Levítico 23:17 - Li Santil hu

¹⁷ Saꞌ le̱ rochoch te̱cꞌam chak cuib li caxlan cua chokꞌ e̱mayej chiru li Ka̱cuaꞌ. Li junju̱nk chi caxlan cua aꞌan yi̱banbil riqꞌuin numenak cuakxakib libra li cha̱bil cꞌaj ut cua̱nk xchꞌamal. Laj tij tixtaksi saꞌ rukꞌ chiru li Ka̱cuaꞌ chokꞌ re le̱ mayej re li xbe̱n ru le̱ trigo.

Q'eqchi Bible

¹⁷ ut teek'am chaq sa' leerochoch ka'kab'aq li kaxlan wa, yiib'anb'ilaq rik'in xyu chaab'il k'aj triiw ut chiqb'ilaq chi wanq numenaq waqxaqib' liib'r li junjunq, jo' xb'een ru li awimq ut chaab'il mayej cho'q re li Qaawa'.

Levítico 23:17 ပူးပေါင်းရင်းမြစ်များ

Levítico 23:10

—Tat-a̱tinak riqꞌuineb laj Israel ut ta̱ye reheb chi joꞌcaꞌin: Nak tex-oc saꞌ li naꞌajej li tinqꞌue e̱re, nak te̱sicꞌ li xbe̱n ru le̱ racui̱mk, te̱cꞌam jun jo̱b riqꞌuin laj tij chokꞌ le̱ mayej.

Números 28:26

Ut saꞌ li cutan nak teꞌxmayeja li xbe̱n ru li racui̱mkeb chicuu teꞌxchꞌutub ribeb re xqꞌuebal inlokꞌal la̱in li Ka̱cuaꞌ ut ma̱ jun li cꞌanjel teꞌxba̱nu.

Levítico 7:13

Ut rochben lix mayej re xcꞌambal rib saꞌ usilal riqꞌuin li Dios re bantioxi̱nc, tixqꞌue li caxlan cua li cuan xchꞌamal.

Éxodo 34:26

Li xbe̱n ru le̱ racui̱mk te̱cꞌam saꞌ li naꞌajej li niquineꞌxlokꞌoni cuiꞌ. Me̱chik xtibel li chꞌina chiba̱t saꞌ xyaꞌal xtuꞌ lix naꞌ, chan li Dios.

Éxodo 34:22

Texninkꞌei̱k nak te̱sicꞌ li xbe̱n ru li trigo ut texninkꞌei̱k cuiꞌchic saꞌ xkꞌehil li kꞌoloc.

Éxodo 23:19

Te̱sicꞌ li xbe̱n ru le̱ racui̱mk li kꞌaxal cha̱bil. Aꞌan li te̱cꞌam saꞌ lin templo la̱in li Ka̱cuaꞌ le̱ Dios. Ut incꞌaꞌ te̱chik xtibel li chꞌina chiba̱t saꞌ xyaꞌal lix tuꞌ lix naꞌ.

Apocalipsis 14:4

Aꞌaneb aꞌin li queꞌpa̱ban re li Jun li chanchan carner, li queꞌta̱ken re yalak bar, li incꞌaꞌ queꞌxmux ribeb riqꞌuin ixk chi incꞌaꞌ sumsu̱queb. Aꞌineb li xbe̱n queꞌcoleꞌ saꞌ xya̱nkeb li cuanqueb saꞌ ruchichꞌochꞌ re nak teꞌoc chokꞌ ralal xcꞌajol li Dios ut chokꞌ ralal xcꞌajol li Jun li chanchan carner.

Santiago 1:18

Xban nak joꞌcan quiraj li Dios, joꞌcan nak quixye nak chiru li Dios chanchano li xbe̱n ru li racui̱mk li quixyoꞌobtesi chak.

1 Corintios 15:20

Abanan relic chi ya̱l nak li Cristo quicuaclesi̱c cuiꞌchic chi yoꞌyo saꞌ xya̱nkeb li camenak. Aꞌan li xbe̱n li quicuacli chi yoꞌyo chiruheb chixjunileb li teꞌcuaclesi̱k cuiꞌchic chi yoꞌyo.

Romanos 8:23

Ma̱cuaꞌ caꞌaj cuiꞌ li ruchichꞌochꞌ naxcꞌul li raylal. Nayotꞌeꞌ ajcuiꞌ li kachꞌo̱l la̱o aj pa̱banel xban li raylal nakacꞌul, usta ac xkacꞌul li Santil Musikꞌej. Li Santil Musikꞌej aꞌan xbe̱n li kama̱tan naxqꞌue ke li Dios. Yo̱co chiroybeninquil nak li Dios toxcꞌul joꞌ tzꞌakal ralal xcꞌajol ut ta̱jala̱k li katzꞌejcual ut tixqꞌue li kalokꞌal.

San Mateo 13:33

Jun chic li jaljo̱quil ru a̱tin quixye: —Jun li ixk quixqꞌue caꞌchꞌin lix chꞌamal caxlan cua saꞌ xya̱nk li oxib bisoc li cꞌaj ut quisi̱poꞌ li kꞌem xban, ut nabal chic li caxlan cua qui-el. Lix nimajcual cuanquilal li Dios chanchan ajcuiꞌ aꞌan. Nak nequeꞌrabi resil, nabal nequeꞌpa̱ban re.—

Números 15:17

Li Ka̱cuaꞌ quia̱tinac riqꞌuin laj Moisés ut quixye re:

Levítico 2:12

Ta̱ru̱k te̱qꞌue li caxlan cua cuan xchꞌamal ut li xyaꞌal cab chokꞌ e̱mayej re li xbe̱n ru le̱ racui̱mk. Abanan incꞌaꞌ ta̱cꞌatekꞌ saꞌ xbe̱n li artal.

Éxodo 23:16

Li xcab li ninkꞌe li te̱ba̱nu, aꞌan nak te̱sicꞌ li xbe̱n ru le̱ racui̱mk li nequerau saꞌ le̱ chꞌochꞌ. Ut li rox li ninkꞌe li te̱ba̱nu, aꞌan saꞌ rosoꞌjic li chihab nak te̱xoc chixjunil li ru le̱ racui̱mk li na-el saꞌ le̱ chꞌochꞌ.

Éxodo 22:29

Rajlal te̱mayeja cue li xbe̱n u le̱ racui̱mk joꞌ ajcuiꞌ li xyaꞌal li ru le̱ uvas. Ut te̱kꞌaxtesi ajcuiꞌ cue li xbe̱n le̱ ralal.

Levítico 23:18

Rochben li caxlan cua te̱qꞌue cuukub li cocꞌ carner te̱lom jun chihab cua̱nk reheb. Te̱qꞌue ajcuiꞌ jun li toro toj sa̱j ut cuib chic li carner te̱lom. Ma̱cꞌaꞌak re̱qꞌueb. Te̱qꞌue chokꞌ cꞌatbil mayej chiru li Ka̱cuaꞌ rochben li mayej trigo ut li mayej vino. Aꞌanak jun li sununquil mayej ta̱cuulak chiru li Ka̱cuaꞌ.

Nehemías 10:37

Ut kaye ajcuiꞌ nak rajlal takacꞌam saꞌ li naꞌajej bar naxocman cuiꞌ li nacꞌanjelac saꞌ li templo ut takakꞌaxtesi reheb laj tij li kꞌem li yi̱banbil riqꞌuin li xbe̱n ru li trigo ut takacꞌam ajcuiꞌ li vino ut li aceite joꞌ ajcuiꞌ chixjunil li xbe̱n ru li cheꞌ li naloꞌeꞌ. Ut li junju̱nk saꞌ xlaje̱tkil li ru li kacui̱mk takakꞌaxtesi reheb laj levita, xban nak eb aꞌan li nequeꞌxococ re li mayej aꞌan saꞌ chixjunileb li tenamit.

Números 18:12

La̱in tinqꞌue e̱re chixjunil li xbe̱n ru li acui̱mk, ut li cha̱bil aceite ut li cha̱bil vino li nequeꞌxqꞌue eb laj Israel chokꞌ xmayejeb.

Números 18:13

Chixjunil li xbe̱n ru li acui̱mk li nequeꞌxqꞌue cue chokꞌ xmayejeb la̱in tinqꞌue e̱re. Chixjunileb li cuanqueb saꞌ le̱ rochoch, li incꞌaꞌ muxbileb ru, naru teꞌxtzaca li mayej aꞌin.