Levítico 21:9 - Li Santil hu

⁹ Cui junak xrabin laj tij tixtiquib xcꞌayinquil rib, li jun aꞌan tixcꞌut xxuta̱n lix yucuaꞌ. Cꞌatbil ta̱uxk re nak ta̱camsi̱k.

Q'eqchi Bible

⁹ “Wi li xrab'in junaq aj tij tixmux rib' ut taa'ok cho'q aj yumb'eet, tixmux xwankil li xyuwa' ut tento taak'atmanq chi yo'yo.

Levítico 21:9 ပူးပေါင်းရင်းမြစ်များ

Génesis 38:24

Nak ac xnumeꞌ chic oxib po queꞌxye re laj Judá: —Lix Tamar la̱ cualib yo̱ chi yumbe̱tac xban nak yaj aj ixk chic.— Ut laj Judá quixye reheb: —Ayukex. Te̱risi li ixk aꞌan saꞌ rochoch lix yucuaꞌ ut te̱cꞌat, chan laj Judá reheb.

Levítico 19:29

Me̱cꞌut xxuta̱n le̱ rabin riqꞌuin xqꞌuebal xlese̱ns chixcꞌayinquil ribeb nak nequeꞌxlokꞌoni li jalanil dios. Cui te̱ba̱nu chi joꞌcan ta̱numta̱k li ma̱usilal saꞌ li naꞌajej aꞌin.

Tito 1:6

Ti̱cak xchꞌo̱l li ani ta̱xakab re nak ma̱cꞌaꞌ ta̱yehekꞌ chirixeb. Junak ajcuiꞌ li rixakil ut aj pa̱banelakeb li ralal xcꞌajol. Cha̱bilakeb xnaꞌleb ut teꞌabi̱nk chiruheb lix naꞌ xyucuaꞌ.

Malaquías 2:3

La̱in tincuisi le̱ cuanquil ut tincut saꞌ xnakꞌ e̱ru lix cꞌot li xul li nequemayeja. Ut texcuisi chirix cab e̱rech xxiquic lix cꞌot li xul li nequemayeja.

Ezequiel 9:6

Jun xiquic nak te̱camsiheb li ti̱xil cui̱nk joꞌ eb li chꞌajom, li xkaꞌal, li naꞌbej joꞌ eb ajcuiꞌ li cocꞌal. Abanan incꞌaꞌ te̱chꞌeꞌeb li cuan retalileb saꞌ xpe̱quemeb, chan. Ut eb aꞌan queꞌxtiquib xcamsinquileb li nequeꞌcꞌamoc be, li cuanqueb chiru li templo.

Isaías 33:14

Eb li nequeꞌxba̱nu li ma̱usilal li cuanqueb Sión cꞌajoꞌ nak nequeꞌxucuac. Nequeꞌsicsot xbaneb xxiu ut nequeꞌxye: —¿Ani ta biꞌ ta̱ru̱k ta̱colekꞌ chiru li xam li lochlo chi junelic? ¿Ani ta biꞌ ta̱ru̱k ta̱colekꞌ chiru li Ka̱cuaꞌ nak ta̱rakok a̱tin saꞌ kabe̱n? chanqueb.

1 Samuel 2:34

Aꞌan aꞌin li retalil li tinqꞌue a̱cue re nak ta̱nau nak tzꞌakal ya̱l li yo̱quin chixyebal a̱cue. Saꞌ ajcuiꞌ li cutan nak ta̱ca̱mk la̱ cualal aj Ofni, ta̱ca̱mk ajcuiꞌ la̱ cualal aj Finees.

1 Samuel 2:17

Kꞌaxal cuiꞌchic nimla ma̱c chiru li Ka̱cuaꞌ li queꞌxba̱nu li ralal laj Elí nak queꞌxmux ru li mayej li queꞌxmayeja li tenamit chiru li Ka̱cuaꞌ.

Josué 7:25

Laj Josué quixye re: —¿Cꞌaꞌut nak xacꞌam chak li raylal aꞌin saꞌ kabe̱n? Anakcuan li Ka̱cuaꞌ xqꞌuehak chatoj li raylal li xacꞌam chak saꞌ kabe̱n.— Nak quixye aꞌin laj Josué, chixjunileb laj Israel queꞌxcamsi chi pec laj Acán joꞌ ajcuiꞌ chixjunil li cuanqueb rochben. Ut chirix aꞌan queꞌxcꞌat.

Josué 7:15

Ut li cui̱nk li xxococ re li cꞌaꞌru tento raj xsachman, aꞌan li cuan xma̱c. Aꞌan ta̱cꞌatekꞌ rochben li rixakil ut li ralal xcꞌajol joꞌ ajcuiꞌ chixjunil li cꞌaꞌru cuan re xban nak xba̱nu li incꞌaꞌ us saꞌ xya̱nkeb laj Israel nak quixkꞌet li contrato li quinba̱nu riqꞌuineb, chan li Ka̱cuaꞌ.

Levítico 20:14

Cui junak cui̱nk tixcꞌam chokꞌ rixakil junak li ixk ut tixcꞌam ajcuiꞌ chokꞌ rixakil lix naꞌ li ixk, nimla ma̱c li teꞌxba̱nu. Teꞌcamsi̱k chi roxichaleb. Cꞌatbil nak teꞌosokꞌ re nak incꞌaꞌ chic ta̱uxma̱nk li ma̱usilal aꞌan saꞌ e̱ya̱nk la̱ex.

Éxodo 31:14

Che-oxlokꞌi li hiloba̱l cutan xban nak aꞌan li lokꞌlaj santil cutan chokꞌ e̱re. Li ani tixmux ru li hiloba̱l cutan, aꞌan ta̱camsi̱k. Li ani natrabajic chiru li hiloba̱l cutan ta̱isi̱k saꞌ e̱ya̱nk chi jun aj cua.

Deuteronomio 22:21

li xkaꞌal ta̱cꞌamekꞌ chiru li puerta re li rochoch lix yucuaꞌ ut eb li cui̱nk saꞌ li tenamit aꞌan teꞌxcuti chi pec toj retal teꞌxcamsi xban nak xba̱nu li incꞌaꞌ us nak toj cuan saꞌ rochoch lix yucuaꞌ. Chi joꞌcaꞌin te̱risi li ma̱usilal aꞌan saꞌ e̱ya̱nk la̱ex.