Levítico 20:16 - Li Santil hu

¹⁶ Cui junak ixk tixchꞌic rib riqꞌuin junak xul, li ixk aꞌan ta̱camsi̱k ut ta̱camsi̱k ajcuiꞌ li xul. Ut eb aꞌan cuanqueb xma̱c nak teꞌcamsi̱k.

Q'eqchi Bible

¹⁶ “Wi junaq ixq tixq'axtesi rib' chi b'atz'unleek xb'aan junaq xul, te'kamsimanq chi xkab'ichaleb', jo' li ixq ut jo' ajwi' li xul. A'aneb' ajwi' wankeb' wi' naq te'kamsiiq.

Levítico 20:16 ပူးပေါင်းရင်းမြစ်များ

Hebreos 12:20

Queꞌxye chi joꞌcan xban nak incꞌaꞌ queꞌxcuy rabinquil li chakꞌrab li naxye nak ta̱camsi̱k chi pec li ani ta̱xic aran saꞌ li tzu̱l, usta xul. (Ex. 19:12)

Éxodo 21:32

Ut cui li bo̱yx tixxekꞌ junak lokꞌbil mo̱s cui̱nk malaj ut jun lokꞌbil mo̱s ixk, tento nak laj e̱chal re li bo̱yx tixtoj laje̱b xcaꞌcꞌa̱l (30) chi tumin plata re lix patrón li mo̱s li ta̱xekꞌekꞌ. Ut li bo̱yx ta̱camsi̱k chi pec.

Éxodo 19:13

Usta cristian usta xul li ta̱nachꞌok aran, ta̱ca̱mk. Moco riqꞌuin ukꞌ ta ta̱camsi̱k. Riqꞌuin ban tzimaj malaj riqꞌuin pec ta̱camsi̱k. Toj teꞌrabi xya̱b li trompeta chi cau, tojoꞌnak naru teꞌtakekꞌ chiru li tzu̱l, chan li Dios.

Éxodo 21:28

Cui junak bo̱yx tixxekꞌ junak cui̱nk malaj ut junak ixk ut xban aꞌan ta̱ca̱mk, li bo̱yx aꞌan tento ta̱camsi̱k chi pec ut lix tibel incꞌaꞌ ta̱tiꞌekꞌ. Laj e̱chal re libre ta̱cana̱k.

Éxodo 22:19

Li ani tixchꞌic rib riqꞌuin xul, tento ta̱camsi̱k.

Levítico 18:23

Junak cui̱nk incꞌaꞌ naru naxchꞌic rib riqꞌuin li xul. Incꞌaꞌ naru tixmux rib xba̱nunquil li ma̱usilal aꞌan. Chi moco junak ixk tixchꞌic rib riqꞌuin li xul. Kꞌaxal yibru xba̱nunquil aꞌan.

Levítico 20:15

Cui junak cui̱nk tixchꞌic rib riqꞌuin junak xul, ta̱camsi̱k li cui̱nk ut ta̱camsi̱k li xul.

Levítico 20:17

Cui junak cui̱nk tixchꞌic rib riqꞌuin li ranab, malaj ut lix cab ranab, nimla ma̱c teꞌxba̱nu ut teꞌcamsi̱k chixcabichaleb. Li cui̱nk aꞌan quixmux ru li ranab ut tento nak aꞌan tixtoj rix lix ma̱c.