Levítico 21:10 - Li Santil hu

¹⁰ Lix yucuaꞌil eb laj tij, aꞌan quiqꞌueheꞌ li aceite saꞌ xjolom. Ut aꞌan kꞌaxtesinbil chirocsinquil li rakꞌeb laj tij. Joꞌcan nak incꞌaꞌ ta̱risi li tꞌicr li bacꞌbo saꞌ jolom ut incꞌaꞌ tixpej li rakꞌ xban xrahil xchꞌo̱l.

Q'eqchi Bible

¹⁰ “Li xyuwa'il aj tij ak xk'ulum xwankilal re naq tixtiqib' rib' rik'in loq'laj aq'ej, sa' xk'ab'a' li osob'tesinb'il aseeyt kik'ehe'k sa' xjolom. Jo'kan naq ink'a' naru helhookaq li rismal xjolom chi moko tixq'ich li raq', reetalil naq ra sa' xch'ool;

Levítico 21:10 ပူးပေါင်းရင်းမြစ်များ

Levítico 16:32

Laj tij, li xakabanbil chokꞌ xyucuaꞌileb laj tij saꞌ xnaꞌaj lix yucuaꞌ ut qꞌuebil saꞌ xjolom li aceite, aꞌan li ta̱qꞌuehok re li mayej re xtojbal rix lix ma̱queb li tenamit. Aꞌan ta̱rocsi li rakꞌeb laj tij yi̱banbil riqꞌuin lino, li ac kꞌaxtesinbil chiru li Ka̱cuaꞌ Dios.

San Mateo 26:65

Nak quirabi aꞌan, li xyucuaꞌileb laj tij quixpej li rakꞌ xban xjoskꞌil ut quixye: —Aꞌan xjuntakꞌe̱ta rib riqꞌuin li Dios. ¿Cꞌaꞌ chic ru aj e nak toj teꞌxye ke cꞌaꞌru lix ma̱c? Ac xerabi nak xjuntakꞌe̱ta rib riqꞌuin li Dios.

Números 35:25

Tento nak eb li tenamit teꞌxcol rix li xcamsi ras ri̱tzꞌin chiru li rechꞌalal li camenak. Ut teꞌxsukꞌisi cuiꞌchic saꞌ li tenamit li quixcol cuiꞌ rib. Ut aran ta̱cana̱k toj nak ta̱ca̱mk lix yucuaꞌileb laj tij, li quiqꞌueheꞌ aceite saꞌ xjolom.

Levítico 8:12

Ut quixqꞌue li aceite saꞌ xjolom laj Aarón re xkꞌaxtesinquil chiru li Ka̱cuaꞌ chokꞌ aj tij.

Salmos 133:2

Chanchan li sununquil aceite li quiqꞌueheꞌ saꞌ xjolom laj Aarón. Nahoyeꞌ chiru lix mach, ut natꞌaneꞌ ajcuiꞌ chiru li rakꞌ.

Ester 6:12

Nak quisukꞌi chak laj Mardoqueo chi be̱c co̱ cuiꞌchic saꞌ li oqueba̱l re li rochoch li rey. Ut laj Amán quixxulub xjolom xban xxuta̱n ut co̱ saꞌ junpa̱t saꞌ rochoch chi ra saꞌ xchꞌo̱l.

2 Samuel 15:30

Nak laj David yo̱ chi taksi̱nc saꞌ li tzu̱l Olivos, yo̱ chi ya̱bac. Tzꞌaptzꞌo xjolom ut ma̱cꞌaꞌ xxa̱b chi rok xban xrahil xchꞌo̱l. Ut chixjunileb li yo̱queb chi ta̱ke̱nc re queꞌxtzꞌap lix jolomeb ut yo̱queb ajcuiꞌ chi ya̱bac.

Levítico 13:45

Li ani saklep rix ta̱rocsi li rakꞌ pejel ut incꞌaꞌ tixtzꞌap xjolom. Tixtzꞌap li ru ut tixjap re chixyebal “Saklep cuix. Incꞌaꞌ chic usin.”

Génesis 37:34

Laj Jacob quixkꞌichi li rakꞌ li cuan chirix xban xrahil saꞌ xchꞌo̱l chirix lix camic li ralal. Ut quixqꞌue li kꞌesnal ru tꞌicr chirix chanchan coxtal retalil nak ra saꞌ xchꞌo̱l. Najt quicuan li rakꞌ aꞌan chirix ut incꞌaꞌ quinumeꞌ xrahil saꞌ xchꞌo̱l.

Li xHu LAJ JOB 1:20

Nak quirabi aꞌan, laj Job quicuacli ut quixpej li rakꞌ ut quixbes li rismal retalil lix rahil xchꞌo̱l ut quixcuikꞌib rib saꞌ chꞌochꞌ ut quixlokꞌoni li Dios.

Éxodo 29:7

Ut ta̱chap li aceite ut ta̱qꞌue saꞌ xjolom laj Aarón retalil nak yo̱cat chixxakabanquil chokꞌ aj tij.

Ezequiel 24:17

Incꞌaꞌ ta̱cꞌut nak ra saꞌ a̱chꞌo̱l. Incꞌaꞌ ta̱cuisi li tꞌicr li nacabacꞌ saꞌ a̱jolom, chi moco ta̱cuisi la̱ xa̱b retalil xrahil a̱chꞌo̱l. Incꞌaꞌ ta̱tzꞌap a̱jolom chi moco ta̱tzaca li tzacae̱mk li nequeꞌxtzaca li raheb saꞌ xchꞌo̱l, chan.

Levítico 4:3

Cui nama̱cob junak li xbe̱nil aj tij, lix ma̱c nacana saꞌ xbe̱neb li tenamit. Tento nak li xbe̱nil aj tij tixmayeja jun li toro toj sa̱j ut tzꞌakal re ru. Joꞌcaꞌin nak tixtoj rix lix ma̱c chiru li Ka̱cuaꞌ.

Números 6:7

Usta lix naꞌ, usta lix yucuaꞌ li ta̱ca̱mk, usta li ras malaj ut li ri̱tzꞌin, malaj ut li ranab, incꞌaꞌ naru tixmux rib riqꞌuin xchꞌeꞌbaleb xban nak ac xkꞌaxtesi rib re li Ka̱cuaꞌ ut cuan saꞌ xbe̱n xba̱nunquil li quixye.