Levítico 22:2 - Li Santil hu

² —Ta̱ye re laj Aarón ut reheb li ralal nak teꞌxqꞌue xlokꞌal li santil mayej li nequeꞌxkꞌaxtesi chicuu eb laj Israel re nak incꞌaꞌ teꞌxmux ru lin santil cꞌabaꞌ. La̱in li Ka̱cuaꞌ ninyehoc re aꞌin.

Q'eqchi Bible

² “Ye re laj Aharón ut reheb' li ralal xk'ajol naq tento te'roxloq'i li k'a'aq re ru neke'xmayeja chiwu eb' laj Israel, re naq ink'a' te'xmux linloq'laj k'ab'a'. Laa'in li Qaawa'.

Levítico 22:2 ပူးပေါင်းရင်းမြစ်များ

Deuteronomio 15:19

Te̱kꞌaxtesi re li Ka̱cuaꞌ le̱ Dios li xbe̱n ral le̱ cuacax li te̱lom, ut li xbe̱n ral le̱ carner li te̱lom. Incꞌaꞌ te̱qꞌue chi cꞌanjelac li xbe̱n ral le̱ bo̱yx ut me̱bes rix li xbe̱n ral le̱ carner.

Levítico 18:21

Junak cui̱nk incꞌaꞌ naru tixqꞌue li ralal xcꞌajol chokꞌ xcꞌatbil mayej chiru li yi̱banbil dios Moloc. Incꞌaꞌ ta̱risi xlokꞌal lin cꞌabaꞌ la̱in li Ka̱cuaꞌ le̱ Dios riqꞌuin xba̱nunquil aꞌin. La̱in li Ka̱cuaꞌ li yo̱quin chi yehoc re aꞌin.

Números 18:32

Cui te̱qꞌue re li Ka̱cuaꞌ li kꞌaxal cha̱bil, ma̱cꞌaꞌak le̱ ma̱c. Incꞌaꞌ te̱mux ru lix santil mayejeb laj Israel re nak incꞌaꞌ texca̱mk, chan li Dios.

Levítico 22:32

Me̱mux ru lin santil cꞌabaꞌ re nak ta̱cꞌutu̱nk lin santilal saꞌ xya̱nkeb laj Israel xban nak la̱in li Ka̱cuaꞌ ut la̱in ninsantobresin e̱re.

Levítico 19:12

Me̱ba̱nu li juramento saꞌ incꞌabaꞌ la̱in chi ma̱cꞌaꞌ rajbal. Cui te̱ba̱nu chi joꞌcan te̱mux ru lin cꞌabaꞌ. La̱in li Ka̱cuaꞌ xinyehoc re aꞌin.

Éxodo 28:38

Li mitra junelic cua̱nk saꞌ xjolom laj Aarón nak tixkꞌaxtesi chiru li Dios lix mayejeb li tenamit. Ut cui teꞌpaltok laj Israel riqꞌuin li mayej teꞌxqꞌue, lix ma̱queb ta̱cana̱k saꞌ xbe̱n laj Aarón. Abanan li Dios tixcꞌul lix mayejeb xban nak li jun chꞌina pere̱l chi oro tzꞌi̱banbil cuiꞌ li a̱tin junelic cua̱nk saꞌ xjolom laj Aarón.

Éxodo 13:12

Nak cua̱nkex aran la̱ex te̱kꞌaxtesi saꞌ rukꞌ li Dios li xbe̱n e̱ralal. Ut te̱kꞌaxtesi ajcuiꞌ re chixjunil li xbe̱n raleb le̱ queto̱mk li te̱lom.

Levítico 21:6

Tento nak santakeb laj tij re nak incꞌaꞌ teꞌxcꞌut xxuta̱n lin cꞌabaꞌ xban nak aꞌaneb li nequeꞌxqꞌue li cꞌatbil mayej ut nequeꞌmayejac li caxlan cua chicuu la̱in lix Dioseb. Joꞌcan nak tento nak santakeb.

Levítico 20:3

La̱in tinjoskꞌokꞌ saꞌ xbe̱n li cui̱nk li tixqꞌue li ralal xcꞌajol chokꞌ xmayej re xlokꞌoninquil li yi̱banbil dios Moloc. Riqꞌuin aꞌan teꞌxmux ru lin tabernáculo ut teꞌxmux ajcuiꞌ ru lin santil cꞌabaꞌ. Cui teꞌxba̱nu chi joꞌcan, la̱in tincuisiheb saꞌ xya̱nkeb laj Israel.

Levítico 15:31

La̱ex te̱ye reheb laj Israel nak teꞌxba̱nu li chakꞌrab aꞌin re nak incꞌaꞌ muxbilak ruheb nak teꞌcha̱lk saꞌ lin tabernáculo li cuan saꞌ xya̱nkeb. Cui teꞌxmux ru lin tabernáculo teꞌca̱mk.

Levítico 22:1

Li Ka̱cuaꞌ quia̱tinac riqꞌuin laj Moisés ut quixye re:

Esdras 8:28

Ut quinye reheb: —La̱ex kꞌaxtesinbilex saꞌ rukꞌ li Ka̱cuaꞌ. Joꞌcan ajcuiꞌ li secꞌ aꞌin ut li plata ut li oro. Qui-ala saꞌ xchꞌo̱leb li kaxeꞌto̱nil yucuaꞌ xqꞌuebal chokꞌ xmayejeb re li Ka̱cuaꞌ Dios.

Isaías 52:11

Joꞌcan nak elenkex che̱junilex la̱ex. Tex-e̱lk Babilonia. Ut me̱chꞌeꞌ li cꞌaꞌak re ru li cuan aran xban nak incꞌaꞌ us. Ut me̱mux e̱rib la̱ex li texcꞌamok re li cꞌaꞌru nacꞌanjelac saꞌ lix templo li Ka̱cuaꞌ.

Ezequiel 44:8

La̱ex aj Israel incꞌaꞌ quexcꞌanjelac chicuu saꞌ lin templo joꞌ quexintakla cuiꞌ. Quexakabeb ban li jalaneb xtenamit chixba̱nunquil.