Levítico 19:5 - Li Santil hu

⁵ Nak te̱qꞌue le̱ mayej re xcꞌambal e̱rib saꞌ usilal cuiqꞌuin, te̱ba̱nu joꞌ xinye e̱re re nak tincꞌul le̱ mayej.

Q'eqchi Bible

⁵ “Naq teeq'axtesi re li Qaawa' leemayej re k'amok ib' sa' usilal, b'aanuhomaq jo' chanru tixk'ulub'an li Yos.

Levítico 19:5 ပူးပေါင်းရင်းမြစ်များ

Levítico 22:29

Nak texmayejak re bantioxi̱nc chiru li Ka̱cuaꞌ, te̱ba̱nu joꞌ naxye li chakꞌrab re nak ta̱cꞌulekꞌ le̱ mayej.

Levítico 7:16

Abanan cui tixqꞌue lix mayej yal xban nak qui-ala saꞌ xchꞌo̱l xqꞌuebal, malaj ut xban nak cuan cꞌaꞌru quixyechiꞌi re li Ka̱cuaꞌ nak tixba̱nu, ta̱tzaca̱k li tib saꞌ li cutan nak ta̱qꞌuehekꞌ lix mayej. Ut li joꞌ qꞌuial na-elaꞌan naru xtzacanquil saꞌ li cutan jun chic.

Levítico 22:19

Tento nak li xul te̱lom ut ma̱cꞌaꞌak re̱cꞌ, usta toro, usta carner, malaj ut chiba̱t re nak li Ka̱cuaꞌ tixcꞌul.

Levítico 1:3

Cui cuacax teꞌxqꞌue chokꞌ xcꞌatbil mayej, tento nak teꞌxqꞌue li toro tzꞌakalak re ru. Ut teꞌxqꞌue joꞌ na-ala saꞌ xchꞌo̱leb. Teꞌxcꞌam lix mayej chiru li Ka̱cuaꞌ saꞌ li oqueba̱l re li tabernáculo li nequeꞌxchꞌutub cuiꞌ ribeb li tenamit chixlokꞌoninquil li Dios.

Ezequiel 46:12

Nak li rey ta̱ala̱k saꞌ xchꞌo̱l xqꞌuebal xcꞌatbil mayej malaj ut li mayej re xcꞌambal rib saꞌ usilal riqꞌuin li Dios, ta̱tehekꞌ li oqueba̱l li cuan saꞌ li este. Ut tixqꞌue lix cꞌatbil mayej ut lix mayej re xcꞌambal rib saꞌ usilal riqꞌuin li Dios joꞌ naxba̱nu saꞌ li hiloba̱l cutan. Ut li puerta ta̱tzꞌapekꞌ cuiꞌchic nak acak x-el.

Ezequiel 46:2

Li rey ta̱oc saꞌ li neba̱l li cuan saꞌ li este ut ta̱xic saꞌ li nimla naꞌajej li cuan nachꞌ riqꞌuin li oqueba̱l. Aran ta̱xakli̱k chixcꞌatk li okech re li oqueba̱l nak eb laj tij yo̱keb chixmayejanquil li cꞌatbil mayej ut li mayej re xcꞌambaleb rib saꞌ usilal riqꞌuin li Dios. Tixlokꞌoni li Ka̱cuaꞌ chixcꞌatk li oqueba̱l ut chirix aꞌan ta̱e̱lk cuiꞌchic saꞌ li naꞌajej aꞌan. Toj saꞌ li ecuu teꞌxtzꞌap li oqueba̱l.

2 Crónicas 31:2

Li rey Ezequías quixqꞌueheb cuiꞌchic chi chꞌu̱tal eb laj tij ut eb laj levita, aꞌ yal cꞌaꞌru lix cꞌanjeleb li junju̱nk. Queꞌxcꞌat li mayej ut queꞌmayejac re xcꞌambaleb rib li tenamit saꞌ usilal riqꞌuin li Ka̱cuaꞌ. Queꞌcꞌanjelac chiru li Dios ut queꞌbantioxin ut queꞌxbicha xlokꞌal li Ka̱cuaꞌ saꞌ eb li oqueba̱l re lix templo li Dios.

Levítico 22:23

Cui junak tixqꞌue jun li toro malaj ut jun li carner chokꞌ xmayej xban nak x-ala saꞌ xchꞌo̱l xqꞌuebal, naru tixqꞌue junak li xul li incꞌaꞌ xniman chi us malaj ut incꞌaꞌ tzꞌakal re ru. Abanan incꞌaꞌ naru xqꞌuebal li xul aꞌan cui cuan li cꞌaꞌru quixyechiꞌi xban nak li mayej aꞌan incꞌaꞌ ta̱cꞌulekꞌ.

Levítico 22:21

Cui junak tixqꞌue lix mayej re xcꞌambal rib saꞌ usilal riqꞌuin li Ka̱cuaꞌ, tento nak li xul tzꞌakalak re ru, usta namayejac xban nak x-ala saꞌ xchꞌo̱l xba̱nunquil, malaj ut xban nak cuan li cꞌaꞌru quixyechiꞌi. Tento nak ma̱cꞌaꞌ re̱cꞌ li xul, usta toro, usta carner, re nak ta̱cꞌulekꞌ li mayej xban li Ka̱cuaꞌ.

Éxodo 24:5

Laj Moisés quixtaklaheb li sa̱j cui̱nk aj Israel chi mayejac chiru li Dios. Queꞌxcamsi li bo̱yx ut queꞌxcꞌat chokꞌ xmayej chiru li Dios re xpatzꞌbal xcuybal xma̱queb.

Levítico 19:4

Me̱lokꞌoniheb chic li yi̱banbil dios, chi moco te̱yi̱b e̱jalanil dios chꞌi̱chꞌ re te̱lokꞌoni. La̱in li Ka̱cuaꞌ le̱ Dios xinyehoc re aꞌin.

Levítico 19:6

Tento xtzacanquil li tib saꞌ li cutan nak xcamsi̱c li xul ut saꞌ li xcab li cutan. Ut li joꞌ qꞌuial chic ta̱cana̱k re li rox cutan, tento xcꞌatbal.

Levítico 7:18

Incꞌaꞌ naru xtzacanquil li tib li ac oxib cutan xmayejanquil. Cui natzaca̱c, li mayej aꞌan incꞌaꞌ ta̱cꞌulekꞌ. Ta̱tzꞌekta̱na̱k xban li Dios. Ut li ani ta̱tzaca̱nk re cua̱nk xma̱c chiru li Dios.