Levítico 20:23 - Li Santil hu

²³ Me̱tzol e̱rib chixba̱nunquil li cꞌaꞌru nequeꞌxba̱nu li jalan xtenamiteb. La̱in tincuisiheb aꞌan saꞌ li naꞌajej li tex-oc cuiꞌ la̱ex. Eb aꞌan queꞌxba̱nu li ma̱usilal aꞌin. Joꞌcan nak xebintzꞌekta̱na.

Q'eqchi Bible

²³ Meeb'aanu jo' neke'xb'aanu eb' li poyanam li te'wisi cheru laa'ex. Eb' a'an xe'xb'aanu li maa'usilal, jo'kan naq ink'a' xinkuyeb' xmaak.

Levítico 20:23 ပူးပေါင်းရင်းမြစ်များ

Deuteronomio 9:5

Moco xban ta xti̱quilal le̱ chꞌo̱l nak li Dios tixqꞌue chere̱chani li naꞌajej aꞌan. Ta̱risiheb ban xban nak kꞌaxal yibru lix naꞌlebeb ut xban ajcuiꞌ nak tento tixba̱nu li cꞌaꞌru quixyechiꞌi riqꞌuin juramento reheb le̱ xeꞌto̱nil yucuaꞌ, laj Abraham, laj Isaac, ut laj Jacob.

Levítico 18:24

Me̱mux e̱rib xba̱nunquil li cꞌaꞌak re ru aꞌin xban nak aꞌan incꞌaꞌ us. Aꞌan lix ma̱usilaleb li tenamit li tincuisi saꞌ li naꞌajej li tex-oc cuiꞌ.

Levítico 18:30

Joꞌcan nak la̱ex cheba̱nuhak li cꞌaꞌru nequexinchakꞌrabi cuiꞌ. Me̱tzol xba̱nunquil li ma̱usilal li queꞌxba̱nu li tenamit li cuanqueb aran nak toj ma̱jiꞌ nequex-oc la̱ex. Me̱mux e̱rib chixba̱nunquil aꞌan. La̱in li Ka̱cuaꞌ le̱ Dios xinyehoc re aꞌin.

Levítico 18:3

Texcua̱nk saꞌ xya̱lal ut incꞌaꞌ te̱ba̱nu joꞌ nequeꞌxba̱nu li cuanqueb saꞌ li tenamit Egipto li quexcuan cuiꞌ chak. Chi moco te̱ba̱nu joꞌ nequeꞌxba̱nu li cuanqueb saꞌ li naꞌajej Canaán li yo̱quin cuiꞌ che̱cꞌambal. Chi moco te̱tzol e̱rib chixba̱nunquil li cꞌaꞌru naxye saꞌ lix chakꞌrabeb.

Levítico 18:27

Chixjunil li ma̱usilal aꞌan queꞌxba̱nu li tenamit li queꞌcuan saꞌ li naꞌajej. Ut muxbil chic ru li chꞌochꞌ quicana xbaneb li cuanqueb aran nak toj ma̱jiꞌ nequex-oc.

Zacarías 11:8

Ut chiru jun po quinsach ruheb oxib laj ilol reheb li carner. Incꞌaꞌ chic quincuyeb xma̱c xban nak eb aꞌan xicꞌ ajcuiꞌ niquineꞌril la̱in.

Salmos 78:59

Cꞌajoꞌ nak quijoskꞌoꞌ li Dios nak quiril nak yo̱queb chixlokꞌoninquil li yi̱banbil dios. Joꞌcan nak quixtzꞌekta̱naheb laj Israel.

Levítico 18:25

Xban li ma̱usilal li queꞌxba̱nu, queꞌxmux ru li naꞌajej. Joꞌcan nak la̱in tinqꞌueheb chixtojbal rix lix ma̱queb nak teꞌisi̱k saꞌ lix naꞌajeb.

Levítico 18:2

—Ye reheb laj Israel nak la̱in li Ka̱cuaꞌ lix Dioseb.