Levítico 19:16 - Li Santil hu

¹⁶ Mexyoꞌoban a̱tin chirixeb le̱ ras e̱ri̱tzꞌin. Ut me̱qꞌueheb chi camsi̱c le̱ ras e̱ri̱tzꞌin. La̱in li Ka̱cuaꞌ Dios xinyehoc re aꞌin.

Q'eqchi Bible

¹⁶ “Matyoob'ank aatin chirix xjolomeb' laawech'alal. “Mat-okenk chi xkamsinkil laawas aawiitz'in. Laa'in li Qaawa'.

Levítico 19:16 ပူးပေါင်းရင်းမြစ်များ

Éxodo 23:1

Me̱ye ticꞌtiꞌ chirix le̱ ras e̱ri̱tzꞌin chi moco chex-oque̱nk chixtenkꞌanquil li incꞌaꞌ useb xnaꞌleb riqꞌuin xyebal ticꞌtiꞌ.

Éxodo 23:7

Cherisihak ban e̱rib saꞌ xya̱nkeb li nequeꞌticꞌtiꞌic ut incꞌaꞌ te̱qꞌue chi camsi̱c li ti̱c xchꞌo̱l li ma̱cꞌaꞌ xma̱c xban nak la̱in tinye nak li incꞌaꞌ useb xnaꞌleb, aꞌan cuanqueb xma̱c.

Proverbios 20:19

Li ani nacuulac chiru moloc a̱tin naxye resil li cꞌaꞌru cuan chi mukmu. Joꞌcan nak me̱junaji e̱rib riqꞌuineb li nequeꞌcuulac chiru jaloc a̱tin.

Ezequiel 22:9

Saꞌ e̱ya̱nk cuanqueb li nequeꞌyoꞌoban ticꞌtiꞌ chirixeb li ras ri̱tzꞌin re nak teꞌcamsi̱k. Cuanqueb li nequeꞌxcuaꞌ li tzacae̱mk li quimayeja̱c chiruheb li jalanil dios saꞌ eb li tzu̱l. Ut nequeꞌxba̱nu li ma̱usilal.

Jeremías 9:4

Incꞌaꞌ naru te̱cꞌojob e̱chꞌo̱l riqꞌuineb le̱ ras e̱ri̱tzꞌin, usta nequeꞌxye nak eb aꞌan tzꞌakal e̱rami̱g. Chi moco ta̱ru̱k te̱cꞌojob e̱chꞌo̱l riqꞌuin le̱ ras ut le̱ ri̱tzꞌin xban nak li asbej ut li i̱tzꞌinbej nequeꞌbalakꞌin. Eb li amigo nequeꞌyoꞌoban ticꞌtiꞌ.

Jeremías 6:28

Kꞌaxal cauheb xchꞌo̱l. Chanchan xcacuil li chꞌi̱chꞌ bronce ut hierro. Kꞌetkꞌeteb ut junes ticꞌtiꞌic nequeꞌxba̱nu. Chixjunileb incꞌaꞌ useb xnaꞌleb.

Proverbios 11:13

Li ani nacuulac chiru moloc a̱tin naxserakꞌi chixjunil li cꞌaꞌru mukmu. Abanan li ani cuan xnaꞌleb incꞌaꞌ naa̱tinac chirix li cꞌaꞌru narabi.

1 Pedro 2:1

Xban nak acꞌ chic le̱ yuꞌam, cherisihak saꞌ le̱ chꞌo̱l chixjunil li ma̱usilal. Mexbalakꞌic chic. Te̱canab li caꞌ pacꞌal u. Mexcakalin chic ut te̱canab ajcuiꞌ li yoꞌoba̱nc a̱tin.

Salmos 15:3

Eb aꞌan incꞌaꞌ nequeꞌxba̱nu ma̱usilal reheb li ras ri̱tzꞌin chi moco nequeꞌxyoꞌob a̱tin chirixeb ut incꞌaꞌ nequeꞌxsume xhobbaleb.

Éxodo 20:16

Mexyoꞌoban a̱tin chirix le̱ ras e̱ri̱tzꞌin.

Tito 2:3

Ut chaqꞌueheb ajcuiꞌ xnaꞌlebeb li che̱quel ixk. Chicꞌutu̱nk lix lokꞌaleb riqꞌuin lix ti̱quilal xchꞌo̱leb. Incꞌaꞌ teꞌxyoꞌob a̱tin chirixeb li ras ri̱tzꞌin ut incꞌaꞌ teꞌcala̱k. Aꞌanakeb ban chic aj cꞌamol be saꞌ li ti̱quilal.

2 Timoteo 3:3

Ma̱cꞌaꞌak rahoc riqꞌuineb. Ma̱cꞌaꞌak usilal riqꞌuineb. Telajeꞌxyoꞌob a̱tin chi ribileb rib. Aj kꞌabanelakeb. Incꞌaꞌ teꞌxcuy rib. Joskꞌakeb ut xicꞌ teꞌril li cha̱bilal.

1 Timoteo 3:11

Joꞌcan ajcuiꞌ li rixakileb li nequeꞌcꞌanjelac saꞌ xya̱nkeb laj pa̱banel. Cha̱bilakeb lix naꞌleb. Ma̱cuaꞌakeb aj molol a̱tin. Ma̱cuaꞌakeb aj calajenak. Ti̱cakeb ban xchꞌo̱l ut ti̱cakeb lix cꞌaꞌux riqꞌuin chixjunil.

San Mateo 27:4

Quixye reheb: —Xinma̱cob nak xinkꞌaxtesi e̱re li cui̱nk aꞌin xban nak ma̱cꞌaꞌ xma̱c, chan. Aꞌut eb aꞌan queꞌxye re: —¿Cꞌaꞌ takaj re la̱o? Il cꞌaꞌru ta̱ba̱nu.—

Deuteronomio 27:25

Tzꞌekta̱nanbil li ani ta̱tumina̱k ru re nak tixcamsi li ras ri̱tzꞌin li ma̱cꞌaꞌ xma̱c. Ut chixjunileb li tenamit teꞌxye: Joꞌcan taxak.

Li xHu LAJ JOB 17:5

Li ani naxkꞌaxtesi li rami̱g saꞌ rukꞌeb li xicꞌ nequeꞌiloc re, ra teꞌxcꞌul li ralal xcꞌajol.

1 Samuel 24:10

Qꞌue retal. Li Ka̱cuaꞌ xatxkꞌaxtesi saꞌ cuukꞌ anakcuan arin saꞌ li ochoch pec. Cuanqueb li xeꞌxye cue nak tatincamsi. Abanan xincuy a̱ma̱c ut xinye reheb nak ma̱cꞌaꞌ tinba̱nu a̱cue, at rey, xban nak la̱at li sicꞌbil a̱cuu xban li Dios.

Salmos 50:20

Nequeyoꞌob a̱tin chirix le̱ ras e̱ri̱tzꞌin ut nequeyoꞌob ajcuiꞌ a̱tin chirix li tzꞌakal e̱ras.

Salmos 101:5

La̱in tinye reheb nak teꞌxcanab a̱tinac li nequeꞌxyoꞌob a̱tin chirixeb li ras ri̱tzꞌin. Ut incꞌaꞌ tincuy xma̱queb li nequeꞌxkꞌetkꞌeti ribeb ut nequeꞌxnimobresi ribeb.

Proverbios 10:18

Li ani xicꞌ na-iloc chi mukmu, aꞌan aj ticꞌtiꞌ. Ut li ani nacuulac chiru moloc ticꞌtiꞌ, aꞌan ma̱cꞌaꞌ xnaꞌleb.