Levítico 21:15 - Li Santil hu

¹⁵ Tento nak tixba̱nu chi joꞌcan re nak incꞌaꞌ tixmux ruheb li ralal xcꞌajol saꞌ lix tenamiteb. La̱in li Ka̱cuaꞌ li ninsantobresin re, chan li Dios.

Q'eqchi Bible

¹⁵ re naq ink'a' tixmux ruheb' li ralal xk'ajol sa' li xtenamiteb', xb'aan naq laa'in li Qaawa', li ninsantob'resink re”.

Levítico 21:15 ပူးပေါင်းရင်းမြစ်များ

1 Corintios 7:14

Us cui incꞌaꞌ teꞌxjach rib. Li be̱lomej li toj ma̱jiꞌ napa̱ban, aꞌan lokꞌ chiru li Dios saꞌ xcꞌabaꞌ li rixakil. Ut li ixakilbej li toj ma̱jiꞌ napa̱ban, aꞌan lokꞌ chiru li Dios saꞌ xcꞌabaꞌ lix be̱lom li napa̱ban. Cui ta incꞌaꞌ joꞌcan, lix cocꞌal eb aꞌan chanchaneb raj lix cocꞌaleb li ma̱cuaꞌeb ralal xcꞌajol li Dios. Abanan cui incꞌaꞌ teꞌxjach rib, lix cocꞌaleb lokꞌ chiru li Dios saꞌ xcꞌabaꞌ li jun li napa̱ban.

Romanos 11:16

Cui kꞌaxtesinbil saꞌ rukꞌ li Dios li xbe̱n caxlan cua na-el, kꞌaxtesinbil ajcuiꞌ lix comon. Ut cui kꞌaxtesinbil saꞌ rukꞌ li Dios lix xeꞌ li cheꞌ, kꞌaxtesinbil ajcuiꞌ chixjunil li rukꞌ. Aꞌin naraj naxye: Xban nak li Dios quixsicꞌ ru laj Abraham, joꞌcan nak sicꞌbil ajcuiꞌ ruheb li ralal xcꞌajol.

Malaquías 2:15

¿Ma ma̱cuaꞌ ta biꞌ li Ka̱cuaꞌ xba̱nun re nak junajakeb chic ru li jun sumal chi cristian? ¿Cꞌaꞌut nak joꞌcan xba̱nu li Dios? ¿Ma ma̱cuaꞌ ta biꞌ re nak teꞌcua̱nk li ralal xcꞌajoleb ut ti̱cakeb xchꞌo̱l? Joꞌcan nak chenauhak xra̱bal le̱ yuꞌam ut canabomak xbalakꞌinquil le̱ rixakil li quexsumla cuiꞌ saꞌ e̱sa̱jilal.

Malaquías 2:11

Eb li ralal xcꞌajol laj Judá yo̱queb chixba̱nunquil li ma̱usilal aran Jerusalén joꞌ ajcuiꞌ saꞌ chixjunil Israel. Queꞌxmux ru li templo li raro xban li Ka̱cuaꞌ xban nak yo̱queb chi sumla̱c riqꞌuineb li ixk li nequeꞌxlokꞌoni li jalanil dios.

Esdras 9:2

Yo̱queb chi sumla̱c riqꞌuineb ut yo̱queb ajcuiꞌ chixsumubanquil eb li ralal riqꞌuineb lix rabin li cuanqueb saꞌ li tenamit aꞌan. Lix tenamit li Dios, li ti̱queb raj xchꞌo̱l, queꞌxjunaji ribeb riqꞌuineb li jalaneb xtenamit. Ut eb li queꞌcꞌamoc xbe chixba̱nunquil li ma̱c aꞌan, aꞌaneb ajcuiꞌ li cuanqueb saꞌ xcuanquil ut eb li nequeꞌtaklan saꞌ xbe̱neb li tenamit, chanqueb.

Esdras 2:62

Queꞌxsicꞌ xcꞌabaꞌeb lix xeꞌto̱nil yucuaꞌ saꞌ li hu li tzꞌi̱banbil cuiꞌ lix cꞌabaꞌeb laj tij ut incꞌaꞌ queꞌxtau. Joꞌcan nak incꞌaꞌ chic queꞌqꞌueheꞌ chokꞌ aj tij.

Levítico 21:8

Eb laj tij teꞌoxlokꞌi̱k xban nak eb aꞌan li nequeꞌmayejac caxlan cua chicuu. La̱in li Ka̱cuaꞌ. La̱in santo ut la̱in ninsantobresin e̱re.

Génesis 18:19

Ac xinsicꞌ ru re ta̱cꞌamok be chiruheb li ralal xcꞌajol. Aꞌan ta̱chꞌoloba̱nk re xya̱lal chiruheb re nak teꞌxpa̱b li cua̱tin ut teꞌcua̱nk saꞌ usilal ut saꞌ ti̱quilal. Cui teꞌxba̱nu aꞌin, la̱in tinba̱nu chixjunil li cꞌaꞌru xinyechiꞌi re laj Abraham, chan li Dios.

San Mateo 23:17

Ma̱cꞌaꞌ e̱naꞌleb ut mutzꞌex xban nak incꞌaꞌ nequetau xya̱lal. ¿Bar cuan li kꞌaxal nim xcuanquil? ¿Ma li oro, malaj aꞌ lix templo li Dios li nasantobresin re li oro?

Levítico 21:14

Incꞌaꞌ ta̱sumla̱k riqꞌuin junak xma̱lcaꞌan, chi moco riqꞌuin junak ixk jachom rib riqꞌuin xbe̱lom, chi moco riqꞌuin junak ixk li naxcꞌayi rib. Tento ban nak ta̱sumla̱k riqꞌuin junak ixk li ma̱jiꞌ cuanjenak riqꞌuin cui̱nk ut xcomonakeb li ralal xcꞌajol laj Leví.

Levítico 21:16

Li Ka̱cuaꞌ quia̱tinac riqꞌuin laj Moisés ut quixye re:

Éxodo 34:16

Cui la̱ex te̱sumub le̱ ralal riqꞌuin lix rabineb, aꞌan ajcuiꞌ ta̱cꞌamok xbeheb le̱ ralal chixlokꞌoninquil lix dioseb xban nak eb aꞌan nequeꞌxlokꞌoni li jalanil dios.

Levítico 19:2

—Ta̱ye reheb chixjunileb laj Israel: Santakex che̱junilex la̱ex xban nak la̱in santin. La̱in li Ka̱cuaꞌ le̱ Dios.

Levítico 20:7

Joꞌcan nak ti̱cak e̱chꞌo̱l ut santakex xban nak la̱in li Ka̱cuaꞌ le̱ Dios.

Levítico 22:16

Teꞌxqꞌue chi xtojbal xma̱c li cristian cui teꞌxqꞌue chixtzaca li tzacae̱mk santobresinbil. La̱in li Ka̱cuaꞌ. La̱in ninsantobresin reheb li tzacae̱mk aꞌan.