Levítico 2:4 - Li Santil hu

⁴ Cui tixmayeja li caxlan cua li yi̱banbil saꞌ horno, tento nak yi̱banbilak riqꞌuin cha̱bil cꞌaj, ut tento nak ma̱cꞌaꞌak xchꞌamal. Naru tixmayeja li caxlan cua li pim, li yokꞌinbil riqꞌuin li cha̱bil aceite oliva, malaj ut naru tixmayeja li caxlan cua, sursu ut jay, li yulbil riqꞌuin aceite oliva.

Q'eqchi Bible

⁴ “Wi laamayej a'an k'aj chiqb'il sa' ru xam, chaq'axtesi chi pixtunil yiib'anb'ilaq rik'in chaab'il k'aj, ink'a' yuub'il ut yoq'b'ilaq, malaj chaq'axtesi chi jayil wa ink'a' yuub'il ut chiqb'ilaq sa' aseeyt.

Levítico 2:4 ပူးပေါင်းရင်းမြစ်များ

Éxodo 29:2

Ut te̱yi̱b li caxlan cua li ma̱cꞌaꞌ xchꞌamal riqꞌuin li cha̱bil cꞌaj re li trigo, ut te̱yi̱b li caxlan cua jun chic li cuan aceite chi saꞌ, ut te̱yi̱b ajcuiꞌ li caxlan cua chi jay ut te̱yul li aceite chiru.

Salmos 22:14

Yo̱ chi osocꞌ lin metzꞌe̱u. Chanchan li haꞌ li yo̱ chi hoyecꞌ. Chanchan nak ma̱cꞌaꞌ chic saꞌ xnaꞌaj lin bakel. Chanchan yo̱ chi haꞌocꞌ li cua̱m joꞌ nak nahaꞌoꞌ li cera.

1 Pedro 2:22

Li Cristo ma̱cꞌaꞌ xma̱c. Ut ma̱ jun sut quibalakꞌin.

1 Pedro 2:1

Xban nak acꞌ chic le̱ yuꞌam, cherisihak saꞌ le̱ chꞌo̱l chixjunil li ma̱usilal. Mexbalakꞌic chic. Te̱canab li caꞌ pacꞌal u. Mexcakalin chic ut te̱canab ajcuiꞌ li yoꞌoba̱nc a̱tin.

Hebreos 7:26

Li Ka̱cuaꞌ Jesucristo, aꞌan li tzꞌakal xyucuaꞌil aj tij. Ut aꞌan li natenkꞌan ke chi tzꞌakal. Moco juntakꞌe̱t ta lix yuꞌam riqꞌuineb laj ma̱c. Li Jesucristo santo ut ma̱cꞌaꞌ xma̱c. Aꞌan co̱ saꞌ choxa ut aran quiqꞌueheꞌ xnimal xlokꞌal.

San Juan 12:27

Li Jesús quixye ajcuiꞌ: —Anakcuan kꞌaxal ra saꞌ inchꞌo̱l. ¿Ma ta̱ru̱k ta biꞌ tinye re li Dios, “At inYucuaꞌ, china̱col chiru li raylal aꞌin”? La̱in incꞌaꞌ tinye chi joꞌcan xban nak aꞌan aj e nak xinchal saꞌ ruchichꞌochꞌ.

San Juan 3:34

Li Jesucristo, aꞌan taklanbil chak xban li Dios ut naxye li cꞌaꞌru nayeheꞌ re xban li Dios xban nak li Santil Musikꞌej cuan riqꞌuin chi tzꞌakal.

San Mateo 26:38

Ut quixye reheb: —Cuan jun raylal saꞌ inchꞌo̱l ut yo̱ chinyotꞌbal. Incꞌaꞌ chic nincuy nak nacuecꞌa. Cana̱kex arin ut yoꞌlenkex cuochben, chan.

Isaías 42:1

Quixye li Ka̱cuaꞌ: —Aꞌan aꞌin laj cꞌanjel chicuu, li sicꞌbil ru inban. La̱in nintenkꞌan re ut sa saꞌ inchꞌo̱l riqꞌuin. Tinqꞌue lin musikꞌ re ut aꞌan ta̱rakok a̱tin saꞌ ti̱quilal saꞌ xbe̱neb li xni̱nkal ru tenamit.

Levítico 10:12

Laj Moisés quia̱tinac riqꞌuineb laj Aarón ut laj Eleazar ut laj Itamar, li cuib chi ralal laj Aarón li incꞌaꞌ queꞌcamsi̱c. Quixye reheb: —Te̱cꞌam li cꞌaj li qui-elaꞌan nak quiqꞌueheꞌ li cꞌatbil mayej cꞌaj. Riqꞌuin aꞌan te̱yi̱b li caxlan cua li ma̱cꞌaꞌ xchꞌamal ut te̱cuaꞌ chixcꞌatk li artal xban nak li mayej aꞌin santo.

Ezequiel 46:20

Ut quixye cue: —Aꞌan aꞌin li naꞌajej li teꞌxcꞌu̱b cuiꞌ li cꞌaꞌak re ru li teꞌxmayeja. Teꞌxchik li tib li teꞌxmayeja re xpatzꞌbal xcuybal xma̱queb ut li mayej re xtojbal rix lix ma̱queb. Aran teꞌxpom li mayej re li ru li racui̱mk. Teꞌxba̱nu aran re nak incꞌaꞌ teꞌxcꞌam li cꞌaꞌru santobresinbil saꞌ li neba̱l li cuanqueb cuiꞌ li tenamit, chan li cui̱nk.

Isaías 61:1

Lix musikꞌ li nimajcual Dios cuan cuiqꞌuin. Li Dios quixsicꞌ cuu ut quinixtakla chixyebal li cha̱bil esil reheb li rahobtesinbileb. Quinixtakla chixtenkꞌanquileb li cuanqueb saꞌ raylal. Quinixtakla chixcolbaleb li cuanqueb chi pre̱xil joꞌqueb ajcuiꞌ li cuanqueb saꞌ tzꞌalam.

Levítico 7:12

Li ani tixqꞌue lix mayej re xbantioxinquil chiru li Ka̱cuaꞌ tixqꞌue li caxlan cua li ma̱cꞌaꞌ xchꞌamal junajinbil riqꞌuin aceite, malaj ut tixqꞌue ajcuiꞌ li caxlan cua chi jay li ma̱cꞌaꞌ xchꞌamal ut tixqꞌue aceite saꞌ xbe̱n. Tixqꞌue ajcuiꞌ li caxlan cua yi̱banbil riqꞌuin cha̱bil cꞌaj, yokꞌinbil chi us ut junajinbil riqꞌuin aceite.

Levítico 6:17

Nak teꞌxyi̱b li caxlan cua aꞌin incꞌaꞌ teꞌxqꞌue xchꞌamal. La̱in xinqꞌue li mayej aꞌin chokꞌ reheb xban nak aꞌan li tento teꞌtzꞌak. Li mayej aꞌin kꞌaxal lokꞌ joꞌ xlokꞌal li cuib chi mayej li nequeꞌxqꞌue re xtzꞌa̱manquil xcuybal lix ma̱queb.

Levítico 1:11

Tixcamsi chiru li Ka̱cuaꞌ chixcꞌatk li artal saꞌ li pacꞌal li nacana saꞌ li norte. Ut eb laj tij teꞌxrachrachi lix quiqꞌuel saꞌ xbe̱n li artal ut chixjun sutam.

Éxodo 16:31

Eb laj Israel maná queꞌxqꞌue chokꞌ xcꞌabaꞌ li tzacae̱mk aꞌan. Li maná sak ut chanchan riyajil li culantro. Lix sahil chanchan yi̱banbil caxlan cua riqꞌuin xyaꞌal cab.

Éxodo 12:8

Saꞌ li kꞌojyi̱n aꞌan te̱tiu li tib chi pombil. Te̱cuaꞌ li caxlan cua xcomon li ma̱cꞌaꞌ xchꞌamal ut te̱tiu ajcuiꞌ li ichaj li cꞌa.

Números 6:15

Tixcꞌam ajcuiꞌ li mayej cꞌaj ut li mayej vino ut jun chacach li caxlan cua li ma̱cꞌaꞌ xchꞌamal ut yi̱banbilak riqꞌuin li cha̱bil cꞌaj ut junajinbilak riqꞌuin aceite. Ut yulbilak li aceite chiruheb li caxlan cua.