Levítico 23:2 - Li Santil hu

² —Ta̱ye reheb laj Israel cꞌaꞌru naxye li chakꞌrab chirixeb li ninkꞌe li teꞌxba̱nu nak teꞌxchꞌutub ribeb chinlokꞌoninquil. La̱at ta̱ye resil reheb nak li ninkꞌe li teꞌxba̱nu, aꞌan kꞌaxal lokꞌ.

Q'eqchi Bible

² “Ye reheb' laj Israel li aatin a'in: A'aneb' a'in li xninq'e li Qaawa' b'arwi' tento teech'utub' eerib' sa' ink'ab'a':

Levítico 23:2 ပူးပေါင်းရင်းမြစ်များ

Levítico 23:37

Aꞌaneb aꞌin li ninkꞌe re lokꞌoni̱nc nak nequechꞌutub e̱rib ut nequeqꞌue le̱ cꞌatbil mayej chiru li Ka̱cuaꞌ, ut li mayejanbil tzacae̱mk, li mayej trigo, li mayej vino ut li cꞌaꞌak chic re ru chi mayej li tento te̱qꞌue saꞌ xkꞌehil joꞌ quiyeheꞌ e̱re.

Levítico 23:4

Aꞌan eb aꞌin li cutan nak te̱chꞌutub e̱rib chinlokꞌoninquil. Li ninkꞌe te̱ba̱nu kꞌaxal lokꞌ. Ta̱ye resil reheb jokꞌe teꞌninkꞌei̱k re inlokꞌoninquil.

Joel 2:15

Ya̱basihomak li trompeta saꞌ li tzu̱l Sión re te̱chꞌutub e̱rib. Yehomak resil reheb li tenamit nak teꞌxba̱nu x-ayu̱n.

Oseas 2:11

La̱in tincuisi li ninkꞌei̱c chiru, li naqꞌuehoc xsahil xchꞌo̱l. Incꞌaꞌ chic ta̱ninkꞌei̱k rajlal chihab, rajlal po chi moco saꞌ li hiloba̱l cutan joꞌ cꞌaynak xba̱nunquil. Incꞌaꞌ chic tixninkꞌei ruheb lix dios.

Salmos 81:3

Cheya̱basihak li trompeta saꞌ xkꞌehil xyoꞌlajic li po joꞌ ajcuiꞌ nak naxoroc li po saꞌ xkꞌehil li kaninkꞌe li kꞌaxal lokꞌ,

Números 29:39

Aꞌaneb aꞌin li mayej li teꞌxqꞌue re xlokꞌoninquil li Ka̱cuaꞌ nak teꞌninkꞌei̱k. Teꞌxqꞌue li mayej li na-ala saꞌ xchꞌo̱leb xqꞌuebal joꞌ ajcuiꞌ li mayej li nequeꞌxqꞌue nak nequeꞌxyechiꞌi li cꞌaꞌak re ru re li Ka̱cuaꞌ, ut li cꞌatbil mayej ut li mayej cꞌaj ut li mayej vino joꞌ eb ajcuiꞌ li mayej re xcꞌambal ribeb saꞌ usilal riqꞌuin li Ka̱cuaꞌ.

Números 10:10

Teꞌya̱basi̱k li trompetas saꞌ eb li cutan nak sahak saꞌ e̱chꞌo̱l ut nak nequexninkꞌei̱c saꞌ xkꞌehil ut re li xyoꞌlajic li po. Teꞌya̱basi̱k li trompeta nak nequeqꞌue le̱ cꞌatbil mayej ut eb li mayej re xcꞌambal e̱rib saꞌ usilal cuiqꞌuin. Ut la̱in li Ka̱cuaꞌ texjulticokꞌ cue. La̱in li Ka̱cuaꞌ le̱ Dios, chan.

San Juan 5:1

Chirix chic aꞌin, li Jesús co̱ Jerusalén saꞌ li ninkꞌe li nequeꞌxba̱nu eb laj judío.

Nahum 1:15

Yo̱ chak chi cha̱lc saꞌ xbe̱n li tzu̱l li taklanbil chak li yo̱ chak chi cꞌamoc re li cha̱bil esilal chirix li tuktu̱quil usilal. Anakcuan ba̱nuhomak le̱ ninkꞌe joꞌ cꞌaynakex xba̱nunquil la̱ex aj Judá ut ba̱nuhomak li cꞌaꞌru xeyechiꞌi re li Dios xban nak incꞌaꞌ chic teꞌnumta̱k saꞌ e̱be̱n li xicꞌ nequeꞌiloc e̱re. Xeꞌsacheꞌ ruheb chi junaj cua.

Joel 1:14

Yehomak resil reheb li che̱quel cristian joꞌqueb ajcuiꞌ chixjunileb li tenamit nak teꞌxchꞌutub ribeb saꞌ lix templo li Ka̱cuaꞌ le̱ Dios re nak te̱ba̱nu e̱-ayu̱n. Ut te̱tzꞌa̱ma e̱tenkꞌanquil riqꞌuin li nimajcual Dios.

Lamentaciones 1:4

Kꞌaxal ra saꞌ xchꞌo̱leb li be li nequeꞌxic aran Sión xban nak ma̱ ani nanumeꞌ aran re teꞌxic saꞌ eb li ninkꞌe. Ma̱ ani nacuan chiruheb li oqueba̱l re li tenamit ut eb laj tij yo̱queb chixjikꞌbal xchꞌo̱leb xban li raylal yo̱queb chixcꞌulbal. Kꞌaxal ra saꞌ xchꞌo̱leb li tukꞌ ixk joꞌqueb ajcuiꞌ chixjunileb li tenamit.

Isaías 33:20

Ilomak li tenamit Sión li noconinkꞌei̱c cuiꞌ. Te̱ril li tenamit Jerusalén. Tuktu̱k chic ru chixjunil. Chanchanak jun li nimla muheba̱l tꞌicr li incꞌaꞌ chic ta̱jalma̱nk xnaꞌaj. Incꞌaꞌ chic ta̱isi̱k li cheꞌ li nachapoc re saꞌ chꞌochꞌ, chi moco ta̱tꞌupekꞌ li cꞌa̱m li nachapoc re.

2 Crónicas 30:5

Joꞌcan nak queꞌxcꞌu̱b ru nak teꞌxtakla resil saꞌ chixjunil li naꞌajej Israel naticla chak saꞌ li naꞌajej Beerseba nacuulac toj saꞌ li naꞌajej Dan re nak teꞌcha̱lk Jerusalén chixninkꞌeinquil li Pascua re xlokꞌoninquil li Ka̱cuaꞌ lix Dioseb laj Israel. Queꞌxba̱nu chi joꞌcan xban nak ac junxil chic incꞌaꞌ queꞌxninkꞌei li Pascua joꞌ tzꞌi̱banbil retalil.

2 Reyes 10:20

Laj Jehú quixtaklaheb xtakl xyebal resil nak ta̱cua̱nk jun xnimal ninkꞌe re xlokꞌoninquil laj Baal. Ut joꞌcan qui-uxman.

Levítico 23:44

Joꞌcaꞌin nak laj Moisés quixye re laj Israel chanru nak teꞌxba̱nu eb li ninkꞌe re xlokꞌoninquil li Dios.

Levítico 23:21

Saꞌ li cutan aꞌan te̱chꞌutub e̱rib ut texninkꞌei̱k re xlokꞌoninquil li Ka̱cuaꞌ. Ut ma̱ jun li cꞌanjel te̱ba̱nu. Eb le̱ ralal e̱cꞌajol teꞌxba̱nu li chakꞌrab aꞌin chalen anakcuan ut chi junelic aꞌ yal bar cua̱nkex.

Éxodo 32:5

Nak quirabi aꞌin, laj Aarón quixyi̱b jun li artal chiru li cuacax oro ut quixye: —Cuulaj toninkꞌei̱k saꞌ xcꞌabaꞌ li Ka̱cuaꞌ Dios, chan.

Colosenses 2:1

Nacuaj nak te̱nau nak junelic ninqꞌue inchꞌo̱l chi tijoc che̱rix la̱ex joꞌcan ajcuiꞌ chirixeb laj pa̱banel li cuanqueb aran Laodicea. Nintijoc chirixeb chixjunileb laj pa̱banel, li ac nequeꞌxnau cuu, joꞌ ajcuiꞌ li incꞌaꞌ nequeꞌxnau cuu.

Colosenses 2:16

Michꞌinan e̱chꞌo̱l cui ani nacuechꞌin e̱re riqꞌuin li cꞌaꞌru nequetzaca ut li cꞌaꞌru nequerucꞌ. Chi moco ta̱chꞌina̱nk e̱chꞌo̱l cui ani nacuechꞌin e̱re xban nak incꞌaꞌ nequeninkꞌei lix ninkꞌeheb. Cuan li nequeꞌxninkꞌei lix yoꞌlajic li po ut li hiloba̱l cutan.

Levítico 23:1

Li Ka̱cuaꞌ quia̱tinac riqꞌuin laj Moisés ut quixye re:

1 Crónicas 23:31

Aꞌaneb li teꞌcꞌatok re li mayejanbil xul chiru li Ka̱cuaꞌ saꞌ eb li hiloba̱l cutan joꞌ ajcuiꞌ nak nequeꞌxninkꞌei lix yoꞌlajic li po, joꞌ ajcuiꞌ saꞌ eb li ninkꞌe li jun chꞌol chic. Ac chꞌolchꞌo jarubeb li teꞌxba̱nu li cꞌanjel ut jokꞌe teꞌcꞌanjelak li junju̱nk. Rajlal teꞌxba̱nu li cꞌanjel aꞌan chiru li Ka̱cuaꞌ, chan.

Ezequiel 44:24

Nak cua̱nk ple̱t, eb laj tij teꞌrakok a̱tin saꞌ xbe̱neb li yo̱queb chixpletinquil ribeb. Teꞌrakok a̱tin saꞌ xbe̱neb aꞌ yal chanru naxye lin chakꞌrab. Teꞌxba̱nu lin chakꞌrab ut chixjunil li cꞌaꞌru xebintakla cuiꞌ. Ut teꞌx-oxlokꞌiheb li hiloba̱l cutan.

2 Crónicas 2:3

Li rey Salomón quitzꞌi̱bac riqꞌuin laj Hiram lix reyeb laj Tiro ut quixye re: —¿Ma incꞌaꞌ ta̱ru̱k ta̱takla caꞌchꞌinak incheꞌ chacalteꞌ joꞌ caba̱nu riqꞌuin laj David lin yucuaꞌ nak quixyi̱b li rochoch aꞌan?

Esdras 3:5

Ut queꞌmayejac joꞌ nequeꞌxba̱nu junelic ut queꞌmayejac saꞌ xyoꞌlajic li po ut saꞌ eb li cutan joꞌ yebil chak reheb xban li Ka̱cuaꞌ ut cuanqueb ajcuiꞌ li qui-ala saꞌ xchꞌo̱leb xqꞌuebal xmayejeb.