Levítico 19:18 - Li Santil hu

¹⁸ Me̱qꞌue re̱kaj li ra xi̱cꞌ riqꞌuin raylal. Ut me̱qꞌue saꞌ e̱chꞌo̱l li raylal ta̱uxk e̱re. Te̱ra ban le̱ ras e̱ri̱tzꞌin joꞌ nak nequera e̱rib. La̱in li Ka̱cuaꞌ xinyehoc re aꞌin.

Q'eqchi Bible

¹⁸ “Mat-eeqajunk raaxiik' chi moko chak'e sa' aach'ool li rahilal xb'aanuhomeb' laawech tenamitul. Chara laawas aawiitz'in, jo' naq nakara aawib' laa'at. Laa'in li Qaawa'.

Levítico 19:18 ပူးပေါင်းရင်းမြစ်များ

Romanos 13:9

Joꞌcaꞌin naxye saꞌ li chakꞌrab: Matmuxuc caxa̱r; ma̱camsi a̱cuas a̱cui̱tzꞌin; mat-elkꞌac, matyoꞌoban a̱tin chirix la̱ cuas a̱cui̱tzꞌin; ma̱rahi ru li jalan aj e. Ut cui ta̱ra la̱ cuas a̱cui̱tzꞌin joꞌ nak nacara a̱cuib la̱at, riqꞌuin aꞌan yo̱cat chixba̱nunquil chixjunil li naxye li chakꞌrab.

Gálatas 5:14

Chixjunil li chakꞌrab natauman ru riqꞌuin xba̱nunquil li jun aꞌin: Chara la̱ cuas a̱cui̱tzꞌin joꞌ nak nacara a̱cuib la̱at. (Lev. 19:18)

Santiago 2:8

Tzꞌi̱banbil saꞌ li Santil Hu li chakꞌrab li kꞌaxal nim xcuanquil. Aꞌan naxye: Chara la̱ cuas a̱cui̱tzꞌin joꞌ nak nacara a̱cuib la̱at. Cui joꞌcan nequeba̱nu tzꞌakal re ru yo̱quex chixba̱nunquil.

San Mateo 19:19

Cha-oxlokꞌi la̱ naꞌ a̱yucuaꞌ ut chara la̱ cuas a̱cui̱tzꞌin joꞌ nak nacara a̱cuib la̱at, chan.

Romanos 12:19

Ex herma̱n, ma̱cuaꞌ la̱ex texqꞌuehok re̱kaj li raylal na-ux e̱re. Checanabak ban chixjunil saꞌ rukꞌ li Dios. Caꞌaj cuiꞌ aꞌan laj rakol a̱tin xban nak joꞌcaꞌin tzꞌi̱banbil saꞌ li Santil Hu: Caꞌaj cuiꞌ la̱in naru tinqꞌuehok re̱kaj. Ut la̱in tinrahobtesiheb riqꞌuin li cꞌaꞌru quilajeꞌxba̱nu, chan li Dios. (Deut. 32:35)

Romanos 12:17

Cui na-ux raylal e̱re, me̱qꞌue re̱kaj riqꞌuin raylal. Cheqꞌuehak ban e̱chꞌo̱l chixba̱nunquil li cꞌaꞌru us, li nanauman nak aꞌan li tzꞌakal cha̱bil.

Colosenses 3:8

Aban anakcuan me̱ba̱nu chic chixjunil li cꞌaꞌ re ru aꞌin: mexjoskꞌoꞌ, me̱poꞌ e̱rib chi ribil e̱rib, me̱ba̱nu li ma̱usilal, mexkꞌaban, ut mex-a̱tinac saꞌ yibru a̱tin.

Efesios 4:31

Isihomak saꞌ le̱ chꞌo̱l chi junaj cua li cꞌahi̱nc, li joskꞌil, ut li poꞌoc ib. Joꞌcan ajcuiꞌ li choki̱nc ib ut li majecua̱nc. Checanabak chi junaj cua chixjunil li ma̱usilal.

Proverbios 20:22

Ma̱ jun sut te̱cꞌoxla xqꞌuebal re̱kaj li raylal na-ux e̱re. Canabomak ban saꞌ rukꞌ li Ka̱cuaꞌ ut aꞌan ta̱tenkꞌa̱nk e̱re.

1 Pedro 2:1

Xban nak acꞌ chic le̱ yuꞌam, cherisihak saꞌ le̱ chꞌo̱l chixjunil li ma̱usilal. Mexbalakꞌic chic. Te̱canab li caꞌ pacꞌal u. Mexcakalin chic ut te̱canab ajcuiꞌ li yoꞌoba̱nc a̱tin.

Hebreos 10:30

La̱o nakanau nak li Dios quixye chi joꞌcaꞌin: Caꞌaj cuiꞌ la̱in naru tinqꞌuehok xtojbal rix lix ma̱queb ut la̱in tinrahobtesiheb riqꞌuin li cꞌaꞌru quilajeꞌxba̱nu. Ut quixye cuiꞌchic li Ka̱cuaꞌ: La̱in tinrakok a̱tin saꞌ xbe̱n lin tenamit. (Deut. 32:35-36)

San Mateo 19:16

Ut quicuulac jun li cui̱nk riqꞌuin li Jesús ut quixye re: —At cha̱bil tzolonel, ¿Cꞌaꞌ raj ru us tinba̱nu re nak tincue̱chani li junelic yuꞌam? chan.

Romanos 13:4

Eb aꞌan cuanqueb saꞌ xcꞌanjel xban li Dios re e̱tenkꞌanquil. Cui nequeba̱nu li incꞌaꞌ us, chexxucuak xban nak cuanqueb xcuanquil re teꞌrakok a̱tin saꞌ e̱be̱n xban nak aꞌan xakabanbileb xban li Dios ut nequeꞌxrahobtesi li nequeꞌkꞌetoc re li chakꞌrab.

2 Samuel 13:28

Laj Absalón quixye reheb lix mo̱s: —Qꞌuehomak retal nak ta̱cala̱k chi us laj Amnón. Nak tinye e̱re, te̱camsi. Mexcꞌoxlac chixcamsinquil xban nak la̱in yo̱quin chi takla̱nc e̱re. Cacuubresihomak e̱chꞌo̱l chixba̱nunquil li ninye e̱re, chan.

2 Samuel 13:22

Laj Absalón xicꞌ chic quiril laj Amnón xban nak quixchap chi pue̱rs lix Tamar, li ranab. Abanan chi ti̱c ma̱cꞌaꞌ quixye re.

Deuteronomio 32:25

Telajeꞌcamsi̱k riqꞌuin chꞌi̱chꞌ li cuanqueb saꞌ be. Ut cꞌajoꞌ nak teꞌxucuak saꞌ li rochocheb. Telajeꞌca̱mk li sa̱jeb, joꞌ chꞌajom, joꞌ xkaꞌal. Telajeꞌca̱mk li cꞌulaꞌal ut li ac ti̱xeb.

Gálatas 5:20

lokꞌoni̱nc yi̱banbil dios, tu̱lac, xi̱qꞌuil u̱chi̱nc, pletic, cakali̱nc, joskꞌi̱nc, yoꞌoba̱nc ra xi̱cꞌ, cuechꞌij ib, poꞌoc ru pa̱ba̱l,

Salmos 103:9

Moco rajlal ta yo̱ chi kꞌusuc chi moco najoskꞌoꞌ ta chi junaj cua.

San Juan 13:34

Jun li acꞌ chakꞌrab tinqꞌue e̱re anakcuan nak cherahak e̱rib che̱ribil e̱rib. Joꞌ nak nequexinra la̱in, joꞌcan ajcuiꞌ nak te̱ra e̱rib la̱ex che̱ribil e̱rib.

1 Juan 4:21

Aꞌin li chakꞌrab quixqꞌue ke li Jesucristo: Li ani naxra li Dios, tento ajcuiꞌ nak tixra lix herma̱n.

Génesis 4:23

Saꞌ jun li cutan laj Lamec quixye reheb li rixakil: —Cherabihak li oc cue chixyebal e̱re, la̱at Ada ut la̱at Zila. La̱ex, cuixakilex, abihomak li cꞌaꞌru tinye. Xincamsi jun li cui̱nk xban nak xinixyocꞌ. Xma̱c nak xinixsacꞌ, xincamsi aꞌan.

Éxodo 20:16

Mexyoꞌoban a̱tin chirix le̱ ras e̱ri̱tzꞌin.

Levítico 19:34

Te̱ba̱nu reheb joꞌ nequeba̱nu reheb le̱ rech tenamitil. Cheraheb joꞌ nak nequera e̱rib la̱ex. Chijulticokꞌ e̱re nak la̱ex jalan le̱ tenamit nak quexcuan chak Egipto. La̱in li Ka̱cuaꞌ le̱ Dios xinyehoc re aꞌin.

Deuteronomio 32:35

Cuulac re xkꞌehil nak li Ka̱cuaꞌ tixqꞌue re̱kaj reheb li incꞌaꞌ us queꞌxba̱nu ut telajeꞌtꞌanekꞌ. Cuulac re xkꞌehil nak teꞌsachekꞌ ruheb ut teꞌosokꞌ.

Hechos 16:28

Ut laj Pablo quixjap re chi cau ut quixye: —Ma̱camsi a̱cuib. Chikajunilo cuanco arin, chan.