Levítico 19:30 - Li Santil hu

³⁰ Che-oxlokꞌi li hiloba̱l cutan ut te̱qꞌue xlokꞌal li naꞌajej li ninlokꞌoni̱c cuiꞌ. La̱in li Ka̱cuaꞌ ninyehoc re aꞌin.

Q'eqchi Bible

³⁰ “Cheroxloq'iiq li kutan sábado ut chek'e xloq'al linLoq'laj Na'aj. Laa'in li Qaawa'.

Levítico 19:30 ပူးပေါင်းရင်းမြစ်များ

Levítico 26:2

Cheqꞌuehak ban xlokꞌal li hiloba̱l cutan ut che-oxlokꞌihak lin tabernáculo. La̱in li Ka̱cuaꞌ ninyehoc re aꞌin.

Eclesiastés 5:1

Nak texxic saꞌ lix templo li Dios cheqꞌuehak retal chi us chanru le̱ naꞌleb. Incꞌaꞌ te̱qꞌue e̱chꞌo̱l xqꞌuebal li cꞌatbil mayej joꞌ nequeꞌxba̱nu li ma̱cꞌaꞌeb xnaꞌleb. Eb aꞌan incꞌaꞌ nequeꞌxqꞌue retal nak incꞌaꞌ us yo̱queb xban nak incꞌaꞌ nequeꞌxtau ru lix ya̱lal li yo̱queb chixba̱nunquil. Cheqꞌuehak ban e̱chꞌo̱l chixtzolbal lix ya̱lal.

Levítico 19:3

Chexucua̱k ru le̱ naꞌ e̱yucuaꞌ. Ut te̱oxlokꞌi li hiloba̱l cutan. La̱in li Ka̱cuaꞌ le̱ Dios xinyehoc re aꞌin.

2 Corintios 6:16

¿Ma xcꞌulubeb ta biꞌ li yi̱banbil dios nak teꞌcua̱nk saꞌ rochoch li yoꞌyo̱quil Dios? Ma̱min ta̱ru̱k. La̱in ninye e̱re nak la̱o aj pa̱banelo, la̱o li rochoch li yoꞌyo̱quil Dios. Li Dios, aꞌan li quixye chi joꞌcaꞌin: La̱in tincua̱nk riqꞌuineb ut tincuochbeniheb. La̱inak lix Dioseb aꞌan, ut aꞌanakeb li cualal incꞌajol, chan. (Lev. 26:12)

San Mateo 21:13

Quixye reheb: —Joꞌcaꞌin tzꞌi̱banbil saꞌ li Santil Hu chirix li rochoch li Dios: Li cuochoch aꞌin re teꞌtijok cuiꞌ li tenamit nak cuan. Abanan la̱ex xeqꞌue li rochoch li Dios chokꞌ xnaꞌajeb laj e̱lkꞌ, chan li Jesús reheb.

Salmos 89:7

Chixjunileb li santil ángel nequeꞌxqꞌue a̱lokꞌal xban nak kꞌaxal nim la̱ cuanquil. La̱at xucuanbil a̱cuu xbaneb chixjunileb li cuanqueb saꞌ choxa.

Levítico 16:2

Li Dios quixye re laj Moisés: —Ye re laj Aarón la̱ cuas nak incꞌaꞌ naru ta̱oc yalak jokꞌe cuan cuiꞌ li Lokꞌlaj Ca̱x. Cui na-oc yalak jokꞌe, naru nacam xban nak aran ninhilan la̱in saꞌ li chanchan chok saꞌ xbe̱n lix tzꞌapbal re li Lokꞌlaj Ca̱x li nacuyeꞌ cuiꞌ li ma̱c.

Éxodo 20:8

Julticak e̱re li hiloba̱l cutan re nak oxlokꞌinbilak che̱ru.

1 Pedro 4:17

Cuulac re xkꞌehil li rakoc a̱tin. Ta̱ticla̱k kiqꞌuin la̱o, li ralal xcꞌajol li Dios. Tento nak ta̱rakekꞌ a̱tin saꞌ kabe̱n la̱o aj pa̱banel. Ut ta̱rakekꞌ ajcuiꞌ a̱tin saꞌ xbe̱neb li incꞌaꞌ nequeꞌxpa̱b li Dios. Abanan kꞌaxal numtajenak cuiꞌchic li raylal teꞌxcꞌul eb aꞌan.

2 Crónicas 36:14

Eb li xbe̱nil aj tij queꞌxba̱nu li ma̱usilal. Ut eb li tenamit numtajenak li ma̱usilal queꞌxba̱nu. Kꞌaxal yibru queꞌxba̱nu joꞌ queꞌxba̱nu li jalanil tenamit. Ut riqꞌuin aꞌan queꞌxmux ru lix templo li Ka̱cuaꞌ, li ac santobresinbil xban aran Jerusalén.

2 Crónicas 33:7

Laj Manasés quixxakab saꞌ lix templo li Ka̱cuaꞌ li jalam u̱ch li quixyi̱b, usta naxnau nak li Dios quixye re li rey David ut laj Salomón li ralal chi joꞌcaꞌin: —Saꞌ xya̱nkeb lix naꞌajeb li ralal xcꞌajol laj Israel, la̱in xinsicꞌ ru li tenamit Jerusalén re nak aran ta̱cua̱nk li templo li tinlokꞌoni̱k cuiꞌ chi junelic.

Levítico 15:31

La̱ex te̱ye reheb laj Israel nak teꞌxba̱nu li chakꞌrab aꞌin re nak incꞌaꞌ muxbilak ruheb nak teꞌcha̱lk saꞌ lin tabernáculo li cuan saꞌ xya̱nkeb. Cui teꞌxmux ru lin tabernáculo teꞌca̱mk.

Levítico 10:3

Tojoꞌnak laj Moisés quixye re laj Aarón: —Aꞌan aꞌin li quiraj xyebal li Ka̱cuaꞌ nak quixye: “Ta̱cꞌutu̱nk lin santilal chiruheb li ani nequeꞌxba̱nu li cꞌaꞌru ninye. Ut chiruheb chixjunileb li tenamit ta̱qꞌuehekꞌ inlokꞌal.”— Ut laj Aarón incꞌaꞌ quichakꞌoc nak quirabi li cꞌaꞌru quixye.

Ezequiel 9:6

Jun xiquic nak te̱camsiheb li ti̱xil cui̱nk joꞌ eb li chꞌajom, li xkaꞌal, li naꞌbej joꞌ eb ajcuiꞌ li cocꞌal. Abanan incꞌaꞌ te̱chꞌeꞌeb li cuan retalileb saꞌ xpe̱quemeb, chan. Ut eb aꞌan queꞌxtiquib xcamsinquileb li nequeꞌcꞌamoc be, li cuanqueb chiru li templo.