Levítico 22:10 - Li Santil hu

¹⁰ Ma̱ ani naru tixtzaca li santobresinbil tzacae̱mk cui ma̱cuaꞌ xcomon laj tij. Chi moco li rulaꞌ chi moco lix tojbil mo̱s naru nequeꞌtzacan re.

Q'eqchi Bible

¹⁰ “Maajun li maawa' xkomoneb' laj tij, naru tixtzeka li loq'laj mayej. “Maajun rula' laj tij chi moko junaq xtojb'il moos naru tixtzeka li loq'laj mayej.

Levítico 22:10 ပူးပေါင်းရင်းမြစ်များ

San Mateo 12:4

Qui-oc saꞌ li cab bar nequeꞌxlokꞌoni cuiꞌ li Dios ut cuan aran li mayejanbil caxlan cua. Ma̱cuaꞌ raj re laj David xcuaꞌbal li caxlan cua aꞌan, chi moco reheb li rochben. Juneseb laj tij naru nequeꞌxcuaꞌ li mayejanbil caxlan cua. Abanan laj David quixcuaꞌ.

1 Samuel 21:6

Ut laj tij quixqꞌue li mayejanbil caxlan cua re laj David xban nak ma̱cꞌaꞌ chic cuan re. Caꞌaj cuiꞌ li caxlan cua li qui-isi̱c saꞌ li me̱x nak quiqꞌueheꞌ li caxlan cua li toj qui-el saꞌ li horno.

Éxodo 29:33

Teꞌxtzaca li tib ut li caxlan cua aꞌan li ta̱mayeja̱k re xtzꞌa̱manquil xcuybal xma̱queb nak teꞌxakaba̱k chokꞌ aj tij. Ma̱ ani chic junak jalan ta̱ru̱k tixtzaca li tzacae̱mk aꞌan xban nak ac kꞌaxtesinbilak chicuu la̱in li Ka̱cuaꞌ.

Éxodo 12:45

Abanan eb li tojbil mo̱s ut eb li jalan xtenamiteb incꞌaꞌ naru teꞌxtzaca.

Levítico 22:13

Abanan cui lix rabin laj tij xma̱lcaꞌan, malaj ut xjachom rib riqꞌuin lix be̱lom ut ma̱cꞌaꞌ xcocꞌal, li ixk aꞌan ta̱sukꞌi̱k saꞌ rochoch lix yucuaꞌ joꞌ nak quicuan saꞌ xsa̱jilal ut naru tixtzaca lix tzacae̱mk lix yucuaꞌ. Abanan ma̱ jun junak jalan naru natzacan re li santobresinbil tzacae̱mk.

Números 3:10

Ta̱xakabeb laj Aarón ut eb li ralal chi cꞌanjelac chokꞌ aj tij. Ut li jalan teꞌnachꞌok riqꞌuin li tabernáculo teꞌca̱mk.—

Éxodo 12:43

Li Ka̱cuaꞌ Dios quixye re laj Moisés ut laj Aarón: —Joꞌcaꞌin nak texninkꞌei̱k re xjulticanquil chanru nak quexcoleꞌ nak quilajeꞌcamsi̱c li xbe̱n ralaleb laj Egipto. Ma̱ jun jalan xtenamit ta̱tzaca̱nk re li tzacae̱mk aꞌin.

Levítico 21:22

Naru nequeꞌxtzaca li mayej caxlan cua li kꞌaxal lokꞌ ut li cꞌaꞌak re ru li santobresinbil,

1 Samuel 21:7

Jun lix mo̱s laj Saúl cuan aran saꞌ li cutan aꞌan chixba̱nunquil jun lix taklanquil chiru li Dios. Li cui̱nk aꞌan aj Doeg xcꞌabaꞌ. Edom xtenamit. Aꞌan li nataklan saꞌ xbe̱neb li nequeꞌiloc reheb lix queto̱mk laj Saúl.

Esdras 2:63

Ut li gobernador quixye nak incꞌaꞌ naru teꞌxtzaca li kꞌaxtesinbil tzacae̱mk toj cua̱nk junak aj tij ta̱tzꞌilok a̱tin chirixeb riqꞌuin li Urim ut li Tumim.

Ezequiel 44:8

La̱ex aj Israel incꞌaꞌ quexcꞌanjelac chicuu saꞌ lin templo joꞌ quexintakla cuiꞌ. Quexakabeb ban li jalaneb xtenamit chixba̱nunquil.