Levítico 22:28 - Li Santil hu

²⁸ Me̱camsi junak li cuacax rochben li ral saꞌ jun chi cutan. Chi moco te̱camsi li carner ut li ral saꞌ jun chi cutan.

Q'eqchi Bible

²⁸ “Chiru jun chi kutan maakamsi wakax malaj karneer rochb'een li ral.

Levítico 22:28 ပူးပေါင်းရင်းမြစ်များ

Deuteronomio 14:21

Incꞌaꞌ naru te̱tzaca xtibel li xul li nacam yal xjunes. Naru te̱qꞌue reheb li jalaneb xtenamit li cuanqueb saꞌ e̱ya̱nk ut eb aꞌan naru teꞌxtzaca. Malaj ut naru te̱cꞌayi reheb li jalan xtenamit li yo̱queb chi numecꞌ saꞌ le̱ naꞌaj. Incꞌaꞌ naru te̱tzaca xtibel li xul aꞌan xban nak la̱ex jun santil tenamit chiru li Ka̱cuaꞌ le̱ Dios. Ut me̱chik xtibel li chꞌina chiba̱t saꞌ xyaꞌal xtuꞌ lix naꞌ.

Éxodo 34:26

Li xbe̱n ru le̱ racui̱mk te̱cꞌam saꞌ li naꞌajej li niquineꞌxlokꞌoni cuiꞌ. Me̱chik xtibel li chꞌina chiba̱t saꞌ xyaꞌal xtuꞌ lix naꞌ, chan li Dios.

Éxodo 23:19

Te̱sicꞌ li xbe̱n ru le̱ racui̱mk li kꞌaxal cha̱bil. Aꞌan li te̱cꞌam saꞌ lin templo la̱in li Ka̱cuaꞌ le̱ Dios. Ut incꞌaꞌ te̱chik xtibel li chꞌina chiba̱t saꞌ xyaꞌal lix tuꞌ lix naꞌ.