Levítico 23:14 - Li Santil hu

¹⁴ Nak te̱qꞌue le̱ mayej acui̱mk re li Dios, incꞌaꞌ naru te̱cuaꞌ li caxlan cua yi̱banbil riqꞌuin trigo, chi moco te̱tzaca li trigo chi rax, chi moco chi qꞌuilinbil. Nak acak xeqꞌue le̱ mayej, naru te̱tzaca aꞌan. Li chakꞌrab aꞌin reheb le̱ ralal e̱cꞌajol anakcuan ut chi junelic kꞌe cutan aꞌ yal bar cua̱nkex.

Q'eqchi Bible

¹⁴ Toj taawulaq xkutankil naq teek'am leemayej chiru li Qaawa', ink'a' naru texwa'oq wa, chi moko k'ilenb'il triiw chi moko q'unil triiw. A'in jun chaq'rab' xaqxooq xwankil chi junelik cho'q eere laa'ex ut cho'q reheb' leeralal eek'ajol, yalaq ta b'ar wanqex.

Levítico 23:14 ပူးပေါင်းရင်းမြစ်များ

Éxodo 34:26

Li xbe̱n ru le̱ racui̱mk te̱cꞌam saꞌ li naꞌajej li niquineꞌxlokꞌoni cuiꞌ. Me̱chik xtibel li chꞌina chiba̱t saꞌ xyaꞌal xtuꞌ lix naꞌ, chan li Dios.

Nehemías 9:14

Ut caqꞌue ajcuiꞌ reheb li chakꞌrab chirix li hiloba̱l cutan li kꞌaxal lokꞌ cha̱cuu. Li chakꞌrab aꞌin ac quicꞌuteꞌ ajcuiꞌ chak chiruheb xban laj Moisés laj cꞌanjel cha̱cuu.

Deuteronomio 16:12

Julticak e̱re nak junxil la̱ex chak rahobtesinbil mo̱s aran Egipto. Joꞌcan nak qꞌuehomak le̱ chꞌo̱l chixba̱nunquil chixjunil li chakꞌrab aꞌin.

Levítico 10:11

Tento nak te̱tzoleb laj Israel riqꞌuin chixjunil li chakꞌrab li xinqꞌue re laj Moisés, chan li Dios.

Levítico 3:17

Incꞌaꞌ te̱tzaca lix xe̱bul li xul chi moco lix quiqꞌuel. Aꞌin jun li chakꞌrab cua̱nk xcuanquil junelic. Yalak bar cua̱nkex la̱ex li naꞌbej yucuaꞌbej te̱ba̱nu li chakꞌrab aꞌin, joꞌ eb ajcuiꞌ le̱ ralal e̱cꞌajol li teꞌcua̱nk mokon.

Salmos 19:8

Lix chakꞌrab li Ka̱cuaꞌ Dios, aꞌan tzꞌakal ti̱c ut incꞌaꞌ najala, ut naxqꞌue sahil chꞌo̱lej. Li chakꞌrab canabanbil xban li Ka̱cuaꞌ Dios, aꞌan tzꞌakal ya̱l ut naxcutanobresi li kanaꞌleb.

Levítico 2:14

Nak te̱qꞌue li xbe̱n ru le̱ racui̱mk chokꞌ e̱mayej chiru li Ka̱cuaꞌ, te̱qꞌuili li ju̱nk chijil nak toj rax. Nak acak xeqꞌuili, te̱ten ut te̱qꞌue li ru chokꞌ e̱mayej.

Éxodo 27:21

Laj Aarón rochbeneb li ralal, aꞌaneb li teꞌilok re li candelero li cuan saꞌ li Santil Naꞌajej, li cuan chiru li tas li naramoc re li Lokꞌlaj Santil Naꞌajej, li cuan cuiꞌ li Lokꞌlaj Ca̱x. Teꞌril nak junelic lochlo̱k chiru li Ka̱cuaꞌ lix xamlel li candelero. Li chakꞌrab aꞌin tenebanbil saꞌ xbe̱neb laj Israel joꞌqueb ajcuiꞌ li ralal xcꞌajoleb re nak joꞌcan teꞌxba̱nu junelic.

Levítico 23:31

Ma̱ jun li cꞌanjel te̱ba̱nu. Li chakꞌrab aꞌin reheb chixjunileb le̱ ralal e̱cꞌajol anakcuan ut chi junelic kꞌe cutan, aꞌ yal bar cua̱nkex.

Levítico 23:41

Rajlal chihab texninkꞌei̱k chiru cuukub cutan re xlokꞌoninquil li Ka̱cuaꞌ. Te̱tiquib saꞌ li xcuuk li po re li chihab. Aꞌan jun li chakꞌrab tento te̱ba̱nu joꞌ ajcuiꞌ eb le̱ ralal e̱cꞌajol li teꞌcua̱nk mokon.