Levítico 20:8 - Li Santil hu

⁸ Cheqꞌuehak retal li chakꞌrab li xinqꞌue e̱re ut cheba̱nu li cꞌaꞌru naxye xban nak la̱in li Ka̱cuaꞌ ninsantobresin e̱re.

Q'eqchi Bible

⁸ Paab'omaq ut k'anjelahomaq ru linchaq'rab'. Laa'in li Qaawa' li nasantob'resink eere.

Levítico 20:8 ပူးပေါင်းရင်းမြစ်များ

Éxodo 31:13

—Ta̱ye aꞌin reheb laj Israel, “Che-oxlokꞌi li hiloba̱l cutan ut cheba̱nu li cꞌaꞌru xinye e̱re. Cui la̱ex te̱ba̱nu li cꞌaꞌru xinye e̱re, aꞌan ta̱cꞌanjelak chokꞌ retalil chicuu joꞌ ajcuiꞌ che̱ru la̱ex nak la̱in li Ka̱cuaꞌ Dios ut la̱ex sicꞌbil e̱ru inban. Ta̱cꞌanjelak ajcuiꞌ chokꞌ retalil chiruheb le̱ ralal e̱cꞌajol.

Santiago 1:22

Chepa̱bak ut cheba̱nuhak li cꞌaꞌru naxye li ra̱tin li Dios. Me̱balakꞌi e̱rib chixcꞌoxlanquil nak tzꞌakal riqꞌuin caꞌaj cuiꞌ rabinquil li ra̱tin. Tento ban ajcuiꞌ xba̱nunquil li naxye li ra̱tin li Dios.

2 Ts 2:13

Ex inherma̱n, tento nak la̱o tobantioxi̱nk chiru li Dios che̱rix la̱ex. Raro̱quex xban li Ka̱cuaꞌ Jesucristo. Li Dios quisicꞌoc chak e̱ru chalen chak saꞌ xticlajic re nak texcolekꞌ xban nak santobresinbilex chic xban li Santil Musikꞌej ut xban nak nequepa̱b li ya̱l.

1 Ts 5:23

Aꞌ taxak li Dios li naqꞌuehoc tuktu̱quil usilal chisantobresi̱nk e̱re chi tzꞌakal ut aꞌan taxak chi-osobtesi̱nk re le̱ ra̱m, le̱ cꞌaꞌux ut le̱ rok e̱rukꞌ re nak texcua̱nk chi tzꞌakal e̱re e̱ru chi ma̱cꞌaꞌak e̱kꞌusbal saꞌ xcꞌulunic li Ka̱cuaꞌ Jesucristo.

Levítico 21:8

Eb laj tij teꞌoxlokꞌi̱k xban nak eb aꞌan li nequeꞌmayejac caxlan cua chicuu. La̱in li Ka̱cuaꞌ. La̱in santo ut la̱in ninsantobresin e̱re.

Apocalipsis 22:14

Us xak reheb li cuybil sachbil xma̱queb xban li Dios, xban nak eb aꞌan ta̱ru̱k teꞌxtzaca li ru li cheꞌ li retalil li junelic yuꞌam. Ut teꞌoc ajcuiꞌ saꞌ li oqueba̱l re li tenamit.

1 Corintios 1:30

Yal xban rusilal li Dios nak junajex chic riqꞌuin li Jesucristo. Li Jesucristo quixakaba̱c xban li Dios re xqꞌuebal kanaꞌleb. Quixakaba̱c chixti̱cobresinquil li kachꞌo̱l chiru li Dios ut chikasantobresinquil. Ut saꞌ xcꞌabaꞌ li Cristo cuybil sachbil li kama̱c.

San Juan 13:17

Ac nequenau chic xya̱lal. Us xak e̱re cui la̱ex te̱ba̱nu li cꞌaꞌru xetzol cuiqꞌuin.

San Mateo 12:50

Chixjunileb li teꞌba̱nu̱nk re li naraj lin Yucuaꞌ li cuan saꞌ choxa, aꞌaneb li cui̱tzꞌin, aꞌaneb li cuanab ut aꞌaneb lin naꞌ, chan.

San Mateo 7:24

Joꞌcan nak yalak ani ta̱abi̱nk reheb li cua̱tin aꞌin ut cui tixba̱nu li cꞌaꞌru xinye, li jun aꞌan tinjuntakꞌe̱ta riqꞌuin li cui̱nk cuan xnaꞌleb li quixyi̱b li rochoch saꞌ xbe̱n pec.

San Mateo 5:19

Li ani naxkꞌet li chakꞌrab, usta nacꞌutun nak incꞌaꞌ nim xcuanquil chiru aꞌan, ut cui naxcꞌut chiru li ras ri̱tzꞌin xba̱nunquil chi joꞌcan, li jun aꞌan kꞌaxal caꞌchꞌin lix lokꞌal ta̱qꞌuehekꞌ re saꞌ lix nimajcual cuanquilal li Dios. Abanan li ani naxba̱nu chi tzꞌakal li naxye li chakꞌrab, ut tixcꞌut chiru li ras ri̱tzꞌin xba̱nunquil chi joꞌcan, li jun aꞌan kꞌaxal nim lix lokꞌal ta̱qꞌuehekꞌ re saꞌ lix nimajcual cuanquilal li Dios.

Ezequiel 37:28

Ut eb li xni̱nkal ru tenamit teꞌxqꞌue retal nak la̱in li Ka̱cuaꞌ quinsantobresiheb laj Israel nak quinqꞌue chi cua̱nc lin templo chi junelic saꞌ xya̱nkeb, chan li Ka̱cuaꞌ.

Ezequiel 20:12

La̱in quinye reheb nak teꞌx-oxlokꞌi li hiloba̱l cutan chokꞌ retalil li contrato li xkaba̱nu chi kibil kib nak la̱in li Ka̱cuaꞌ ninsantobresin reheb.

Levítico 19:37

Cheba̱nu chixjunil li chakꞌrab li xinqꞌue e̱re ut te̱ba̱nu le̱ taklanquil inban. La̱in li Ka̱cuaꞌ xinyehoc re aꞌin.

San Mateo 23:17

Ma̱cꞌaꞌ e̱naꞌleb ut mutzꞌex xban nak incꞌaꞌ nequetau xya̱lal. ¿Bar cuan li kꞌaxal nim xcuanquil? ¿Ma li oro, malaj aꞌ lix templo li Dios li nasantobresin re li oro?

Levítico 19:19

Cheba̱nu li chakꞌrab li yo̱quin chixqꞌuebal e̱re. Me̱qꞌue chi batzꞌu̱nc le̱ queto̱mk riqꞌuin li xul li jalan pa̱y ru. Ut incꞌaꞌ te̱rau cuib pa̱y ru li iyaj saꞌ jun chi naꞌajej. Ut incꞌaꞌ te̱rocsi le̱ rakꞌ li jalan jala̱nk pa̱y ru lix nokꞌil.

Levítico 20:26

Santakex xban nak santin la̱in li Ka̱cuaꞌ li nimajcual Dios. La̱in xinsicꞌoc e̱ru saꞌ xya̱nkeb chixjunileb li xni̱nkal ru tenamit re nak la̱exak li cualal incꞌajol.

Levítico 22:32

Me̱mux ru lin santil cꞌabaꞌ re nak ta̱cꞌutu̱nk lin santilal saꞌ xya̱nkeb laj Israel xban nak la̱in li Ka̱cuaꞌ ut la̱in ninsantobresin e̱re.