Levítico 21:17 - Li Santil hu

¹⁷ —Tat-a̱tinak riqꞌuin laj Aarón ut ta̱ye re chi joꞌcaꞌin: Chalen anakcuan ut chi junelic cui incꞌaꞌ tzꞌakal re ru la̱ cualal a̱cꞌajol, li jun aꞌan incꞌaꞌ naru ta̱cꞌanjelak chixqꞌuebal li mayej caxlan cua chicuu.

Q'eqchi Bible

¹⁷ “Ye re laj Aharón naq, chalen anaqwan ut chi junelik, wi wankeb' ralal xk'ajol ink'a' tz'aqaleb' re ru, ink'a' naru te'xyeechi'i li xmayej wa li xYos.

Levítico 21:17 ပူးပေါင်းရင်းမြစ်များ

Salmos 65:4

Us xak reheb li sicꞌbileb ru a̱ban chokꞌ a̱cualal a̱cꞌajol re teꞌcua̱nk a̱cuiqꞌuin saꞌ la̱ santil ochoch. Ut chisahokꞌ taxak li kachꞌo̱l riqꞌuin li kosobtesinquil li ta̱qꞌue ke nak cua̱nko saꞌ la̱ santil ochoch.

Números 16:5

Ut quixye reheb laj Coré ut eb li nequeꞌoquen chirix: —Chiru li ekꞌela cuulaj li Ka̱cuaꞌ tixcꞌut chiku ani li sicꞌbil ru ut ani li santobresinbil ut tixqꞌue li jun aꞌan chi nachꞌoc riqꞌuin. Li ani tixsicꞌ ru li Ka̱cuaꞌ tixqꞌue chi nachꞌoc riqꞌuin.

Levítico 10:3

Tojoꞌnak laj Moisés quixye re laj Aarón: —Aꞌan aꞌin li quiraj xyebal li Ka̱cuaꞌ nak quixye: “Ta̱cꞌutu̱nk lin santilal chiruheb li ani nequeꞌxba̱nu li cꞌaꞌru ninye. Ut chiruheb chixjunileb li tenamit ta̱qꞌuehekꞌ inlokꞌal.”— Ut laj Aarón incꞌaꞌ quichakꞌoc nak quirabi li cꞌaꞌru quixye.

Hebreos 7:26

Li Ka̱cuaꞌ Jesucristo, aꞌan li tzꞌakal xyucuaꞌil aj tij. Ut aꞌan li natenkꞌan ke chi tzꞌakal. Moco juntakꞌe̱t ta lix yuꞌam riqꞌuineb laj ma̱c. Li Jesucristo santo ut ma̱cꞌaꞌ xma̱c. Aꞌan co̱ saꞌ choxa ut aran quiqꞌueheꞌ xnimal xlokꞌal.

1 Timoteo 3:2

Abanan li ani naxcꞌoxla oc chokꞌ aj cꞌamol be, tento nak cua̱nk saꞌ xya̱lal re nak ma̱ ani ta̱a̱tinak chirix. Junak ajcuiꞌ li rixakil. Ma̱cuaꞌak aj calajenak. Tento nak se̱bak xchꞌo̱l ut cha̱bilak xnaꞌleb re nak qꞌuebilak xlokꞌal. Aꞌanak aj qꞌuehol ochochna̱l ut chixqꞌuehak xchꞌo̱l chixcꞌutbal lix ya̱lal chi tzꞌakal re ru.

1 Ts 2:10

La̱ex nequenau chi tzꞌakal, ut naxnau ajcuiꞌ li Dios, chanru nak cocuan saꞌ santilal ut saꞌ ti̱quilal saꞌ e̱ya̱nk. Ma̱cꞌaꞌ cꞌaꞌru cokꞌuseꞌ cuiꞌ nak cocuan saꞌ e̱ya̱nk la̱ex aj pa̱banel.

Levítico 21:21

Ma̱ jun reheb li ralal xcꞌajol laj Aarón laj tij li cuan re̱cꞌ naru tixmayeja chicuu li cꞌatbil mayej ut li mayej caxlan cua.

Levítico 21:6

Tento nak santakeb laj tij re nak incꞌaꞌ teꞌxcꞌut xxuta̱n lin cꞌabaꞌ xban nak aꞌaneb li nequeꞌxqꞌue li cꞌatbil mayej ut nequeꞌmayejac li caxlan cua chicuu la̱in lix Dioseb. Joꞌcan nak tento nak santakeb.

Levítico 3:16

Laj tij tixcꞌat chixjunil aꞌin saꞌ li artal. Li tzacae̱mk aꞌin, aꞌanak jun li sununquil mayej ta̱cuulak chiru li Ka̱cuaꞌ. Chixjunil li xe̱b re li Ka̱cuaꞌ.

Levítico 3:11

Laj tij tixcꞌat chixjunil aꞌin saꞌ li artal. Li tzacae̱mk aꞌin, aꞌanak jun li mayej ta̱qꞌuehekꞌ chiru li Ka̱cuaꞌ.

Levítico 21:16

Li Ka̱cuaꞌ quia̱tinac riqꞌuin laj Moisés ut quixye re: