Levítico 20:3 - Li Santil hu

³ La̱in tinjoskꞌokꞌ saꞌ xbe̱n li cui̱nk li tixqꞌue li ralal xcꞌajol chokꞌ xmayej re xlokꞌoninquil li yi̱banbil dios Moloc. Riqꞌuin aꞌan teꞌxmux ru lin tabernáculo ut teꞌxmux ajcuiꞌ ru lin santil cꞌabaꞌ. Cui teꞌxba̱nu chi joꞌcan, la̱in tincuisiheb saꞌ xya̱nkeb laj Israel.

Q'eqchi Bible

³ Laa'in tinjosq'o'q sa' xb'een li winq a'an ut twisi sa' xyanqeb' li rech tenamitul, xb'aan naq xmux linLoq'laj Na'ajej ut xtz'eqtaana linsantil k'ab'a' rik'in xq'axtesinkil li ralal re laj Molok.

Levítico 20:3 ပူးပေါင်းရင်းမြစ်များ

Levítico 18:21

Junak cui̱nk incꞌaꞌ naru tixqꞌue li ralal xcꞌajol chokꞌ xcꞌatbil mayej chiru li yi̱banbil dios Moloc. Incꞌaꞌ ta̱risi xlokꞌal lin cꞌabaꞌ la̱in li Ka̱cuaꞌ le̱ Dios riqꞌuin xba̱nunquil aꞌin. La̱in li Ka̱cuaꞌ li yo̱quin chi yehoc re aꞌin.

Ezequiel 5:11

La̱in li yoꞌyo̱quil Dios ninye riqꞌuin juramento nak la̱in tinsach e̱ru xban nak xemux ru lin templo xban chixjunil li ma̱usilal xeba̱nu. La̱in incꞌaꞌ tincuy e̱ma̱c chi moco tincuil xtokꞌoba̱l e̱ru.

Levítico 17:10

Cui junak aj Israel, malaj ut junak jalan xtenamit cua̱nk saꞌ e̱ya̱nk, tixtiu li quicꞌ, la̱in tinjoskꞌokꞌ riqꞌuin ut tincuisi aꞌan saꞌ e̱ya̱nk la̱ex aj Israel.

2 Corintios 6:16

¿Ma xcꞌulubeb ta biꞌ li yi̱banbil dios nak teꞌcua̱nk saꞌ rochoch li yoꞌyo̱quil Dios? Ma̱min ta̱ru̱k. La̱in ninye e̱re nak la̱o aj pa̱banelo, la̱o li rochoch li yoꞌyo̱quil Dios. Li Dios, aꞌan li quixye chi joꞌcaꞌin: La̱in tincua̱nk riqꞌuineb ut tincuochbeniheb. La̱inak lix Dioseb aꞌan, ut aꞌanakeb li cualal incꞌajol, chan. (Lev. 26:12)

Ezequiel 20:39

Li Ka̱cuaꞌ li nimajcual Dios naxye chi joꞌcaꞌin e̱re la̱ex aj Israel: Ayukex che̱junilex ut cꞌanjelankex chiruheb le̱ jalanil dios. Abanan ta̱cuulak xkꞌehil nak la̱ex te̱ba̱nu li cꞌaꞌru tinye e̱re ut incꞌaꞌ chic te̱mux ru lin santil cꞌabaꞌ riqꞌuin le̱ mayej li nequeqꞌue chiruheb li jalanil dios.

Números 19:20

Abanan cui incꞌaꞌ tixsantobresi rib junak li muxbil ru, tento nak li jun aꞌan ta̱isi̱k saꞌ xya̱nkeb laj Israel xban nak quixmux ru lix tabernáculo li Ka̱cuaꞌ. Muxbil ru ta̱cana̱k xban nak incꞌaꞌ quirachrachi̱c li haꞌ saꞌ xbe̱n re santobresi̱c.

Levítico 15:31

La̱ex te̱ye reheb laj Israel nak teꞌxba̱nu li chakꞌrab aꞌin re nak incꞌaꞌ muxbilak ruheb nak teꞌcha̱lk saꞌ lin tabernáculo li cuan saꞌ xya̱nkeb. Cui teꞌxmux ru lin tabernáculo teꞌca̱mk.

1 Pedro 3:12

Li Ka̱cuaꞌ Dios narileb li ti̱queb xchꞌo̱l. Ut junelic narabiheb nak nequeꞌtijoc. Abanan yo̱ xjoskꞌil li Ka̱cuaꞌ saꞌ xbe̱neb li nequeꞌba̱nun re li ma̱usilal. (Sal. 34:12-16)

Levítico 20:4

Cui eb laj Israel incꞌaꞌ teꞌxqꞌue retal li ma̱usilal li xba̱nu nak xmayeja li ralal xcꞌajol ut incꞌaꞌ teꞌxcamsi,

Números 19:13

Yalak ani li ta̱chꞌeꞌok re junak camenak ut incꞌaꞌ tixsantobresi rib, li jun aꞌan tixmux ru lix tabernáculo li Ka̱cuaꞌ. Tento nak ta̱isi̱k saꞌ xya̱nkeb laj Israel. Muxbil ru ta̱cana̱k xban nak incꞌaꞌ quirachrachi̱c li haꞌ saꞌ xbe̱n re santobresi̱c.

Éxodo 30:33

Cui ani tixyi̱b jun chic li aceite joꞌ aꞌin, li jun aꞌan ta̱isi̱k saꞌ xya̱nkeb laj Israel. Ut cui ani tixqꞌue saꞌ xbe̱n junak li ma̱cuaꞌ aj tij, aꞌan ta̱isi̱k ajcuiꞌ saꞌ xya̱nkeb laj Israel.

Levítico 7:20

Cui junak tixmux rib ut tixtiu li tib li quimayeja̱c chiru li Dios re xcꞌambal rib saꞌ usilal riqꞌuin li Dios, li jun aꞌan ta̱isi̱k saꞌ xya̱nkeb li rech aj Israelil.

Levítico 7:21

Cui ani tixmux rib riqꞌuin xchꞌeꞌbal li muxbil ru, usta cristian usta xul li tixchꞌeꞌ, ut tixtzaca li tib li mayejanbil re xcꞌambal rib saꞌ usilal riqꞌuin li Dios, li jun aꞌan ta̱isi̱k saꞌ xya̱nkeb li rech aj Israelil.

Levítico 19:12

Me̱ba̱nu li juramento saꞌ incꞌabaꞌ la̱in chi ma̱cꞌaꞌ rajbal. Cui te̱ba̱nu chi joꞌcan te̱mux ru lin cꞌabaꞌ. La̱in li Ka̱cuaꞌ xinyehoc re aꞌin.

Levítico 21:6

Tento nak santakeb laj tij re nak incꞌaꞌ teꞌxcꞌut xxuta̱n lin cꞌabaꞌ xban nak aꞌaneb li nequeꞌxqꞌue li cꞌatbil mayej ut nequeꞌmayejac li caxlan cua chicuu la̱in lix Dioseb. Joꞌcan nak tento nak santakeb.