Levítico 19:14 - Li Santil hu

¹⁴ Me̱hob li tzꞌaptzꞌo̱queb xic, chi moco te̱qꞌue chixtichbaleb li rok li mutzꞌeb ru. Te̱xucua cuu xban nak la̱in li Ka̱cuaꞌ le̱ Dios.

Q'eqchi Bible

¹⁴ “Maahob' li mem. “Maak'e xtichk'ob'aal li mutz'. Chawoxloq'i laaYos. Laa'in li Qaawa'.

Levítico 19:14 ပူးပေါင်းရင်းမြစ်များ

Deuteronomio 27:18

Tzꞌekta̱nanbil li ani tixjal xbe junak li mutzꞌ. Ut chixjunileb li tenamit teꞌxye: Joꞌcan taxak.

Levítico 19:32

Che-oxlokꞌi li che̱quel cristian ut cheqꞌue xlokꞌal li ti̱xeb. Chexucua cuu la̱in li Ka̱cuaꞌ le̱ Dios.

1 Pedro 2:17

La̱ex aj pa̱banel, chera e̱rib che̱ribil e̱rib. Chexucua̱k ru li Ka̱cuaꞌ Dios. Che-oxlokꞌi le̱ ras e̱ri̱tzꞌin. Ut cheqꞌuehak xlokꞌal li acuabej.

Romanos 14:13

Chikacanabak xcuechꞌinquil kib chi kibil kib ut chikaba̱nu li us re nak li kech aj pa̱banelil incꞌaꞌ teꞌchꞌina̱nk xchꞌo̱leb saꞌ lix pa̱ba̱leb chi moco teꞌoc cuiꞌchic chi ma̱cobc kaban.

Levítico 25:17

Me̱balakꞌi e̱rib chi ribil e̱rib. Chexucua ban cuu la̱in li Ka̱cuaꞌ le̱ Dios.

Apocalipsis 2:14

Abanan cuan cꞌaꞌak re ru yo̱quex chixba̱nunquil incꞌaꞌ us xban nak cuanqueb saꞌ e̱ya̱nk li toj yo̱queb chixqꞌuebal xcuanquil lix tijleb laj Balaam li quicꞌutuc chiru laj Balac chanru nak tixqꞌueheb chi ma̱cobc laj Israel. Quixye reheb nak ta̱ru̱k teꞌxtzaca li tzacae̱mk li mayejanbil chiru li jalanil dios. Ut quixtacchiꞌiheb re nak teꞌyumbe̱tak ut teꞌcoꞌbe̱tak.

Nehemías 5:15

Eb li queꞌcuan chi takla̱nc saꞌ xbe̱neb li tenamit nak toj ma̱jiꞌ nin-oc la̱in, kꞌaxal cuiꞌchic nabal li tumin queꞌxpatzꞌ reheb li tenamit. Rajlal cutan numenak caꞌcꞌa̱l chi tumin plata queꞌxpatzꞌ re xcuaheb ut xvino. Ut eb li nequeꞌcꞌanjelac chiruheb queꞌxrahobtesi li tenamit. Abanan la̱in incꞌaꞌ quinba̱nu chi joꞌcan xban nak ninxucua ru li Dios.

1 Pedro 1:17

La̱ex nequeye “at inYucuaꞌ” re li Dios nak nequextijoc. Ut li Dios natzꞌiloc a̱tin chirix li junju̱nk aꞌ yal chanru lix yehom xba̱nuhom. Aꞌan incꞌaꞌ naxsiqꞌueb ru. Jun xiquic ban naxba̱nu. Joꞌcan nak chexucua̱k ru li Dios junelic, aꞌ yal joꞌ najtil texcua̱nk saꞌ li ruchichꞌochꞌ aꞌin.

Romanos 12:14

Chetzꞌa̱ma rusilal li Dios saꞌ xbe̱neb li xicꞌ nequeꞌiloc e̱re. Me̱tzꞌa̱ma raylal saꞌ xbe̱neb.

Génesis 42:18

Saꞌ rox li cutan laj José quixye reheb: —La̱in ninqꞌue xcuanquil li Dios. Te̱ba̱nu li cꞌaꞌru tinye e̱re re nak texcolekꞌ.

1 Corintios 10:32

Me̱ba̱nu li cꞌaꞌak re ru napoꞌoc xchꞌo̱leb le̱ ras e̱ri̱tzꞌin usta aj judío, usta ma̱cuaꞌeb aj judío. Chi moco te̱ba̱nu li cꞌaꞌru ta̱poꞌok xchꞌo̱l le̱ rech aj pa̱banelil.

Levítico 19:15

Nak texrakok a̱tin, cheba̱nu saꞌ xya̱lal. Me̱col rix li nebaꞌ, chi moco checol rix li biom. Saꞌ xya̱lal ban texrakok a̱tin saꞌ xbe̱neb chixjunileb.

Salmos 111:10

Li ani ta̱raj ta̱cua̱nk xnaꞌleb, tento nak tixxucua ru li Dios. Li Ka̱cuaꞌ naxqꞌue xnaꞌlebeb chixjunileb li nequeꞌxba̱nu li cꞌaꞌru naxye lix chakꞌrab. Lokꞌoninbil taxak li Ka̱cuaꞌ chi junelic kꞌe cutan.