Levítico 19:26 - Li Santil hu

²⁶ Me̱tiu li tib li toj cuan xquiqꞌuel. Incꞌaꞌ textu̱lak chi moco texkꞌehi̱nk.

Q'eqchi Bible

²⁶ “Meetzeka li k'a'aq re ru wank xkik'el. “Meeb'aanu li q'ehib'k chi moko cheyal xch'olob'ankil rix li k'aru chaalel cheru.

Levítico 19:26 ပူးပေါင်းရင်းမြစ်များ

2 Reyes 17:17

Queꞌxcꞌat li ralal xcꞌajoleb chokꞌ xmayejeb chiru li yi̱banbil dios. Queꞌco̱eb chi patzꞌoc riqꞌuineb laj kꞌe ut riqꞌuineb laj tu̱l. Ut junes li ma̱usilal queꞌxqꞌue xchꞌo̱l chixba̱nunquil. Joꞌcan nak queꞌxchikꞌ xjoskꞌil li Dios.

2 Crónicas 33:6

Quixcꞌateb li ralal chokꞌ xmayej saꞌ li ru takꞌa re Ben-hinom. Naxic riqꞌuineb laj kꞌe chixpatzꞌbal cꞌaꞌru ta̱cha̱lk chiru mokon. Quixqꞌueheb xcuanquil laj kꞌe ut eb laj tu̱l ut eb li nequeꞌxnau xba̱nunquil li magia ut quixpatzꞌ xnaꞌleb riqꞌuineb li musikꞌej. Numtajenak li ma̱usilal li quixba̱nu toj retal nak quinumta xjoskꞌil li Ka̱cuaꞌ saꞌ xbe̱n.

2 Reyes 21:6

Quixcꞌat li ralal chokꞌ xmayej chiruheb li yi̱banbil dios. Ut naxic riqꞌuineb laj kꞌe ut riqꞌuineb laj tu̱l chixpatzꞌbal cꞌaꞌru tixba̱nu. Cꞌajoꞌ nak quichal xjoskꞌil li Dios xban li ma̱usilal quixba̱nu.

Deuteronomio 12:23

Abanan, incꞌaꞌ naru te̱tzaca lix quiqꞌueleb li xul xban nak li quicꞌ, aꞌan li naqꞌuehoc xyuꞌam li xul. Ut incꞌaꞌ naru te̱tzaca li naqꞌuehoc yuꞌam rochben li tib.

Levítico 7:26

Yalak bar cuanqueb laj Israel, incꞌaꞌ naru teꞌxtzaca xquiqꞌuel li xul li nequeꞌbe̱c saꞌ chꞌochꞌ chi moco li xul li nequeꞌrupupic.

Levítico 3:17

Incꞌaꞌ te̱tzaca lix xe̱bul li xul chi moco lix quiqꞌuel. Aꞌin jun li chakꞌrab cua̱nk xcuanquil junelic. Yalak bar cua̱nkex la̱ex li naꞌbej yucuaꞌbej te̱ba̱nu li chakꞌrab aꞌin, joꞌ eb ajcuiꞌ le̱ ralal e̱cꞌajol li teꞌcua̱nk mokon.

Jeremías 10:2

Aꞌin li naxye li Ka̱cuaꞌ: —Me̱ba̱nu joꞌ nequeꞌxba̱nu li incꞌaꞌ nequeꞌxpa̱b li Dios. Mi-oc e̱xiu xban li cꞌaꞌru nequeril chiru li choxa, usta eb li jalan xtenamiteb nequeꞌxucuac xban li cꞌaꞌru nequeꞌril saꞌ choxa.

Malaquías 3:5

Li Ka̱cuaꞌ li nimajcual Dios quixye: —La̱in tincha̱lk chi rakoc a̱tin saꞌ e̱be̱n. La̱in tinyehok re nak cuan xma̱queb li nequeꞌtu̱lac, joꞌqueb ajcuiꞌ li nequeꞌmuxuc caxa̱r, joꞌqueb ajcuiꞌ li nequeꞌxpatzꞌ lin cꞌabaꞌ yal riqꞌuin ticꞌtiꞌ. Ut la̱in ajcuiꞌ tinyehok re nak cuan ajcuiꞌ xma̱queb li incꞌaꞌ nequeꞌxtoj chi tzꞌakal laj cꞌanjel, joꞌqueb ajcuiꞌ li nequeꞌrahobtesin reheb li xma̱lcaꞌan ut eb li nequeꞌrahobtesin reheb li ma̱cꞌaꞌ xnaꞌ xyucuaꞌ, joꞌqueb ajcuiꞌ li nequeꞌxba̱nu raylal reheb li jalaneb xtenamit, chi moco nequeꞌxxucua cuu la̱in, chan li Ka̱cuaꞌ li kꞌaxal nim xcuanquil.

Daniel 2:10

Eb laj Caldea queꞌchakꞌoc ut queꞌxye re: —Ma̱ ani junak saꞌ ruchichꞌochꞌ naru tixye a̱cue cꞌaꞌru naxye la̱ matcꞌ cui incꞌaꞌ ta̱ye re xbe̱n cua cꞌaꞌru xamatqꞌue. Ut ma̱ jun rey, chi moco li kꞌaxal ni̱nkeb xcuanquil, nequeꞌpatzꞌoc chi joꞌcan riqꞌuineb laj kꞌe chi moco riqꞌuineb li nequeꞌtzoloc chirix li chahim, chi moco kiqꞌuin la̱o aj Caldea.

1 Samuel 15:23

Li xkꞌetbal xchakꞌrab li Dios, aꞌan nimla ma̱c joꞌ li kꞌehi̱nc. Ut li xtzꞌekta̱nanquil li ra̱tin li Dios, aꞌan nimla ma̱c ajcuiꞌ joꞌ li xlokꞌoninquil li yi̱banbil dios. Joꞌ nak la̱at xatzꞌekta̱na li ra̱tin li Ka̱cuaꞌ, joꞌcan ajcuiꞌ nak li Ka̱cuaꞌ xatxtzꞌekta̱na la̱at ut xatrisi saꞌ la̱ cuanquil. Incꞌaꞌ chic tatcꞌanjelak chokꞌ rey, chan laj Samuel.

Éxodo 8:7

Ut eb laj kꞌe queꞌxba̱nu ajcuiꞌ joꞌ quixba̱nu laj Moisés. Ut nabaleb li amoch queꞌel chak xbaneb.

Éxodo 7:11

Ut laj faraón quixbokeb li cui̱nk li cuanqueb xnaꞌleb joꞌ eb ajcuiꞌ laj kꞌe li cuanqueb saꞌ li tenamit Egipto. Joꞌ quixba̱nu laj Aarón, joꞌcan ajcuiꞌ queꞌxba̱nu eb aꞌan.

Hechos 15:20

Li tento takaba̱nu, aꞌan tzꞌi̱bac riqꞌuineb ut xyebal reheb nak incꞌaꞌ teꞌxmux rib riqꞌuin xtzacanquil li tzacae̱mk mayejanbil chiruheb li yi̱banbil dios. Incꞌaꞌ teꞌcoꞌbe̱tak teꞌyumbe̱tak. Ut incꞌaꞌ teꞌxtiu xtibel li yatzꞌbil xul chi moco teꞌxtzaca li quicꞌ.

Génesis 9:4

Abanan la̱ex incꞌaꞌ naru te̱tiu li tib cui incꞌaꞌ nequerisi chi us lix quiqꞌuel xban nak aꞌ lix quiqꞌuel, aꞌan naqꞌuehoc re lix yuꞌam, chan.

Génesis 44:5

Ut ta̱ye ajcuiꞌ reheb, “Li secꞌ aꞌan, aꞌan li na-ucꞌac cuiꞌ lin patrón ut aꞌan nacꞌanjelac ajcuiꞌ re kꞌehi̱nc. Cꞌajoꞌ xyibal ru li xeba̱nu chak re lin patrón,” chaꞌkat reheb, chan laj José re lix mo̱s.

Levítico 19:25

Abanan saꞌ roꞌ li chihab naru te̱tzaca li ru li cheꞌ. Cui te̱ba̱nu chi joꞌcan, kꞌaxal li ru li cheꞌ ta̱ru̱chin. La̱in li Ka̱cuaꞌ le̱ Dios xinyehoc re aꞌin.

Deuteronomio 12:16

Caꞌaj cuiꞌ lix quiqꞌuel li xul incꞌaꞌ naru te̱tzaca. Tento nak te̱hoy saꞌ chꞌochꞌ joꞌ nak nequehoy li haꞌ.

Deuteronomio 15:23

Abanan, incꞌaꞌ naru te̱tzaca xquiqꞌuel. Te̱hoy ban lix quiqꞌuel saꞌ chꞌochꞌ joꞌ nak nequehoy li haꞌ.

1 Samuel 14:32

Queꞌco̱eb saꞌ junpa̱t bar cuan cuiꞌ li cꞌaꞌak re ru li xeꞌre̱chani saꞌ li ple̱t. Ut aran queꞌxcamsiheb li cuacax ut li cocꞌ ral. Ut queꞌxcamsiheb ajcuiꞌ li carner ut queꞌxtiu li tib rech xiquic lix quiqꞌuel.

1 Samuel 14:33

Quiyeheꞌ resil re laj Saúl nak eb laj Israel yo̱queb chi ma̱cobc chiru li Dios xban nak yo̱queb chixtzacanquil li tib li toj cuan xquiqꞌuel. Laj Saúl quixye reheb: —La̱ex xekꞌet li ra̱tin li Dios. Ayukex ut cꞌamomak chak junak li nimla pec arin, chan reheb.