Levítico 20:2 - Li Santil hu

² —Ta̱ye ajcuiꞌ reheb laj Israel chi joꞌcaꞌin. Yalak ani li cui̱nk aj Israel tixyechiꞌi li ralal xcꞌajol chokꞌ xmayej chiru li yi̱banbil dios Moloc, li cui̱nk aꞌan ta̱camsi̱k chi pec xbaneb li tenamit. Relic chi ya̱l ta̱camsi̱k usta aj Israel, usta jalan xtenamit li cuan arin Israel.

Q'eqchi Bible

² “Ye reheb' laj Israel: “Wi junaq aj Israel malaj aj ab'l tenamit li wanq Israel tixq'axtesi junaq ralal re li yos Molok, tento taakamsiiq chi pek xb'aaneb' li tenamit.

Levítico 20:2 ပူးပေါင်းရင်းမြစ်များ

Deuteronomio 21:21

Ut chixjunileb li cui̱nk li cuanqueb saꞌ li tenamit aꞌan teꞌxcuti chi pec toj retal ta̱ca̱mk. Chi joꞌcaꞌin te̱risi li ma̱usilal saꞌ e̱ya̱nk. Ut chixjunileb laj Israel teꞌrabi resil ut teꞌxucuak xban.

Levítico 24:23

Nak laj Moisés ac xye aꞌin reheb laj Israel, queꞌxcꞌam li cui̱nk li quixmajecua li Ka̱cuaꞌ toj chirix li naꞌajej li cuanqueb cuiꞌ lix muheba̱leb. Ut aran queꞌxcamsi chi pec. Eb laj Israel queꞌxba̱nu joꞌ quiyeheꞌ re laj Moisés xban li Ka̱cuaꞌ.

Levítico 24:14

—Cꞌamomak li cui̱nk aꞌan toj chirix li naꞌajej li cuanqueb cuiꞌ lix muheba̱leb laj Israel. Chixjunileb li queꞌabin re nak quixmajecua lin cꞌabaꞌ teꞌxqꞌue li rukꞌeb saꞌ xbe̱n xjolom retalil nak cuan xma̱c. Ut chirix aꞌan chixjunileb teꞌxcamsi chi pec.

Levítico 20:27

Cui cuanqueb cui̱nk ut ixk saꞌ e̱ya̱nk li naa̱tinac riqꞌuineb li musikꞌej malaj ut nakꞌehin, tento nak teꞌcamsi̱k chi pec. Ut eb aꞌan cuanqueb xma̱c nak teꞌcamsi̱k.

Levítico 18:21

Junak cui̱nk incꞌaꞌ naru tixqꞌue li ralal xcꞌajol chokꞌ xcꞌatbil mayej chiru li yi̱banbil dios Moloc. Incꞌaꞌ ta̱risi xlokꞌal lin cꞌabaꞌ la̱in li Ka̱cuaꞌ le̱ Dios riqꞌuin xba̱nunquil aꞌin. La̱in li Ka̱cuaꞌ li yo̱quin chi yehoc re aꞌin.

Hechos 7:43

¿Ma ma̱cuaꞌ ta biꞌ le̱ yi̱banbil dios Moloc ut Renfán quelokꞌoni? La̱ex queyi̱b li jalam u̱ch aꞌin re te̱lokꞌoni. Joꞌcan nak texincanab re nak jalan tenamit ta̱numta̱k saꞌ e̱be̱n ut texcꞌamekꞌ chi najt saꞌ jun li naꞌajej li cuan jun pacꞌal li tenamit Babilonia, chan li Ka̱cuaꞌ. (Amós 5:25-27)

Ezequiel 23:39

Saꞌ eb li cutan nak queꞌxmayejaheb lix cocꞌaleb chiruheb lix yi̱banbil dios queꞌoc saꞌ lin templo ut queꞌxmux ru.

Ezequiel 23:37

Queꞌxmux lix sumlajiqueb xban nak xineꞌxtzꞌekta̱na ut xeꞌxlokꞌoniheb li jalanil dios. Osoꞌjenakeb li rukꞌeb saꞌ quicꞌ. Queꞌxmayejaheb lix cocꞌaleb nak queꞌxcꞌateb chiruheb li yi̱banbil dios, usta aꞌaneb li cualal incꞌajol la̱in.

Ezequiel 20:31

Chalen anakcuan nequemux e̱rib riqꞌuin xlokꞌoninquileb li jalanil dios ut nequeqꞌue le̱ cocꞌal chokꞌ cꞌatbil mayej. Ut chirix aꞌan nequexchal chixsicꞌbal e̱naꞌleb cuiqꞌuin. La̱in li yoꞌyo̱quil Dios ninye e̱re nak la̱in incꞌaꞌ tinsume li cꞌaꞌru nequepatzꞌ.

Ezequiel 20:26

Quincanabeb chixmuxbal ribeb riqꞌuin li mayej queꞌxqꞌue reheb li jalanil dios. Queꞌxqꞌue li xbe̱n ralaleb chokꞌ xcꞌatbil mayej. Quincanabeb chixba̱nunquil chi joꞌcan re nak teꞌxucuak ut teꞌxqꞌue retal nak la̱in li Ka̱cuaꞌ.

Jeremías 32:35

Queꞌxyi̱b li naꞌajej li najt xteram re teꞌxlokꞌoni cuiꞌ li yi̱banbil dios Baal saꞌ li ru takꞌa re Ben-hinom ut re ajcuiꞌ nak teꞌxcꞌat chokꞌ xmayejeb eb li ralal xcꞌajol chiru lix dios Moloc. La̱in incꞌaꞌ quinye reheb nak teꞌxba̱nu aꞌan, chi moco quincꞌoxla nak teꞌxba̱nu li ma̱usilal aꞌan li kꞌaxal yibru nak queꞌxcꞌam xbeheb laj Judá chi ma̱cobc.

Jeremías 7:31

Saꞌ li ru takꞌa li cuan Ben-hinom queꞌxyi̱b li artal li najt xteram saꞌ li naꞌajej Tofet ut queꞌxcꞌat chokꞌ xmayejeb li ralal xcꞌajoleb. La̱in incꞌaꞌ quinye reheb nak teꞌxba̱nu chi joꞌcan chi moco quincꞌoxla nak joꞌcan teꞌxba̱nu.

Salmos 106:38

Ma̱cꞌaꞌeb xma̱c li ralal xcꞌajoleb, abanan queꞌxcamsi ut queꞌxmayeja lix quiqꞌuel chiruheb lix dioseb laj Canaán. Ut queꞌxmux ru li chꞌochꞌ riqꞌuin lix quiqꞌueleb.

2 Crónicas 33:6

Quixcꞌateb li ralal chokꞌ xmayej saꞌ li ru takꞌa re Ben-hinom. Naxic riqꞌuineb laj kꞌe chixpatzꞌbal cꞌaꞌru ta̱cha̱lk chiru mokon. Quixqꞌueheb xcuanquil laj kꞌe ut eb laj tu̱l ut eb li nequeꞌxnau xba̱nunquil li magia ut quixpatzꞌ xnaꞌleb riqꞌuineb li musikꞌej. Numtajenak li ma̱usilal li quixba̱nu toj retal nak quinumta xjoskꞌil li Ka̱cuaꞌ saꞌ xbe̱n.

2 Crónicas 28:3

Ut quixcꞌat li pom saꞌ li ru takꞌa Hinom. Ut quixcꞌateb chokꞌ xmayej lix cocꞌal joꞌ queꞌxba̱nu li tenamit li queꞌisi̱c saꞌ li naꞌajej aꞌan xban li Dios nak eb li ralal xcꞌajol laj Israel queꞌoc aran.

2 Reyes 23:10

Li rey Josías quixtakla xpoꞌbal li naꞌajej Tofet li cuan saꞌ li ru takꞌa saꞌ lix chꞌochꞌ laj Ben-hinom. Quixpoꞌ li naꞌajej aꞌan re nak ma̱ ani chic tixcꞌat li ralal malaj ut lix rabin chokꞌ xmayej chiru li yi̱banbil dios Moloc.

2 Reyes 17:17

Queꞌxcꞌat li ralal xcꞌajoleb chokꞌ xmayejeb chiru li yi̱banbil dios. Queꞌco̱eb chi patzꞌoc riqꞌuineb laj kꞌe ut riqꞌuineb laj tu̱l. Ut junes li ma̱usilal queꞌxqꞌue xchꞌo̱l chixba̱nunquil. Joꞌcan nak queꞌxchikꞌ xjoskꞌil li Dios.

Deuteronomio 18:10

Ut ma̱ jun e̱re tixcꞌat lix cocꞌal chokꞌ xmayej, chi moco texkꞌehi̱nk, chi moco textu̱lak, chi moco texxic chi patzꞌoc riqꞌuineb laj tu̱l ut eb laj kꞌe.

Deuteronomio 12:31

Nak texlokꞌoni̱nk chiru li Ka̱cuaꞌ le̱ Dios, me̱ba̱nu li incꞌaꞌ us joꞌ nequeꞌxba̱nu li jalan xtenamiteb nak nequeꞌxlokꞌoni lix yi̱banbil dioseb. Nequeꞌxba̱nu li ma̱usilal toj retal nak nequeꞌxcꞌat li ralal xcꞌajol chokꞌ xmayejeb chiru lix jalanil dios.

Levítico 17:15

Cui junak naxtzaca xtibel li xul li yal nacam xjunes malaj ut quicamsi̱c xban joskꞌ aj xul, li jun aꞌan xmux rib, usta aj Israel usta jalan xtenamit. Tento nak ta̱ati̱nk ut tixpuchꞌ li rakꞌ. Ut muxbil ru ta̱cana̱k toj ta̱oc li kꞌojyi̱n. Riqꞌuin aꞌan santobresinbilak chic.

Levítico 17:13

Cui junak aj Israel malaj ut junak jalan xtenamit li cuan saꞌ e̱ya̱nk tixchap junak li xul saꞌ qꞌuicheꞌ malaj junak li xul li narupupic li naru xtiubal xtibel, tixhoy lix quiqꞌuel ut tixqꞌue chꞌochꞌ saꞌ xbe̱n li quicꞌ.

Levítico 17:8

Ut ta̱ye ajcuiꞌ reheb nak cui junak le̱ rech aj Israelil malaj ut junak jalan xtenamit cua̱nk saꞌ e̱ya̱nk, tixqꞌue lix cꞌatbil mayej, malaj cꞌaꞌak chic re ru chi mayejil, tento nak tixcꞌam chiru li oqueba̱l re li tabernáculo.

Levítico 20:1

Li Ka̱cuaꞌ quia̱tinac riqꞌuin laj Moisés ut quixye re:

1 Reyes 11:7

Ut laj Salomón quixtakla xyi̱banquil lix naꞌajeb li jalanil dios Quemos ut Moloc saꞌ li tzu̱l li cuan jun pacꞌal li tenamit Jerusalén bar na-el cuiꞌ li sakꞌe. Laj Quemos, aꞌan lix dioseb laj Moab. Ut laj Moloc aꞌan lix dioseb laj Amón, li kꞌaxal yibru nequeꞌxba̱nu nak nequeꞌxlokꞌoniheb.

Levítico 24:16

Li ani tixmajecua xcꞌabaꞌ li Dios ta̱camsi̱k, usta aj Israel usta jalan xtenamit li cuan Israel. Chixjunileb li tenamit teꞌxcamsi chi pec xban nak xmajecua xcꞌabaꞌ li Ka̱cuaꞌ.

Deuteronomio 17:2

Ma̱re cua̱nk junak cui̱nk malaj ixk saꞌ eb li tenamit li tixqꞌue e̱re li Ka̱cuaꞌ li tixkꞌet li contrato ut ta̱ma̱cobk chiru li Ka̱cuaꞌ

Deuteronomio 22:21

li xkaꞌal ta̱cꞌamekꞌ chiru li puerta re li rochoch lix yucuaꞌ ut eb li cui̱nk saꞌ li tenamit aꞌan teꞌxcuti chi pec toj retal teꞌxcamsi xban nak xba̱nu li incꞌaꞌ us nak toj cuan saꞌ rochoch lix yucuaꞌ. Chi joꞌcaꞌin te̱risi li ma̱usilal aꞌan saꞌ e̱ya̱nk la̱ex.