Levítico 21:12 - Li Santil hu

¹² Chi moco ta̱e̱lk saꞌ li tabernáculo, chi moco tixmux ru, xban nak aꞌan sicꞌbil ru chi cꞌanjelac chicuu la̱in li Ka̱cuaꞌ lix Dios ut qꞌuebil li aceite saꞌ xjolom. La̱in li Ka̱cuaꞌ xinyehoc re aꞌin.

Q'eqchi Bible

¹² Ink'a' naru taa'elq chaq sa' li Loq'laj Na'ajej, chi moko tixmux xloq'al li xLoq'laj Na'aj li xYos, xb'aan naq a'an yulb'il rik'in aseeyt re taak'anjelaq chiru li xYos. Laa'in li Qaawa'.

Levítico 21:12 ပူးပေါင်းရင်းမြစ်များ

Levítico 10:7

Ut la̱ex texcana̱k arin saꞌ li oqueba̱l re li tabernáculo. Cui tex-e̱lk, texca̱mk xban nak la̱ex sicꞌbil e̱ru xban li Ka̱cuaꞌ Dios nak quiqꞌueheꞌ li aceite saꞌ e̱jolom, chan. Ut queꞌxba̱nu joꞌ queꞌyeheꞌ re xban laj Moisés.

Éxodo 28:36

Ut te̱yi̱b ajcuiꞌ jun chꞌina pere̱l tzꞌakal oro ut juchꞌbil te̱ba̱nu joꞌ nak nequeꞌxyi̱b li sello nak te̱tzꞌi̱ba chiru li a̱tin li naxye “Santilal Chiru li Ka̱cuaꞌ.”

Isaías 61:1

Lix musikꞌ li nimajcual Dios cuan cuiqꞌuin. Li Dios quixsicꞌ cuu ut quinixtakla chixyebal li cha̱bil esil reheb li rahobtesinbileb. Quinixtakla chixtenkꞌanquileb li cuanqueb saꞌ raylal. Quinixtakla chixcolbaleb li cuanqueb chi pre̱xil joꞌqueb ajcuiꞌ li cuanqueb saꞌ tzꞌalam.

Levítico 8:30

Chirix aꞌan laj Moisés quixchap caꞌchꞌin li quicꞌ li cuan saꞌ li artal ut quixchap ajcuiꞌ caꞌchꞌin li aceite ut quixrachrachi saꞌ xbe̱n laj Aarón ut chiru li rakꞌ. Quixrachrachi ajcuiꞌ saꞌ xbe̱neb li ralal ut chiru li rakꞌeb. Joꞌcaꞌin nak quixkꞌaxtesi re li Ka̱cuaꞌ laj Aarón ut eb li ralal ut quixkꞌaxtesi re li Ka̱cuaꞌ li rakꞌeb.

Hechos 10:38

Ac e̱rabiom resil li Jesucristo aj Nazaret. Li Dios quixqꞌue li Santil Musikꞌej re, ut quixqꞌue xcuanquil. Aꞌan quibe̱c yalak bar chixba̱nunquil li usilal ut chixqꞌuirtesinquileb li tacuasinbileb xban laj tza xban nak li Dios cuan riqꞌuin.

Levítico 21:13

Tento nak ta̱sumla̱k riqꞌuin junak ixk toj ma̱jiꞌ cuanjenak riqꞌuin cui̱nk.

Números 6:6

Ut incꞌaꞌ naru nanachꞌoc riqꞌuineb li camenak joꞌ najtil ta̱cua̱nk chokꞌ aj nazareo.