Levítico 2:2 - Li Santil hu

² Chirix aꞌan tixcꞌam riqꞌuineb laj tij. Aꞌaneb li ralal xcꞌajol laj Aarón. Jun reheb laj tij tixchap jun mo̱chꞌ li cha̱bil cꞌaj rochben aceite ut incienso, ut tixcꞌat saꞌ xbe̱n li artal chokꞌ mayej chiru li Ka̱cuaꞌ. Aꞌan retalil nak chixjunil li cꞌaj kꞌaxtesinbil re li Dios. Li mayej li ta̱cꞌatk, aꞌanak jun sununquil mayej chiru li Ka̱cuaꞌ.

Q'eqchi Bible

² Chirix a'an tixk'am rik'ineb' laj tij li ralaleb' laj Aharón, ut jun reheb' a'an tixchap jun mooch'aq li k'aj triiw rochb'een aseeyt ut pom, ut tixk'at sa' xb'een li artal cho'q k'atb'il mayej, sahil mayej, sununk xb'ook chiru li Qaawa'.

Levítico 2:2 ပူးပေါင်းရင်းမြစ်များ

Levítico 6:15

Laj tij tixqꞌue jun mo̱chꞌak li cha̱bil cꞌaj li ac qꞌuebil chokꞌ mayej. Tixqꞌue ajcuiꞌ li aceite ut li incienso li na-oc saꞌ xbe̱n li mayej. Tixcꞌat saꞌ xbe̱n li artal chokꞌ retalil nak kꞌaxtesinbil re li Ka̱cuaꞌ lix comon li mayej. Ut li mayej aꞌan, aꞌan jun sununquil mayej nacuulac chiru li Ka̱cuaꞌ.

Levítico 5:12

Tixcꞌam riqꞌuin laj tij. Ut laj tij tixchap jun mo̱chꞌ li cha̱bil cꞌaj ut tixcꞌat saꞌ xbe̱n li artal li naqꞌueheꞌ cuiꞌ li cꞌatbil mayej chiru li Ka̱cuaꞌ. Aꞌan retalil nak chixjunil li cꞌaj kꞌaxtesinbil re li Dios. Li mayej aꞌin, aꞌan re xtzꞌa̱manquil xcuybal lix ma̱c.

Hechos 10:4

Laj Cornelio ta̱xucuak nak quiril li ángel ut quixye: —Cꞌaꞌru ta̱cuaj tinba̱nu, Ka̱cuaꞌ.— Li ángel quixye: —Li Dios xrabi la̱ tij. Nacuulac chiru li cꞌaꞌru nacaba̱nu re xtenkꞌanquileb li nebaꞌ.

Levítico 24:7

Ta̱qꞌue ajcuiꞌ li cha̱bil incienso saꞌ xbe̱n li ju̱nk tzol chi caxlan cua. Ut aꞌanak jun sununquil cꞌatbil mayej chiru li Ka̱cuaꞌ.

Levítico 2:9

Laj tij tixchap caꞌchꞌinak li caxlan cua ut tixcꞌat saꞌ xbe̱n li artal chokꞌ retalil nak kꞌaxtesinbil re li Ka̱cuaꞌ lix comon li mayej. Ut li mayej aꞌan, aꞌanak jun sununquil mayej chiru li Ka̱cuaꞌ.

Isaías 66:3

Eb aꞌan queꞌxsicꞌ ru li cꞌaꞌru queꞌraj xba̱nunquil ut aꞌ chic li ma̱usilal queꞌxra. Incꞌaꞌ tincꞌul lix mayejeb. Cui teꞌxcamsi li toro re teꞌxmayeja chicuu, chanchan nak teꞌxcamsi li ras ri̱tzꞌin. Ut cui teꞌxcamsi li carner, chanchan nak teꞌxtok xcux li tzꞌiꞌ. Ut nak teꞌxmayeja li ru li trigo, chanchan nak teꞌxmayeja xquiqꞌuel li a̱k chicuu. Nak teꞌxcꞌat lix pom chicuu, chanchan nak yo̱queb chixlokꞌoninquil li jalanil dios.

Levítico 2:16

Ut laj tij tixcꞌat caꞌchꞌinak li ru li acui̱mk, li tenbil rochben li aceite ut li incienso. Aꞌanak jun li cꞌatbil mayej chiru li Ka̱cuaꞌ.

Nehemías 13:22

Chirix aꞌan quinye ajcuiꞌ reheb laj levita nak teꞌxsantobresi ribeb joꞌ naxye saꞌ li chakꞌrab. Ut quinye ajcuiꞌ reheb nak teꞌxcꞌacꞌaleheb li oqueba̱l re li tenamit re nak ma̱ ani ta̱muxuk re li hiloba̱l cutan. —At inDios, riqꞌuin aꞌin chijulticokꞌ taxak a̱cue li joꞌ qꞌuial li us ninba̱nu ut chacuy taxak inma̱c xban xnimal la̱ cuuxta̱n.—

Nehemías 13:14

—At inDios, chijulticokꞌ taxak a̱cue li joꞌ qꞌuial li us ninba̱nu. Ut misach taxak saꞌ a̱chꞌo̱l chixjunil li us ninba̱nu chokꞌ re la̱ templo ut re la̱ cꞌanjel.—

Números 5:18

Nak xakxo̱k chiru li Ka̱cuaꞌ li ixakilbej, laj tij tixjit li rismal xjolom li ixk ut tixqꞌue saꞌ rukꞌ caꞌchꞌinak li mayej cꞌaj li quixqꞌue li be̱lomej xban xcakal xchꞌo̱l. Ut laj tij tixchap saꞌ rukꞌ li cꞌahil haꞌ li nacꞌamoc chak raylal.

Éxodo 30:16

Ut la̱at ta̱xoc li plata li teꞌxqꞌue laj Israel re xcolbal rix lix yuꞌameb. Ut ta̱kꞌaxtesi re li cꞌanjel li ta̱uxma̱nk saꞌ li tabernáculo. Li mayej aꞌan ta̱jultica̱nk re chicuu nak eb li ralal xcꞌajol laj Israel queꞌxtoj rix lix yuꞌameb.

Levítico 4:31

Ut ta̱risi lix xe̱bul joꞌ nak nequeꞌrisi lix xe̱bul li xul li nequeꞌxqꞌue chokꞌ xmayej re xcꞌambaleb rib saꞌ usilal riqꞌuin li Dios. Ut laj tij tixqꞌue saꞌ xbe̱n li artal ut tixcꞌat. Ut aꞌanak jun li sununquil mayej ta̱cuulak chiru li Ka̱cuaꞌ. Riqꞌuin li mayej li tixcꞌat laj tij, tixtoj rix lix ma̱c li xma̱cob ut ta̱cuyekꞌ lix ma̱c.

Levítico 5:11

Abanan cui li ani ta̱ma̱cobk incꞌaꞌ tzꞌakal lix tumin re tixlokꞌ cuibak li mucuy malaj ut cuibak li paloma sa̱jeb, tento nak tixqꞌue chokꞌ xmayej re xtzꞌa̱manquil xcuybal lix ma̱c ca̱hib libra riqꞌuin media li cha̱bil cꞌaj. Incꞌaꞌ tixqꞌue li aceite saꞌ xbe̱n chi moco tixqꞌue li incienso xban nak li mayej aꞌan re xtzꞌa̱manquil xcuybal lix ma̱c.

Números 5:26

Ut laj tij tixchap jun mo̱chꞌak li mayej cꞌaj chokꞌ retalil nak chixjunil li cꞌaj kꞌaxtesinbil re li Ka̱cuaꞌ. Ut tixcꞌat saꞌ li artal ut tixqꞌue chirucꞌ li ixk li cꞌahil haꞌ.

Levítico 1:9

Tixchꞌaj li cꞌamcꞌot ut li raꞌ li xul. Ut laj tij tixqꞌue chixjunil saꞌ xbe̱n li artal ut tixcꞌat. Ut aꞌanak jun li sununquil mayej ta̱cuulak chiru li Ka̱cuaꞌ.

Levítico 1:13

Li tixqꞌue xcꞌatbil mayej tixchꞌaj lix cꞌamcꞌot ut li raꞌ li xul. Ut laj tij tixmayeja chiru li Ka̱cuaꞌ ut tixqꞌue chixjunil saꞌ xbe̱n li artal ut tixcꞌat. Ut aꞌanak jun li sununquil mayej ta̱cuulak chiru li Ka̱cuaꞌ.

Levítico 1:17

Tixchap saꞌ xxicꞌ ut tixjach saꞌ xyi li xul. Abanan incꞌaꞌ tixjach chi jun cuacaj. Ut incꞌaꞌ ta̱risi lix xicꞌ. Chirix aꞌan laj tij tixcꞌat saꞌ li artal saꞌ xbe̱n li xam. Ut aꞌanak jun li sununquil mayej ta̱cuulak chiru li Ka̱cuaꞌ.