Levítico 22:18 - Li Santil hu

¹⁸ —Tat-a̱tinak riqꞌuin laj Aarón ut riqꞌuineb li ralal joꞌ eb ajcuiꞌ laj Israel ut ta̱ye reheb chi joꞌcaꞌin: Cui junak aj Israel malaj junak jalan xtenamit saꞌ e̱ya̱nk tixqꞌue lix cꞌatbil mayej, li xul li tixqꞌue chokꞌ xmayej tzꞌakalak re ru ut ma̱cꞌaꞌak re̱cꞌ, usta naxqꞌue xban nak x-ala saꞌ xchꞌo̱l malaj ut xban nak cuan li cꞌaꞌru quixyechiꞌi.

Q'eqchi Bible

¹⁸ “Aatinan rik'in laj Aharón, rik'ineb' li ralal xk'ajol jo'wi' chixjunileb' laj Israel ut ye reheb': Wi junaq reheb' laj Israel malaj ut aj ab'l tenamit li wanq sa' xyanqeb' tixq'axtesi chiru li Qaawa' junaq k'atb'il xul cho'q mayej, mare yal re xpaab'ankil junaq yeechi'inb'il aatin malaj ut yal x'alajik sa' xch'ool,

Levítico 22:18 ပူးပေါင်းရင်းမြစ်များ

Deuteronomio 12:6

Ut aran te̱cꞌam le̱ mayej xul ut te̱camsi ut te̱cꞌat re xqꞌuebal xlokꞌal li Ka̱cuaꞌ. Ut te̱cꞌam ajcuiꞌ le̱ mayej li junju̱nk saꞌ xlaje̱tkil joꞌ ajcuiꞌ li mayej li na-ala saꞌ e̱chꞌo̱l xqꞌuebal. Te̱cꞌam ajcuiꞌ le̱ mayej li ac xeyechiꞌi re li Ka̱cuaꞌ. Ut aran ajcuiꞌ te̱mayeja li xbe̱n ral le̱ cuacax ut li xbe̱n ral le̱ carner.

Números 15:3

Te̱qꞌue li cꞌatbil mayej chicuu la̱in li Ka̱cuaꞌ. Te̱sicꞌ ru jun li toro malaj ut junak carner ut te̱cꞌat re xqꞌuebal inlokꞌal ut lix bo̱c ta̱cuulak chicuu joꞌ jun sununquil mayej. Te̱ba̱nu chi joꞌcan re nak ta̱tzꞌaklok ru li xeyechiꞌi cue, malaj ut chokꞌ re le̱ mayej li na-ala saꞌ e̱chꞌo̱l xqꞌuebal, malaj ut chokꞌ re le̱ ninkꞌe re inlokꞌoninquil, chan li Ka̱cuaꞌ.

Levítico 1:2

Quixye re nak tixye reheb laj Israel chanru teꞌxba̱nu nak teꞌmayejak chiru li Dios. Joꞌcaꞌin quixye re: Nak li tenamit teꞌxmayeja li xul tento nak teꞌxqꞌue jun reheb lix queto̱mk cuacax, malaj ut carner.

Hechos 18:18

Aꞌut laj Pablo toj quicana aran nabal cutan. Tojoꞌnak quixchakꞌrabiheb laj pa̱banel ut qui-el. Co̱ chiru haꞌ toj Siria rochbeneb lix Priscila ut laj Aquila. Aran saꞌ li tenamit Cencrea quixbes li rismal. Aꞌan retalil nak quixba̱nu li cꞌaꞌru quixyechiꞌi re li Dios.

Nahum 1:15

Yo̱ chak chi cha̱lc saꞌ xbe̱n li tzu̱l li taklanbil chak li yo̱ chak chi cꞌamoc re li cha̱bil esilal chirix li tuktu̱quil usilal. Anakcuan ba̱nuhomak le̱ ninkꞌe joꞌ cꞌaynakex xba̱nunquil la̱ex aj Judá ut ba̱nuhomak li cꞌaꞌru xeyechiꞌi re li Dios xban nak incꞌaꞌ chic teꞌnumta̱k saꞌ e̱be̱n li xicꞌ nequeꞌiloc e̱re. Xeꞌsacheꞌ ruheb chi junaj cua.

Jonás 2:9

Abanan la̱in tinqꞌue a̱lokꞌal ut tinmayejak cha̱cuu. Tinba̱nu li cꞌaꞌru quinyechiꞌi a̱cue. Li colba-ib junes a̱cuiqꞌuin la̱at nachal chak, at Ka̱cuaꞌ, chan laj Jonás.

Jonás 1:16

Nak queꞌril li cꞌaꞌru quixba̱nu li Dios, queꞌxxucua ru ut queꞌmayejac chiru ut queꞌxyechiꞌi ajcuiꞌ re nak teꞌcꞌanjelak chiru.

Eclesiastés 5:4

Cui cꞌaꞌru te̱raj xyechiꞌinquil re li Dios, cheba̱nuhak chi junpa̱t xban nak li Dios incꞌaꞌ nacuulac chiru nak incꞌaꞌ nequeba̱nu li cꞌaꞌru nequeyechiꞌi re.

Salmos 116:18

La̱in tinqꞌue re li Ka̱cuaꞌ li cꞌaꞌru xinyechiꞌi re. Tinba̱nu chiruheb lix tenamit li Ka̱cuaꞌ nak chꞌutchꞌu̱keb.

Salmos 116:14

La̱in tinqꞌue re li Ka̱cuaꞌ li cꞌaꞌru xinyechiꞌi re. Tinba̱nu chiruheb lix tenamit li Ka̱cuaꞌ nak chꞌutchꞌu̱keb.

Salmos 66:13

La̱in tinxic saꞌ la̱ cuochoch ut tincꞌat lin mayej cha̱cuu. Tinqꞌue lin mayej joꞌ xinyechiꞌi a̱cue.

Salmos 65:1

At inDios, a̱cue li lokꞌoni̱c arin Sión. Ut a̱cꞌulub nak takaba̱nu li cꞌaꞌru xkayechiꞌi a̱cue,

Salmos 61:8

Junelic tinlokꞌoni la̱ cꞌabaꞌ ut rajlal cutan tinba̱nu li cꞌaꞌru xinyechiꞌi a̱cue.

Salmos 61:5

At inDios, la̱at xacuabi ut nacanau li cꞌaꞌru xinyechiꞌi a̱cue. Xaqꞌue ajcuiꞌ cue la̱in li cꞌaꞌru nacaqꞌue reheb li nequeꞌqꞌuehoc a̱lokꞌal.

Salmos 56:12

At inDios, la̱in tinqꞌue a̱cue li cꞌaꞌru xinyechiꞌi a̱cue. La̱in tinqꞌue a̱lokꞌal ut tinbantioxi̱nk cha̱cuu.

Salmos 22:25

Chiruheb chixjunileb la̱ cualal a̱cꞌajol tinqꞌue a̱lokꞌal. Ut chiruheb chixjunileb li nacateꞌxlokꞌoni tinqꞌue li xinyechiꞌi a̱cue.

Deuteronomio 16:10

Li ninkꞌe li te̱ba̱nu, aꞌan re xlokꞌoninquil li Ka̱cuaꞌ le̱ Dios. Ut li mayej li te̱qꞌue, aꞌan li joꞌ qꞌuial na-ala saꞌ e̱chꞌo̱l xqꞌuebal, aꞌ yal chanru le̱ rosobtesinquil xban li Ka̱cuaꞌ le̱ Dios.

Deuteronomio 12:17

Abanan li mayej li nequeqꞌue chiru li Ka̱cuaꞌ incꞌaꞌ naru te̱tzaca saꞌ le̱ tenamit, joꞌ li junju̱nk saꞌ xlaje̱tkil li ru le̱ racui̱mk, ut le̱ vino, ut le̱ aceite, joꞌ ajcuiꞌ li xbe̱n ral le̱ cuacax, ut li xbe̱n ral le̱ carner. Ut incꞌaꞌ naru te̱tzaca saꞌ le̱ tenamit li mayej li nequeqꞌue nak nequeyechiꞌi re li Dios xba̱nunquil li cꞌaꞌak re ru, ut li mayej li na-ala saꞌ e̱chꞌo̱l xqꞌuebal, joꞌ ajcuiꞌ li mayej li nequetaksi chiru li Ka̱cuaꞌ saꞌ le̱ rukꞌ.

Levítico 23:38

Eb li mayej aꞌin, aꞌan jun chic li mayej li te̱qꞌue nak nequeqꞌue le̱ mayej saꞌ li hiloba̱l cutan nak nequeqꞌue le̱ ma̱tan ut eb li mayej li xeyechiꞌi xqꞌuebal re li Ka̱cuaꞌ joꞌ ajcuiꞌ li mayej li na-ala saꞌ e̱chꞌo̱l xqꞌuebal.

Levítico 17:13

Cui junak aj Israel malaj ut junak jalan xtenamit li cuan saꞌ e̱ya̱nk tixchap junak li xul saꞌ qꞌuicheꞌ malaj junak li xul li narupupic li naru xtiubal xtibel, tixhoy lix quiqꞌuel ut tixqꞌue chꞌochꞌ saꞌ xbe̱n li quicꞌ.

Levítico 17:10

Cui junak aj Israel, malaj ut junak jalan xtenamit cua̱nk saꞌ e̱ya̱nk, tixtiu li quicꞌ, la̱in tinjoskꞌokꞌ riqꞌuin ut tincuisi aꞌan saꞌ e̱ya̱nk la̱ex aj Israel.

Levítico 7:16

Abanan cui tixqꞌue lix mayej yal xban nak qui-ala saꞌ xchꞌo̱l xqꞌuebal, malaj ut xban nak cuan cꞌaꞌru quixyechiꞌi re li Ka̱cuaꞌ nak tixba̱nu, ta̱tzaca̱k li tib saꞌ li cutan nak ta̱qꞌuehekꞌ lix mayej. Ut li joꞌ qꞌuial na-elaꞌan naru xtzacanquil saꞌ li cutan jun chic.

Levítico 1:10

Cui carner malaj ut chiba̱t li tixqꞌue chokꞌ cꞌatbil mayej, tento nak tixqꞌue junak te̱lom tzꞌakalak re ru.

Éxodo 12:5

Usta chiba̱t, usta carner li te̱sicꞌ, jun chihab cua̱nk re. Ut tento nak te̱lom li xul ut cha̱bilak. Ma̱cꞌaꞌak xyajel.

Levítico 22:17

Li Ka̱cuaꞌ quia̱tinac riqꞌuin laj Moisés ut quixye re:

Amós 4:5

Ayukex. Chemayeja le̱ caxlan cua li cuan xchꞌamal ut yehomak resil li joꞌ qꞌuial xemayeja xban nak aꞌan li nacuulac che̱ru xba̱nunquil, la̱ex aj Israel, chan li Ka̱cuaꞌ Dios.

Malaquías 1:14

Tzꞌekta̱nanbilak li ani nabalakꞌin riqꞌuin xyechiꞌinquil jun li cha̱bil xul te̱lom chokꞌ xmayej ut incꞌaꞌ ajcuiꞌ naxqꞌue. Naxmayeja ban li xul li yaj li incꞌaꞌ us. La̱in li tzꞌakal Rey, chan li nimajcual Dios, ut xucuanbilak cuu saꞌ xya̱nkeb li xni̱nkal ru tenamit.

2 Crónicas 31:14

Laj Coré li ralal laj Imna laj levita, aꞌan li nacꞌacꞌalen saꞌ li oqueba̱l li cuan saꞌ li este, ut aꞌan ajcuiꞌ li quixakaba̱c chixcꞌulbal li mayej li qui-ala saꞌ xchꞌo̱leb xqꞌuebal re li Dios. Ut aꞌan ajcuiꞌ li najeqꞌuin re li mayej li kꞌaxtesinbil re li Dios.