Levítico 21:1 - Li Santil hu

¹ Li Ka̱cuaꞌ quixye re laj Moisés: —Tat-a̱tinak riqꞌuineb laj tij li ralal xcꞌajol laj Aarón ut ta̱ye reheb nak eb laj tij incꞌaꞌ teꞌxmux ribeb riqꞌuin xchꞌeꞌbal li camenak li ta̱ca̱mk saꞌ lix tenamiteb.

Q'eqchi Bible

¹ Li Qaawa' kixye re laj Moisés: “Aatinan rik'ineb' laj tij ralal xk'ajoleb' laj Aharón ut ye reheb' naq me'xmux rib'eb' rik'in xch'e'b'al junaq kamenaq sa' li xkomoneb'.

Levítico 21:1 ပူးပေါင်းရင်းမြစ်များ

Ezequiel 44:25

Eb laj tij incꞌaꞌ teꞌxmux rib riqꞌuin xchꞌeꞌbal junak camenak. Abanan naru teꞌxchꞌeꞌ cui li camenak aꞌan lix naꞌ malaj ut lix yucuaꞌ, malaj li ralal malaj ut lix rabin, malaj li ras cui̱nk malaj ut li ri̱tzꞌin malaj ut li ranab li ma̱jiꞌ sumsu. Naru tixmux rib riqꞌuin xchꞌeꞌbal cui li camenak xcomon laj tij.

Números 19:14

Aꞌin li chakꞌrab tinqꞌue chirixeb li cuanqueb saꞌ li muheba̱l bar cuiꞌ nacam junak: muxbilakeb ru li cuanqueb saꞌ li muheba̱l ut muxbilakeb ru li ani teꞌoc saꞌ li muheba̱l aꞌan. Muxbilak ruheb chiru cuukub cutan.

Levítico 21:11

Incꞌaꞌ naru na-oc cua̱nk cuiꞌ junak camenak, usta xnaꞌ usta xyucuaꞌ. Incꞌaꞌ naru tixmux rib riqꞌuineb aꞌan.

Levítico 19:28

Me̱set le̱ tibel xban xrahil e̱chꞌo̱l chirix junak camenak. Ut incꞌaꞌ te̱qꞌue e̱retalil saꞌ le̱ tibel. La̱in li Ka̱cuaꞌ le̱ Dios xinyehoc re aꞌin.

Malaquías 2:4

Ut riqꞌuin aꞌin te̱qꞌue retal nak le̱ chakꞌrabinquil li xinqꞌue e̱re, aꞌan re nak xakxo̱k xcuanquil li contrato li quinba̱nu riqꞌuin laj Leví. La̱in li Ka̱cuaꞌ li nimajcual Dios yo̱quin chi yehoc re aꞌin.

Malaquías 2:1

Joꞌcaꞌin xye li Ka̱cuaꞌ: —Le̱ chakꞌrabinquil li oc cue xqꞌuebal anakcuan, aꞌan e̱re la̱ex aj tij.

Oseas 5:1

La̱ex laj tij, cherabihak li oc cue chixyebal. La̱ex laj Israel, cheqꞌuehak retal li tinye. Ex ralal xcꞌajol li rey, abihomak li tinye anakcuan. Xexrakoc raj a̱tin saꞌ xbe̱neb li tenamit saꞌ ti̱quilal. Abanan incꞌaꞌ xeba̱nu. Joꞌcan nak ta̱rakekꞌ a̱tin saꞌ e̱be̱n la̱ex ut texinqꞌue chixtojbal rix le̱ ma̱c. Xeqꞌue e̱rib joꞌ jun raꞌal reheb laj Mizpa joꞌ ajcuiꞌ reheb laj Tabor.

Números 19:16

Ut muxbilak ajcuiꞌ ru li ani ta̱chꞌeꞌok re junak camenak saꞌ cꞌaleba̱l, usta quicamsi̱c chi chꞌi̱chꞌ, malaj ut yal nacam chi joꞌcan. Ut muxbilak ru li ani ta̱chꞌeꞌok re xbakel li camenak malaj ut junak li mukleba̱l. Muxbil ru ta̱cana̱k chiru cuukub cutan.

Números 6:6

Ut incꞌaꞌ naru nanachꞌoc riqꞌuineb li camenak joꞌ najtil ta̱cua̱nk chokꞌ aj nazareo.

Números 19:11

Li ani tixchꞌeꞌ junak camenak muxbil ru ta̱cana̱k chiru cuukub cutan.