Levítico 21:6 - Li Santil hu

⁶ Tento nak santakeb laj tij re nak incꞌaꞌ teꞌxcꞌut xxuta̱n lin cꞌabaꞌ xban nak aꞌaneb li nequeꞌxqꞌue li cꞌatbil mayej ut nequeꞌmayejac li caxlan cua chicuu la̱in lix Dioseb. Joꞌcan nak tento nak santakeb.

Q'eqchi Bible

⁶ te'xq'axtesi b'an rib' chi junajwa re li xYoseb' ut ink'a' te'xmux li xk'ab'a', xb'aan naq a'aneb' neke'q'axtesink li k'atb'il mayej ut li xmayej wa li xYoseb'; jo'kan naq tento santaqeb'.

Levítico 21:6 ပူးပေါင်းရင်းမြစ်များ

Levítico 18:21

Junak cui̱nk incꞌaꞌ naru tixqꞌue li ralal xcꞌajol chokꞌ xcꞌatbil mayej chiru li yi̱banbil dios Moloc. Incꞌaꞌ ta̱risi xlokꞌal lin cꞌabaꞌ la̱in li Ka̱cuaꞌ le̱ Dios riqꞌuin xba̱nunquil aꞌin. La̱in li Ka̱cuaꞌ li yo̱quin chi yehoc re aꞌin.

Levítico 3:11

Laj tij tixcꞌat chixjunil aꞌin saꞌ li artal. Li tzacae̱mk aꞌin, aꞌanak jun li mayej ta̱qꞌuehekꞌ chiru li Ka̱cuaꞌ.

1 Pedro 2:9

La̱ex sicꞌbil e̱ru xban li Dios. Sicꞌbil e̱ru chi cꞌanjelac chiru li Dios joꞌ nak nequeꞌcꞌanjelac laj tij. La̱ex lix tenamit li Dios ut santobresinbilex. La̱ex chic ralal xcꞌajol li Dios. Sicꞌbil e̱ru chixyebal resil lix nimal xcuanquilal li Dios. Li Dios quexrisi saꞌ xkꞌojyi̱nal ru li ma̱c ut anakcuan cuanquex chic saꞌ xcutan xsaken.

Ezequiel 44:7

Quemux ru lin templo nak xecanabeb chi oc saꞌ lin templo li jalaneb xtenamit, li incꞌaꞌ niquineꞌxpa̱b ut incꞌaꞌ queꞌxcꞌul li circuncisión. Ut xemayeja li caxlan cua ut lix quiqꞌuel li xul ut lix xe̱bul. Xban li ma̱usilal queba̱nu, querisi xcuanquil li contrato li quinba̱nu e̱riqꞌuin.

Isaías 52:11

Joꞌcan nak elenkex che̱junilex la̱ex. Tex-e̱lk Babilonia. Ut me̱chꞌeꞌ li cꞌaꞌak re ru li cuan aran xban nak incꞌaꞌ us. Ut me̱mux e̱rib la̱ex li texcꞌamok re li cꞌaꞌru nacꞌanjelac saꞌ lix templo li Ka̱cuaꞌ.

Esdras 8:28

Ut quinye reheb: —La̱ex kꞌaxtesinbilex saꞌ rukꞌ li Ka̱cuaꞌ. Joꞌcan ajcuiꞌ li secꞌ aꞌin ut li plata ut li oro. Qui-ala saꞌ xchꞌo̱leb li kaxeꞌto̱nil yucuaꞌ xqꞌuebal chokꞌ xmayejeb re li Ka̱cuaꞌ Dios.

Levítico 21:8

Eb laj tij teꞌoxlokꞌi̱k xban nak eb aꞌan li nequeꞌmayejac caxlan cua chicuu. La̱in li Ka̱cuaꞌ. La̱in santo ut la̱in ninsantobresin e̱re.

Levítico 19:12

Me̱ba̱nu li juramento saꞌ incꞌabaꞌ la̱in chi ma̱cꞌaꞌ rajbal. Cui te̱ba̱nu chi joꞌcan te̱mux ru lin cꞌabaꞌ. La̱in li Ka̱cuaꞌ xinyehoc re aꞌin.

Levítico 10:3

Tojoꞌnak laj Moisés quixye re laj Aarón: —Aꞌan aꞌin li quiraj xyebal li Ka̱cuaꞌ nak quixye: “Ta̱cꞌutu̱nk lin santilal chiruheb li ani nequeꞌxba̱nu li cꞌaꞌru ninye. Ut chiruheb chixjunileb li tenamit ta̱qꞌuehekꞌ inlokꞌal.”— Ut laj Aarón incꞌaꞌ quichakꞌoc nak quirabi li cꞌaꞌru quixye.

Éxodo 29:44

La̱in tinsantobresi li tabernáculo ut tinsantobresi li artal. Tinsantobresi laj Aarón joꞌqueb ajcuiꞌ li ralal re nak teꞌcꞌanjelak chicuu chokꞌ aj tij.

Éxodo 28:36

Ut te̱yi̱b ajcuiꞌ jun chꞌina pere̱l tzꞌakal oro ut juchꞌbil te̱ba̱nu joꞌ nak nequeꞌxyi̱b li sello nak te̱tzꞌi̱ba chiru li a̱tin li naxye “Santilal Chiru li Ka̱cuaꞌ.”

Éxodo 19:22

Ut ta̱ye reheb li xbe̱n aj tij li teꞌnachꞌok chak cuiqꞌuin nak teꞌxkꞌaxtesi rib saꞌ cuukꞌ chi tzꞌakal, re nak incꞌaꞌ tinrakok a̱tin saꞌ xbe̱neb, chan li Dios.

Levítico 21:17

—Tat-a̱tinak riqꞌuin laj Aarón ut ta̱ye re chi joꞌcaꞌin: Chalen anakcuan ut chi junelic cui incꞌaꞌ tzꞌakal re ru la̱ cualal a̱cꞌajol, li jun aꞌan incꞌaꞌ naru ta̱cꞌanjelak chixqꞌuebal li mayej caxlan cua chicuu.

Levítico 21:21

Ma̱ jun reheb li ralal xcꞌajol laj Aarón laj tij li cuan re̱cꞌ naru tixmayeja chicuu li cꞌatbil mayej ut li mayej caxlan cua.

Levítico 20:3

La̱in tinjoskꞌokꞌ saꞌ xbe̱n li cui̱nk li tixqꞌue li ralal xcꞌajol chokꞌ xmayej re xlokꞌoninquil li yi̱banbil dios Moloc. Riqꞌuin aꞌan teꞌxmux ru lin tabernáculo ut teꞌxmux ajcuiꞌ ru lin santil cꞌabaꞌ. Cui teꞌxba̱nu chi joꞌcan, la̱in tincuisiheb saꞌ xya̱nkeb laj Israel.

Levítico 21:23

abanan incꞌaꞌ naru teꞌnachꞌok riqꞌuin li artal chi moco naru teꞌxic jun pacꞌal li tꞌicr re nak incꞌaꞌ teꞌxmux ru lin tabernáculo xban nak la̱in xinsantobresin re, chan li Dios.

Números 16:5

Ut quixye reheb laj Coré ut eb li nequeꞌoquen chirix: —Chiru li ekꞌela cuulaj li Ka̱cuaꞌ tixcꞌut chiku ani li sicꞌbil ru ut ani li santobresinbil ut tixqꞌue li jun aꞌan chi nachꞌoc riqꞌuin. Li ani tixsicꞌ ru li Ka̱cuaꞌ tixqꞌue chi nachꞌoc riqꞌuin.

Números 28:2

—Ta̱ye reheb laj Israel nak junelic teꞌxqꞌue li cꞌatbil mayej ut li mayej caxlan cua saꞌ xkꞌehil. Aꞌan li sununquil cꞌatbil mayej li nacuulac chicuu la̱in li Ka̱cuaꞌ.