Levítico 23:1 - Li Santil hu

¹ Li Ka̱cuaꞌ quia̱tinac riqꞌuin laj Moisés ut quixye re:

Q'eqchi Bible

¹ Li Qaawa' kiraatina laj Moisés ut kixye re:

Levítico 23:1 ပူးပေါင်းရင်းမြစ်များ

Levítico 22:33

La̱in quin-isin chak e̱re saꞌ li tenamit Egipto re nak la̱inak le̱ Dios. La̱in li Ka̱cuaꞌ, chan.

Levítico 23:2

—Ta̱ye reheb laj Israel cꞌaꞌru naxye li chakꞌrab chirixeb li ninkꞌe li teꞌxba̱nu nak teꞌxchꞌutub ribeb chinlokꞌoninquil. La̱at ta̱ye resil reheb nak li ninkꞌe li teꞌxba̱nu, aꞌan kꞌaxal lokꞌ.

Números 15:3

Te̱qꞌue li cꞌatbil mayej chicuu la̱in li Ka̱cuaꞌ. Te̱sicꞌ ru jun li toro malaj ut junak carner ut te̱cꞌat re xqꞌuebal inlokꞌal ut lix bo̱c ta̱cuulak chicuu joꞌ jun sununquil mayej. Te̱ba̱nu chi joꞌcan re nak ta̱tzꞌaklok ru li xeyechiꞌi cue, malaj ut chokꞌ re le̱ mayej li na-ala saꞌ e̱chꞌo̱l xqꞌuebal, malaj ut chokꞌ re le̱ ninkꞌe re inlokꞌoninquil, chan li Ka̱cuaꞌ.

Ezequiel 45:17

Ta̱cana̱k saꞌ xbe̱n li rey xkꞌaxtesinquil li xul re li cꞌatbil mayej. Ut aꞌan ajcuiꞌ ta̱kꞌaxtesi̱nk re li ru li acui̱mk ut li vino li nequeꞌxmayeja. Tixqꞌue li cꞌatbil mayej ut li mayej re xtzꞌa̱manquil xcuybal lix ma̱queb ut re xcꞌambaleb rib saꞌ usilal riqꞌuin li Dios. Tixba̱nu aꞌan nak nequeꞌxninkꞌei lix yoꞌlajic li po ut nak nequeꞌxninkꞌei li hiloba̱l cutan ut nak nequeꞌxba̱nu li ninkꞌe jun chꞌol chic. Li rey ta̱mayejak saꞌ xcꞌabaꞌeb chixjunileb laj Israel.

Levítico 23:44

Joꞌcaꞌin nak laj Moisés quixye re laj Israel chanru nak teꞌxba̱nu eb li ninkꞌe re xlokꞌoninquil li Dios.

1 Crónicas 23:31

Aꞌaneb li teꞌcꞌatok re li mayejanbil xul chiru li Ka̱cuaꞌ saꞌ eb li hiloba̱l cutan joꞌ ajcuiꞌ nak nequeꞌxninkꞌei lix yoꞌlajic li po, joꞌ ajcuiꞌ saꞌ eb li ninkꞌe li jun chꞌol chic. Ac chꞌolchꞌo jarubeb li teꞌxba̱nu li cꞌanjel ut jokꞌe teꞌcꞌanjelak li junju̱nk. Rajlal teꞌxba̱nu li cꞌanjel aꞌan chiru li Ka̱cuaꞌ, chan.

2 Crónicas 2:4

La̱in oc cue chixyi̱banquil jun li templo re takalokꞌoni cuiꞌ li Ka̱cuaꞌ lin Dios. Aꞌanak jun santil naꞌajej bar tolokꞌoni̱nk cuiꞌ cuochbeneb lin tenamit. Aran tocꞌatok sununquil ban ut aran tomayejak caxlan cua junelic. Rajlal ekꞌela ut rajlal ecuu takacꞌat li xul li takamayeja chiru li Dios. Joꞌcan ajcuiꞌ takaba̱nu rajlal saꞌ eb li hiloba̱l cutan ut saꞌ xyoꞌlajic li po ut saꞌ eb li ninkꞌe re lokꞌoni̱nc joꞌ cꞌaynako chixba̱nunquil chalen chak junxil.

2 Crónicas 8:13

Quixqꞌue li mayej aꞌin saꞌ eb li cutan nak tento xqꞌuebal joꞌ tzꞌi̱banbil saꞌ li chakꞌrab li quiqꞌueheꞌ re laj Moisés. Quixqꞌue lix mayej saꞌ eb li hiloba̱l cutan ut saꞌ lix yoꞌlajic li po, ut saꞌ li oxib chi ninkꞌe li queꞌxba̱nu rajlal chihab. Li xbe̱n li ninkꞌe, aꞌan nak queꞌxcuaꞌ li caxlan cua li ma̱cꞌaꞌ xchꞌamal; li xcab, aꞌan li ninkꞌe re li xama̱n; ut li rox, aꞌan nak queꞌxyi̱b lix cocꞌ muheba̱leb.

Isaías 1:13

Me̱cꞌam chak chic le̱ mayej li ma̱cꞌaꞌ na-oc cuiꞌ. Incꞌaꞌ chic nacuaj rutzꞌbal li pom. Xintitzꞌ xban. La̱ex nequeninkꞌei li xyoꞌlajic li po ut li hiloba̱l cutan. Abanan incꞌaꞌ chic nacuaj rilbal le̱ ninkꞌe xban nak junes ma̱usilal nequeba̱nu.

Ezequiel 44:24

Nak cua̱nk ple̱t, eb laj tij teꞌrakok a̱tin saꞌ xbe̱neb li yo̱queb chixpletinquil ribeb. Teꞌrakok a̱tin saꞌ xbe̱neb aꞌ yal chanru naxye lin chakꞌrab. Teꞌxba̱nu lin chakꞌrab ut chixjunil li cꞌaꞌru xebintakla cuiꞌ. Ut teꞌx-oxlokꞌiheb li hiloba̱l cutan.

Ezequiel 46:11

Saꞌ eb li jalan jala̱nk chi ninkꞌe teꞌxmayeja junmay litro li cꞌaj rochben li junju̱nk chi toro joꞌ eb ajcuiꞌ li carner. Ut teꞌxmayeja li joꞌ qꞌuial na-ala saꞌ xchꞌo̱leb rochbeneb li cocꞌ te̱lom carner. Ut tixqꞌue ajcuiꞌ oxib litro riqꞌuin media litro li aceite rochben li ju̱nkmay litro li cꞌaj.

Gálatas 4:10

La̱ex yo̱quex cuiꞌchic chixba̱nunquil le̱ najteril naꞌleb nak nequeninkꞌei eb li cutan, li po ut li chihab ut li cꞌaꞌak chic re ru chi ninkꞌehil.

Colosenses 2:16

Michꞌinan e̱chꞌo̱l cui ani nacuechꞌin e̱re riqꞌuin li cꞌaꞌru nequetzaca ut li cꞌaꞌru nequerucꞌ. Chi moco ta̱chꞌina̱nk e̱chꞌo̱l cui ani nacuechꞌin e̱re xban nak incꞌaꞌ nequeninkꞌei lix ninkꞌeheb. Cuan li nequeꞌxninkꞌei lix yoꞌlajic li po ut li hiloba̱l cutan.