Levítico 20:5 - Li Santil hu

⁵ la̱in tinjoskꞌokꞌ saꞌ xbe̱n li cui̱nk, ut saꞌ xbe̱neb li cuanqueb saꞌ rochoch, joꞌ eb ajcuiꞌ li teꞌoque̱nk riqꞌuin chixlokꞌoninquil li yi̱banbil dios Moloc. Ut tincuisiheb saꞌ xya̱nkeb laj Israel.

Q'eqchi Bible

⁵ laa'in tinjosq'o'q sa' xb'een a'an jo'wi' sa' xb'een li xjunkab'al, ut twisi sa' xyanqeb' li rech tenamitul rochb'eeneb' chixjunil li xe'xmux rib' chi xloq'oninkil laj Molok.

Levítico 20:5 ပူးပေါင်းရင်းမြစ်များ

Salmos 106:39

Queꞌxmux ajcuiꞌ ribeb aꞌan xban li ma̱usilal queꞌxba̱nu. Chanchan queꞌcoꞌbe̱tac queꞌyumbe̱tac xban nak queꞌxtzꞌekta̱na li tzꞌakal Dios ut queꞌxlokꞌoni li yi̱banbil dios.

Oseas 2:13

La̱in tinqꞌue chixtojbal xma̱c a ixk aꞌin li quinixtzꞌekta̱na ut quixcꞌat li pom chiru laj Baal. Kꞌaxal chꞌinaꞌus nak quixtikib rib nak quixqꞌue li xcaꞌ xic oro ut quixqꞌue lix matkꞌab ut lix kꞌol ut co̱ chirixeb li cui̱nk li nequeꞌrahoc re ut incꞌaꞌ chic niquinixcꞌoxla la̱in li Ka̱cuaꞌ.

Oseas 2:5

xban nak eb aꞌan ralal xcꞌajol li ixk li incꞌaꞌ naxuta̱nac xba̱nunquil li ma̱usilal. Li ixk aꞌan quixye: —La̱in tinxic riqꞌuineb li cui̱nk li nequeꞌqꞌuehoc cue lin cua cuucꞌa, li nequeꞌqꞌuehoc cue li cha̱bil tꞌicr lana ut lino joꞌ ajcuiꞌ li vino ut li aceite olivo, chan.

Jeremías 32:39

La̱in tinqꞌue saꞌ xchꞌo̱leb nak caꞌaj cuiꞌ la̱in tineꞌxlokꞌoni chi junaj xchꞌo̱leb. Ut junelic teꞌxxucua cuu re nak us teꞌe̱lk joꞌ eb ajcuiꞌ li ralal xcꞌajol li teꞌcua̱nk mokon.

Jeremías 3:2

Ilomakeb li tzu̱l. ¿Ma cuan ta biꞌ junak naꞌajej li incꞌaꞌ xelokꞌoniheb cuiꞌ li jalanil dios? Xecꞌojob e̱rib chire li be roybeninquileb li te̱lokꞌoniheb. Chanchanex laj árabe li naroybeni ani tixchap saꞌ li chaki chꞌochꞌ. La̱ex xemux ru li naꞌajej xban nak xelokꞌoniheb li jalanil dios.

Levítico 17:10

Cui junak aj Israel, malaj ut junak jalan xtenamit cua̱nk saꞌ e̱ya̱nk, tixtiu li quicꞌ, la̱in tinjoskꞌokꞌ riqꞌuin ut tincuisi aꞌan saꞌ e̱ya̱nk la̱ex aj Israel.

Levítico 17:7

Incꞌaꞌ chic teꞌxmayeja li xul yalak bar chiruheb li ma̱us aj musikꞌej li queꞌxlokꞌoni chak. Aꞌin jun li chakꞌrab cua̱nk chi junelic. Tento nak te̱ba̱nu la̱ex aj Israel ut tento ajcuiꞌ nak teꞌxba̱nu eb le̱ ralal e̱cꞌajol li teꞌcua̱nk mokon.

Éxodo 20:5

Me̱cuikꞌib e̱rib chiruheb li yi̱banbil dios, chi moco chelokꞌoniheb. La̱in li Ka̱cuaꞌ le̱ Dios. Cau cuib. La̱in incꞌaꞌ nacuulac chicuu nak jalan te̱qꞌue xlokꞌal. Ut ninrahobtesiheb li alal cꞌajolbej riqꞌuin lix ma̱queb lix naꞌ xyucuaꞌeb toj saꞌ rox saꞌ xca̱ xtasalil li ralal xcꞌajoleb li xicꞌ nequeꞌiloc cue.

Levítico 20:4

Cui eb laj Israel incꞌaꞌ teꞌxqꞌue retal li ma̱usilal li xba̱nu nak xmayeja li ralal xcꞌajol ut incꞌaꞌ teꞌxcamsi,

Levítico 20:6

La̱in xicꞌ nacuileb li nequeꞌxsicꞌ xnaꞌleb riqꞌuineb li nequeꞌa̱tinan musikꞌej, joꞌqueb ajcuiꞌ li nequeꞌtzꞌekta̱nan cue ut nequeꞌxsicꞌ xnaꞌleb riqꞌuineb laj kꞌe. Tincuisiheb saꞌ xya̱nkeb laj Israel.

2 Crónicas 21:11

Ut quixyi̱b ajcuiꞌ eb li naꞌajej li najt xteram saꞌ eb li tzu̱l aran Judá. Ut quicꞌamoc be chiruheb li tenamit li cuanqueb Jerusalén ut Judá chixtzꞌekta̱nanquil li Ka̱cuaꞌ ut chixlokꞌoninquil li jalanil dios.

Jeremías 44:11

Joꞌcan nak la̱in li nimajcual Dios, lix Dioseb laj Israel, tinqꞌue li raylal aꞌin saꞌ e̱be̱n la̱ex re xsachbal e̱ru la̱ex aj Judá.