eeloq'laj ch'utam, tex'ayuuniq ut teek'at junaq eemayej sa' xk'ab'a' li Qaawa'.

Levítico 23:27 ပူးပေါင်းရင်းမြစ်များ

Éxodo 30:10

Li artal aꞌin kꞌaxtesinbilak chi junaj cua chicuu nak laj Aarón tixqꞌue caꞌchꞌinak lix quiqꞌuel li xul li ta̱mayeja̱k re xtzꞌa̱manquil xcuybal xma̱queb laj Israel chiru li xucub li cuan saꞌ xca̱ xucu̱til li artal. Aꞌan tixba̱nu jun sut chiru li chihab. Joꞌcan ajcuiꞌ teꞌxba̱nu rajlal chihab li ralal xcꞌajol li teꞌcua̱nk mokon re xsantobresinquil li artal.

Levítico 16:24

Ut saꞌ ajcuiꞌ li naꞌajej aꞌan ta̱ati̱nk ut tixqꞌue li rakꞌ jun chic chirix. Ut ta̱e̱lk chak saꞌ li Santil Naꞌajej re tixqꞌue lix cꞌatbil mayej re xtojbal rix lix ma̱c aꞌan ut re ajcuiꞌ xtojbal rix lix ma̱queb li tenamit.

Levítico 16:15

Ut chirix aꞌan ta̱xic chixcamsinquil li te̱lom chiba̱t re xtzꞌa̱manquil xcuybal lix ma̱queb li tenamit. Tixcꞌam lix quiqꞌuel ut ta̱xic cuiꞌchic jun pacꞌal li nimla tꞌicr saꞌ li naꞌajej li cuan cuiꞌ li Lokꞌlaj Ca̱x. Tixrachrachi li quicꞌ saꞌ xbe̱n lix tzꞌapbal re li Lokꞌlaj Ca̱x joꞌ ajcuiꞌ chiru. Tixba̱nu joꞌ quixba̱nu riqꞌuin lix quiqꞌuel li toro.

Zacarías 12:10

—Ut la̱in tinjal xnaꞌlebeb li ralal xcꞌajol laj David joꞌqueb ajcuiꞌ chixjunileb li cuanqueb Jerusalén. Cha̱bilakeb chic ut junelic teꞌtijok. Ut nak teꞌril nak queꞌxnumsi li chꞌi̱chꞌ saꞌ lin tibel, teꞌyotꞌekꞌ xchꞌo̱leb ut teꞌya̱bak. Chanchanakeb li nequeꞌya̱bac chirix xcamic li ralal li jun ajcuiꞌ chiruheb. Malaj ut chanchanakeb li nequeꞌya̱bac chirix xcamic li xbe̱n alalbej.

Isaías 58:5

¿Ma aꞌin ta biꞌ li ayunic li nacuulac chicuu la̱in? ¿Ma jun cutan ajcuiꞌ naru te̱cubsi e̱rib? ¿Ma riqꞌuin xxulubanquil le̱ jolom joꞌ na-ecꞌan li caxlan aj te̱ba̱nu li us? ¿Ma nequecꞌoxla la̱ex nak riqꞌuin xqꞌuebal li kꞌes ru tꞌicr che̱rix ut riqꞌuin xyocobanquil e̱rib saꞌ li cha te̱ba̱nu li us? ¿Ma aꞌan xya̱lal li ayunic che̱ru la̱ex? ¿Ma nacuulac chicuu li ayunic chi joꞌcan nak nequecꞌoxla la̱ex?

Esdras 8:21

Aran chire li nimaꞌ Ahava, la̱in quinye reheb nak to-ayuni̱k ut takacubsi kib chiru li Ka̱cuaꞌ. Takatzꞌa̱ma chiru nak aꞌan ta̱tenkꞌa̱nk ke ut ta̱ilok ke re nak ma̱cꞌaꞌ takacꞌul la̱o, chi moco li kacocꞌal chi moco li cꞌaꞌru cuan ke nak yo̱ko chi xic.

Levítico 25:9

Ut saꞌ li laje̱b xbe li xcuuk li po re li chihab aꞌan, te̱ya̱basiheb li trompeta saꞌ chixjunil li tenamit. Aꞌan li cutan nak nequexninkꞌei̱c ut nequexmayejac re xtojbal rix le̱ ma̱c.

Levítico 16:11

Joꞌcaꞌin tixba̱nu laj Aarón nak tixmayeja li toro re xtojbal rix lix ma̱c aꞌan ut re ajcuiꞌ xtojbal rix lix ma̱queb li cuanqueb saꞌ li rochoch.

Santiago 4:9

Chirahokꞌ e̱chꞌo̱l, chiyotꞌekꞌ e̱chꞌo̱l ut chexya̱bak xban li ma̱usilal li nequeba̱nu. Ma̱cuaꞌ raj seꞌec nequeba̱nu; ya̱bac raj nequeba̱nu xban nak incꞌaꞌ us le̱ yehom e̱ba̱nuhom. Ut incꞌaꞌ raj nasahoꞌ saꞌ e̱chꞌo̱l. Narahoꞌ raj ban saꞌ e̱chꞌo̱l.

Salmos 35:13

Nak xeꞌyajer eb aꞌan, la̱in xintikib cuib riqꞌuin li akꞌej li naxcꞌut nak ra saꞌ inchꞌo̱l. Xin-ayunic ut chi anchal inchꞌo̱l xintijoc chirixeb.

Hechos 27:9

Nabal cutan cobay saꞌ li naꞌajej aꞌan ut xiu xiu chic li xic chiru haꞌ xban nak cuulac re li habalkꞌe. Joꞌcan nak laj Pablo qui-oc chixqꞌuebal xnaꞌlebeb laj chꞌeꞌol jucub.

Levítico 23:26

Ut quixye ajcuiꞌ li Ka̱cuaꞌ re laj Moisés:

Levítico 23:28

Ma̱ jun li cꞌanjel te̱ba̱nu chiru li cutan aꞌan xban nak aꞌan jun cutan re xtojbal rix le̱ ma̱c. Te̱ba̱nu chi joꞌcan re nak li Ka̱cuaꞌ le̱ Dios tixcuy le̱ ma̱c.

Levítico 16:16

Tento nak tixba̱nu chi joꞌcan re nak li Dios tixsantobresi li Lokꞌlaj Santil Naꞌajej ut tixsantobresi ajcuiꞌ li tabernáculo li cuan saꞌ xya̱nkeb xban nak eb laj Israel nequeꞌxmux ru nak nequeꞌxkꞌet lix chakꞌrab ut nequeꞌxmux ru riqꞌuin lix ma̱queb.