Levítico 23:20 - Li Santil hu

²⁰ Laj tij tixtaksi chiru li Ka̱cuaꞌ li cuib li cocꞌ carner chokꞌ mayej saꞌ xcꞌabaꞌeb laj tij. Ut tixtaksi ajcuiꞌ li caxlan cua yi̱banbil riqꞌuin li xbe̱n ru li acui̱mk. Eb li mayej aꞌan santobresinbileb.

Q'eqchi Bible

²⁰ Laj tij tixyeechi'i eb' li xul jo' chaab'il mayej chiru li Qaawa', rochb'een li kaxlan wa xb'een ru li awimq ut li wiib' chi karneer. Taaq'axtesimanq re li Qaawa' re tixtzeka laj tij.

Levítico 23:20 ပူးပေါင်းရင်းမြစ်များ

Deuteronomio 18:4

Te̱qꞌue reheb laj tij li xbe̱n ru le̱ racui̱mk, li acꞌ vino, li aceite, ut li rix li carner li tojeꞌ xbe̱n cua te̱bes.

Efesios 2:14

Li Cristo, aꞌan li naqꞌuehoc ke li tuktu̱quil usilal. Xban li Cristo junaj chic ku la̱o aj judío e̱riqꞌuin la̱ex li ma̱cuaꞌex aj judío. Xban nak quixmayeja rib saꞌ kacꞌabaꞌ, li Cristo quirisi li kajoskꞌil li naramoc re chiku li cua̱nc saꞌ xya̱lal chi kibil kib.

1 Corintios 9:11

La̱o xoyehoc resil li colba-ib e̱re. ¿Ma incꞌaꞌ ta biꞌ naru nocoe̱tenkꞌa la̱ex riqꞌuin li cꞌaꞌru takaj la̱o re xnumsinquil li cutan junju̱nk?

San Lucas 2:14

—Chinima̱k taxak xlokꞌal li Ka̱cuaꞌ Dios li cuan saꞌ choxa ut chicua̱nk taxak li tuktu̱quilal saꞌ xya̱nkeb li cristian li raro̱queb xban li Dios.—

Levítico 23:17

Saꞌ le̱ rochoch te̱cꞌam chak cuib li caxlan cua chokꞌ e̱mayej chiru li Ka̱cuaꞌ. Li junju̱nk chi caxlan cua aꞌan yi̱banbil riqꞌuin numenak cuakxakib libra li cha̱bil cꞌaj ut cua̱nk xchꞌamal. Laj tij tixtaksi saꞌ rukꞌ chiru li Ka̱cuaꞌ chokꞌ re le̱ mayej re li xbe̱n ru le̱ trigo.

Levítico 8:29

Ut laj Moisés quixchap li re xchꞌo̱l li carner li ta̱tzꞌak aꞌan ut quixtaksi saꞌ rukꞌ chiru li Ka̱cuaꞌ chokꞌ xmayej. Quixba̱nu joꞌ quiyeheꞌ re xban li Ka̱cuaꞌ.

Éxodo 29:24

Li caxlan cua aꞌin ta̱qꞌue saꞌ rukꞌ laj Aarón joꞌ ajcuiꞌ saꞌ rukꞌeb li ralal. Teꞌxtaksi li rukꞌeb re xmayejanquil chicuu.

Levítico 23:19

Te̱mayeja ajcuiꞌ jun li chiba̱t te̱lom re xtojbal rix le̱ ma̱c ut cuib li carner te̱lom jun chihab cuan reheb chokꞌ re li mayej re xcꞌambal e̱rib saꞌ usilal riqꞌuin li Ka̱cuaꞌ.

Levítico 23:21

Saꞌ li cutan aꞌan te̱chꞌutub e̱rib ut texninkꞌei̱k re xlokꞌoninquil li Ka̱cuaꞌ. Ut ma̱ jun li cꞌanjel te̱ba̱nu. Eb le̱ ralal e̱cꞌajol teꞌxba̱nu li chakꞌrab aꞌin chalen anakcuan ut chi junelic aꞌ yal bar cua̱nkex.