Levítico 22:32 - Li Santil hu

³² Me̱mux ru lin santil cꞌabaꞌ re nak ta̱cꞌutu̱nk lin santilal saꞌ xya̱nkeb laj Israel xban nak la̱in li Ka̱cuaꞌ ut la̱in ninsantobresin e̱re.

Q'eqchi Bible

³² “Meemux ru linloq'laj k'ab'a' re naq chi jo'kan santob'resinb'ilaqin sa' xyanqeb' laj Israel. Laa'in li Qaawa', li ninsantob'resink eere laa'ex

Levítico 22:32 ပူးပေါင်းရင်းမြစ်များ

San Lucas 11:2

Ut li Ka̱cuaꞌ quixye reheb: —Nak textijok, te̱ye chi joꞌcaꞌin: Ka̱cuaꞌ, cuancat saꞌ li santil choxa, lokꞌoninbil taxak la̱ santil cꞌabaꞌ. Chicha̱lk ta la̱ nimajcual cuanquilal. Chi-uxk ta li nacacuaj joꞌ saꞌ choxa, joꞌ ta ajcuiꞌ saꞌ ruchichꞌochꞌ.

Levítico 18:21

Junak cui̱nk incꞌaꞌ naru tixqꞌue li ralal xcꞌajol chokꞌ xcꞌatbil mayej chiru li yi̱banbil dios Moloc. Incꞌaꞌ ta̱risi xlokꞌal lin cꞌabaꞌ la̱in li Ka̱cuaꞌ le̱ Dios riqꞌuin xba̱nunquil aꞌin. La̱in li Ka̱cuaꞌ li yo̱quin chi yehoc re aꞌin.

San Mateo 6:9

Ut la̱ex joꞌcaꞌin nak textijok: At Ka̱cuaꞌ, cuancat saꞌ li santil choxa, lokꞌoninbilak taxak la̱ santil cꞌabaꞌ.

Levítico 22:2

—Ta̱ye re laj Aarón ut reheb li ralal nak teꞌxqꞌue xlokꞌal li santil mayej li nequeꞌxkꞌaxtesi chicuu eb laj Israel re nak incꞌaꞌ teꞌxmux ru lin santil cꞌabaꞌ. La̱in li Ka̱cuaꞌ ninyehoc re aꞌin.

Levítico 10:3

Tojoꞌnak laj Moisés quixye re laj Aarón: —Aꞌan aꞌin li quiraj xyebal li Ka̱cuaꞌ nak quixye: “Ta̱cꞌutu̱nk lin santilal chiruheb li ani nequeꞌxba̱nu li cꞌaꞌru ninye. Ut chiruheb chixjunileb li tenamit ta̱qꞌuehekꞌ inlokꞌal.”— Ut laj Aarón incꞌaꞌ quichakꞌoc nak quirabi li cꞌaꞌru quixye.

1 Corintios 1:2

Yo̱quin chixtzꞌi̱banquil li hu aꞌin e̱riqꞌuin la̱ex aj pa̱banel li cuanquex saꞌ li tenamit Corinto. Santobresinbilex saꞌ xcꞌabaꞌ li Jesucristo ut sicꞌbil e̱ru xban li Dios chokꞌ ralal xcꞌajol. Ut sicꞌbil ajcuiꞌ ruheb chixjunileb li cuanqueb yalak bar li nequeꞌxya̱ba xcꞌabaꞌ li Jesucristo. Aꞌan li kaDios chikajunilo la̱o li nocopa̱ban re.

San Juan 17:17

Chasantobresiheb taxak riqꞌuin la̱ cua̱tin, xban nak aꞌan li tzꞌakal ya̱l.

Isaías 5:16

Caꞌaj chic li nimajcual Dios ta̱qꞌuehekꞌ xlokꞌal xban nak narakoc a̱tin saꞌ ti̱quilal. Li Ka̱cuaꞌ Dios tixcꞌutbesi lix santilal xban lix ti̱quilal xchꞌo̱l.

Levítico 21:15

Tento nak tixba̱nu chi joꞌcan re nak incꞌaꞌ tixmux ruheb li ralal xcꞌajol saꞌ lix tenamiteb. La̱in li Ka̱cuaꞌ li ninsantobresin re, chan li Dios.

Levítico 21:8

Eb laj tij teꞌoxlokꞌi̱k xban nak eb aꞌan li nequeꞌmayejac caxlan cua chicuu. La̱in li Ka̱cuaꞌ. La̱in santo ut la̱in ninsantobresin e̱re.

Levítico 20:8

Cheqꞌuehak retal li chakꞌrab li xinqꞌue e̱re ut cheba̱nu li cꞌaꞌru naxye xban nak la̱in li Ka̱cuaꞌ ninsantobresin e̱re.

Levítico 22:16

Teꞌxqꞌue chi xtojbal xma̱c li cristian cui teꞌxqꞌue chixtzaca li tzacae̱mk santobresinbil. La̱in li Ka̱cuaꞌ. La̱in ninsantobresin reheb li tzacae̱mk aꞌan.

Levítico 22:31

Te̱ba̱nu li chakꞌrab li xinqꞌue e̱re ut te̱ba̱nu li nequexintakla cuiꞌ. La̱in li Ka̱cuaꞌ ninyehoc re aꞌin.

Levítico 22:33

La̱in quin-isin chak e̱re saꞌ li tenamit Egipto re nak la̱inak le̱ Dios. La̱in li Ka̱cuaꞌ, chan.

Isaías 8:13

Chaqꞌue retal nak santin la̱in li nimajcual Dios. Ta̱xucua cuu la̱in.