Levítico 19:21 - Li Santil hu

²¹ Tento nak li cui̱nk aꞌan tixcꞌam jun li carner te̱lom chiru li oqueba̱l re li tabernáculo re xtzꞌa̱manquil xcuybal lix ma̱c chiru li Ka̱cuaꞌ.

Q'eqchi Bible

²¹ Li winq tixq'axtesi chiru li Qaawa' junaq karneer cho'q xmayej re xtojb'al rix li maak, ut tixk'am toj sa' rokeb'aal li Loq'laj Muheb'aal.

Levítico 19:21 ပူးပေါင်းရင်းမြစ်များ

Levítico 5:15

—Nak junak cristian ta̱ma̱cobk chi incꞌaꞌ naxnau nak ma̱c yo̱ chixba̱nunquil xban nak incꞌaꞌ quixqꞌue lix mayej chi tzꞌakal joꞌ naxye lix chakꞌrab li Dios, tento nak tixqꞌue junak lix carner te̱lom tzꞌakal re ru re nak ta̱cuyekꞌ xma̱c. La̱at ta̱bir rix joꞌ nimal xtzꞌak li carner li tixqꞌue chokꞌ xmayej chiru li Dios chokꞌ xtojbal rix lix mayej li incꞌaꞌ xqꞌue. Ta̱bir rix li joꞌ qꞌuial tento xqꞌuebal joꞌ xbisbal li mayej li nequeꞌxqꞌue saꞌ li tabernáculo.

Levítico 5:7

Cui incꞌaꞌ tzꞌakal lix tumin re xlokꞌbal junak li sa̱j carner re xtzꞌa̱manquil xcuybal lix ma̱c chiru li Dios, tento nak tixqꞌue cuibak li mucuy malaj ut cuibak li paloma toj sa̱jeb. Jun tixqꞌue re xtojbal rix lix ma̱c ut jun tixqꞌue re ta̱cꞌatekꞌ.

Levítico 6:1

Li Ka̱cuaꞌ Dios quixye re laj Moisés: —Nak junak cristian ta̱ma̱cobk riqꞌuin xbalakꞌinquil li ras ri̱tzꞌin malaj ut riqꞌuin elkꞌac, aꞌan cuan xma̱c chiru li Ka̱cuaꞌ. Cui tixcꞌul li cꞌaꞌak re ru re tixcꞌu̱la ut incꞌaꞌ chic ta̱raj xkꞌaxtesinquil nak ta̱patzꞌekꞌ re, malaj ut tixrahobtesi li ras ri̱tzꞌin, aꞌan cuan xma̱c.

Levítico 19:22

Ut riqꞌuin li carner li tixqꞌue chokꞌ xmayej, laj tij tixtzꞌa̱ma xcuybal li ma̱c li quixba̱nu. Ut li Dios tixcuy lix ma̱c.