Levítico 2:1 - Li Santil hu

¹ Nak junak cristian tixmayeja ru li racui̱mk, tento nak tixqꞌue li cha̱bil cꞌaj. Tixqꞌue aceite saꞌ xbe̱n ut tixqꞌue ajcuiꞌ incienso.

Q'eqchi Bible

¹ “Wi junaq tixk'am chaq xmayej k'aj chiru li Qaawa', tento tixk'am chaq li xchaq'alil ru k'aj triiw, tixk'e aseeyt ut pom sa' xb'een.

Levítico 2:1 ပူးပေါင်းရင်းမြစ်များ

Apocalipsis 8:3

Quichal jun chic li ángel ut quixakli chiru li artal yi̱banbil riqꞌuin oro. Cuan chak saꞌ rukꞌ jun xnaꞌaj li incienso yi̱banbil riqꞌuin oro. Quiqꞌueheꞌ nabal li incienso re, re tixcꞌat saꞌ li artal li cuan chiru li cꞌojariba̱l, re nak cuotz ta̱cuulak toj riqꞌuin li Ka̱cuaꞌ rochben lix tijeb laj pa̱banel.

Isaías 66:20

Ut teꞌxcꞌam chak chixjunileb li ras ri̱tzꞌin li cuanqueb saꞌ eb li najtil tenamit chokꞌ inmayej. Teꞌxcꞌameb saꞌ lin santil tzu̱l aran Jerusalén. Teꞌcha̱lk chirix cacua̱y, chirix bu̱r ut chirix camello. Ut teꞌcha̱lk ajcuiꞌ saꞌ carruaje ut saꞌ carre̱t. Teꞌxcꞌameb chak joꞌ nak eb laj Israel nequeꞌxcꞌam saꞌ lin templo lix mayej saꞌ eb li secꞌ li kꞌaxtesinbil chi cꞌanjelac chicuu.

Levítico 9:17

Ut quixqꞌue ajcuiꞌ li mayej cꞌaj. Quixchap jun mo̱chꞌ ut quixcꞌat saꞌ xbe̱n li artal. Li mayej aꞌan jun chic li mayej tixba̱nu chirix li cꞌatbil mayej li quixqꞌue rajlal ekꞌela.

San Judas 1:20

Aꞌut la̱ex, ex inherma̱n, cauhak taxak e̱chꞌo̱l saꞌ le̱ santil pa̱ba̱l. Ut chextijok riqꞌuin xcuanquil li Santil Musikꞌej.

Números 7:19

Li mayej li quixqꞌue, aꞌan jun plato yi̱banbil riqꞌuin plata numenak oxib libra ra̱lal ut jun li secꞌ yi̱banbil riqꞌuin plata caꞌchꞌin ma̱ cuib libra ra̱lal. Lix bisbaleb aꞌan joꞌ li bisleb li cuan saꞌ li tabernáculo. Li plato ut li secꞌ nujenak riqꞌuin li cha̱bil cꞌaj junajinbil riqꞌuin aceite re li mayej re li ru li acui̱mk.

1 Juan 2:27

Abanan incꞌaꞌ tento ta̱cua̱nk junak aj tzolol e̱re re xcꞌutbal che̱ru cꞌaꞌru li ya̱l ut cꞌaꞌru li incꞌaꞌ ya̱l xban nak qꞌuebil e̱re li Santil Musikꞌej xban li Jesucristo. Li Santil Musikꞌej cuan e̱riqꞌuin ut aꞌan li naqꞌuehoc e̱naꞌleb. Li cꞌaꞌru naxcꞌut che̱ru li Santil Musikꞌej tzꞌakal ya̱l. Moco ticꞌtiꞌ ta. Joꞌcan nak chexcua̱nk chi sum a̱tin riqꞌuin li Jesucristo joꞌ naxcꞌut che̱ru li Santil Musikꞌej.

1 Juan 2:20

Ut la̱ex ac santobresinbilex xban li Santil Musikꞌej li qꞌuebil e̱re xban li Jesucristo, ut nequenau chic lix ya̱lal.

San Juan 6:35

Li Jesús quixye reheb: —La̱in li cua aꞌan. La̱in ninqꞌuehoc junelic yuꞌam. Li ani napa̱ban cue ta̱cꞌojoba̱k xchꞌo̱l. Incꞌaꞌ chic ta̱tzꞌoca̱k ut incꞌaꞌ chic ta̱chakik re. Chanchan nak ac xrakeꞌ chi tzaca̱nc.

Malaquías 1:11

Yalak bar saꞌ ruchichꞌochꞌ ta̱qꞌuehekꞌ inlokꞌal xbaneb li cuanqueb saꞌ li xni̱nkal ru tenamit. Ut yalak bar saꞌ eb li naꞌajej teꞌxqꞌue xlokꞌal incꞌabaꞌ riqꞌuin xcꞌatbal li sununquil ban chicuu ut riqꞌuin li cha̱bil mayej li teꞌxmayeja. Nimanbilak lin cꞌabaꞌ saꞌ eb li jalan tenamit.

Joel 2:14

¿Ani ta biꞌ ta̱naꞌok re cꞌaꞌru tixba̱nu li Dios? Cui te̱yotꞌ e̱chꞌo̱l, ma̱re tixjal xcꞌaꞌux ut incꞌaꞌ chic tixqꞌue li raylal saꞌ e̱be̱n. Ma̱re texrosobtesi ut tixqꞌue cuiꞌchic e̱re le̱ trigo ut le̱ uvas. Ut texmayejak cuiꞌchic chiru li Ka̱cuaꞌ le̱ Dios.

Números 7:13

Li mayej li quixqꞌue, aꞌan jun li nimla plato yi̱banbil riqꞌuin plata numenak oxib libra ra̱lal ut jun li nimla secꞌ yi̱banbil riqꞌuin plata, caꞌchꞌin ma̱ cuib libra ra̱lal. Lix bisbaleb aꞌan joꞌ li bisleb li cuan saꞌ li tabernáculo. Li plato ut li secꞌ nujenak riqꞌuin li cha̱bil cꞌaj junajinbil riqꞌuin aceite re li mayej re li ru li acui̱mk.

Éxodo 29:2

Ut te̱yi̱b li caxlan cua li ma̱cꞌaꞌ xchꞌamal riqꞌuin li cha̱bil cꞌaj re li trigo, ut te̱yi̱b li caxlan cua jun chic li cuan aceite chi saꞌ, ut te̱yi̱b ajcuiꞌ li caxlan cua chi jay ut te̱yul li aceite chiru.

Joel 1:9

Eb laj tij, li nequeꞌcꞌanjelac chiru li Dios, yo̱queb chi ya̱bac, xban nak ma̱cꞌaꞌ chic li ru li acui̱mk, chi moco li vino re teꞌxmayeja saꞌ lix templo li Ka̱cuaꞌ.

Levítico 5:11

Abanan cui li ani ta̱ma̱cobk incꞌaꞌ tzꞌakal lix tumin re tixlokꞌ cuibak li mucuy malaj ut cuibak li paloma sa̱jeb, tento nak tixqꞌue chokꞌ xmayej re xtzꞌa̱manquil xcuybal lix ma̱c ca̱hib libra riqꞌuin media li cha̱bil cꞌaj. Incꞌaꞌ tixqꞌue li aceite saꞌ xbe̱n chi moco tixqꞌue li incienso xban nak li mayej aꞌan re xtzꞌa̱manquil xcuybal lix ma̱c.

Números 8:8

Chirix aꞌan teꞌxqꞌue junak li toro toj sa̱j chokꞌ xcꞌatbil mayejeb rochben li cha̱bil cꞌaj yokꞌbil riqꞌuin aceite. Ut teꞌxqꞌue ajcuiꞌ jun li toro toj sa̱j re teꞌxmayeja re xtzꞌa̱manquil xcuybal li ma̱c.

Números 18:9

Ut tinqꞌue ajcuiꞌ e̱re li santil mayej li incꞌaꞌ nacꞌatman. Textzꞌak ajcuiꞌ li mayej re li xbe̱n ru li acui̱mk, li mayej re xtojbal rix li ma̱c, ut re xtzꞌa̱manquil xcuybal li ma̱c nak junak naxkꞌet junak li chakꞌrab. Chixjunil li ta̱qꞌuehekꞌ cue chokꞌ mayej, a̱cuehak la̱at ut rehakeb la̱ cualal.

Números 28:5

Teꞌxmayeja rochben li carner numenak cuakxakib libra li cha̱bil cꞌaj yokꞌinbil riqꞌuin jun litro li aceite olivo.

Números 29:18

Rochbeneb li toro, li te̱lom carner ut li te̱lom carner li ju̱nk chihab cua̱nk reheb, teꞌxqꞌue ajcuiꞌ li mayej cꞌaj ut li mayej vino aꞌ yal jarubeb li xul li teꞌxmayeja joꞌ naxye saꞌ li chakꞌrab.

Isaías 43:23

La̱ex incꞌaꞌ xeqꞌue le̱ carner chokꞌ e̱cꞌatbil mayej re inlokꞌoninquil. Ut incꞌaꞌ xexmayejac chicuu re xqꞌuebal inlokꞌal. La̱in incꞌaꞌ xexinchꞌiꞌchꞌiꞌi riqꞌuin xyebal nak texmayejak chicuu, chi moco xinye e̱re nak te̱cꞌat li incienso re inlokꞌoninquil.

Levítico 6:7

Ut laj tij tixcꞌat li mayej aꞌin re xtojbal rix lix ma̱c li ani quixba̱nu junak reheb li ma̱c aꞌin, ut ta̱cuyekꞌ xma̱c.

Levítico 9:4

Teꞌxqꞌue ajcuiꞌ jun li cuacax ut jun li te̱lom carner re teꞌxmayeja re xcꞌambal ribeb saꞌ usilal riqꞌuin li Ka̱cuaꞌ. Teꞌxmayeja chiru li Ka̱cuaꞌ rochben li cꞌaj junajinbil riqꞌuin aceite. Teꞌxba̱nu chi joꞌcan xban nak chiru li cutan aꞌin tixcꞌutbesi rib li Ka̱cuaꞌ chiruheb, chan.

Levítico 14:10

Saꞌ xcuakxak li cutan li cristian li ac xqꞌuira tixcꞌam saꞌ li tabernáculo cuib li cha̱bil carner te̱lom toj sa̱j ut li tzꞌakal re ru. Tixcꞌam ajcuiꞌ jun li ixki carner jun chihab cuan re ut tzꞌakal re ru. Tixcꞌam ajcuiꞌ numenak ca̱laju libra li cha̱bil cꞌaj rochben aceite re lix mayej. Tixcꞌam ajcuiꞌ mero botella li aceite.

Levítico 24:7

Ta̱qꞌue ajcuiꞌ li cha̱bil incienso saꞌ xbe̱n li ju̱nk tzol chi caxlan cua. Ut aꞌanak jun sununquil cꞌatbil mayej chiru li Ka̱cuaꞌ.

Ezequiel 46:20

Ut quixye cue: —Aꞌan aꞌin li naꞌajej li teꞌxcꞌu̱b cuiꞌ li cꞌaꞌak re ru li teꞌxmayeja. Teꞌxchik li tib li teꞌxmayeja re xpatzꞌbal xcuybal xma̱queb ut li mayej re xtojbal rix lix ma̱queb. Aran teꞌxpom li mayej re li ru li racui̱mk. Teꞌxba̱nu aran re nak incꞌaꞌ teꞌxcꞌam li cꞌaꞌru santobresinbil saꞌ li neba̱l li cuanqueb cuiꞌ li tenamit, chan li cui̱nk.