Levítico 19:13 - Li Santil hu

¹³ Me̱rahobtesiheb le̱ ras e̱ri̱tzꞌin, chi moco te̱relkꞌa li cꞌaꞌru reheb. Ut te̱toj le̱ mo̱s saꞌ xkꞌehil. Me̱canab chokꞌ re cuulaj.

Q'eqchi Bible

¹³ “Maarahob'tesi laawas aawiitz'in chi moko chamaq' li k'aru wank re. “Chatoj laj k'anjel chawu tz'aqal sa' xq'ehil, ut maakanab' toj re wulaj.

Levítico 19:13 ပူးပေါင်းရင်းမြစ်များ

Santiago 5:4

La̱ex yo̱quex chixxocbal e̱tumin ut incꞌaꞌ nequeqꞌue xtojbaleb li queꞌkꞌoloc e̱riqꞌuin. Eb aꞌan yo̱queb chi kꞌoko̱nc ut li nimajcual Dios yo̱ chirilbal xtokꞌoba̱l ruheb nak yo̱queb chi kꞌoko̱nc li queꞌcꞌanjelac e̱riqꞌuin.

Malaquías 3:5

Li Ka̱cuaꞌ li nimajcual Dios quixye: —La̱in tincha̱lk chi rakoc a̱tin saꞌ e̱be̱n. La̱in tinyehok re nak cuan xma̱queb li nequeꞌtu̱lac, joꞌqueb ajcuiꞌ li nequeꞌmuxuc caxa̱r, joꞌqueb ajcuiꞌ li nequeꞌxpatzꞌ lin cꞌabaꞌ yal riqꞌuin ticꞌtiꞌ. Ut la̱in ajcuiꞌ tinyehok re nak cuan ajcuiꞌ xma̱queb li incꞌaꞌ nequeꞌxtoj chi tzꞌakal laj cꞌanjel, joꞌqueb ajcuiꞌ li nequeꞌrahobtesin reheb li xma̱lcaꞌan ut eb li nequeꞌrahobtesin reheb li ma̱cꞌaꞌ xnaꞌ xyucuaꞌ, joꞌqueb ajcuiꞌ li nequeꞌxba̱nu raylal reheb li jalaneb xtenamit, chi moco nequeꞌxxucua cuu la̱in, chan li Ka̱cuaꞌ li kꞌaxal nim xcuanquil.

Jeremías 22:13

At rey, raylal ta̱cha̱lk saꞌ a̱be̱n xban nak nacayi̱b la̱ palacio ut incꞌaꞌ nacaba̱nu saꞌ ti̱quilal. Nacanimobresi ban a̱cuib riqꞌuin balakꞌi̱c ut nacaqꞌueheb la̱ cuas a̱cui̱tzꞌin chi trabajic ut incꞌaꞌ nacatojeb.

Proverbios 20:10

Li Dios xicꞌ naril li ani nabisoc chi incꞌaꞌ tzꞌakal re ru.

San Marcos 10:19

La̱at nacanau cꞌaꞌru naxye li chakꞌrab: Matmuxuc caxa̱r. Ma̱camsi a̱cuas a̱cui̱tzꞌin. Mat-elkꞌac. Matyoꞌoban a̱tin chirix a̱cuas a̱cui̱tzꞌin. Matbalakꞌic. Cha-oxlokꞌi la̱ naꞌ a̱yucuaꞌ.—

Ezequiel 22:29

Eb li tenamit junes rahobtesi̱nc nequeꞌxcꞌoxla xba̱nunquil. Ut aj e̱lkꞌeb. Nequeꞌxba̱nu raylal reheb li nebaꞌ ut reheb li tenkꞌa̱c teꞌraj. Nequeꞌxrahobtesiheb ajcuiꞌ li jalan xtenamiteb li incꞌaꞌ xcꞌulubeb rahobtesi̱c.

Jeremías 22:3

La̱in li Ka̱cuaꞌ yo̱quin chi a̱tinac a̱cuiqꞌuin. Cheba̱nuhak li us ut texcua̱nk saꞌ ti̱quilal. Checoleb li rahobtesinbileb chiruheb li nequeꞌrahobtesin reheb. Me̱balakꞌiheb ut me̱relkꞌa cꞌaꞌru reheb li jalaneb xtenamit. Ut me̱ba̱nu raylal reheb li ma̱cꞌaꞌeb xnaꞌ xyucuaꞌ, chi moco reheb li xma̱lcaꞌan. Me̱camsiheb saꞌ li naꞌajej aꞌin li ma̱cꞌaꞌeb xma̱c.

Éxodo 22:21

Me̱balakꞌiheb li jalaneb xtenamit chi moco te̱ba̱nu raylal reheb, xban nak jalan ajcuiꞌ e̱tenamit la̱ex nak quexcuan chak saꞌ li tenamit Egipto.

Éxodo 22:15

Abanan cui cua̱nk laj e̱chal re nak ta̱ca̱mk li xul, li xtoꞌonin re incꞌaꞌ tento tixtoj. Ut cui ac tojbil li xtoꞌoninquil, caꞌaj cuiꞌ aꞌan tixcꞌul laj e̱chal re.

1 Ts 4:6

Ma̱ ani tixmux rib riqꞌuin xmakꞌbal rixakil junak cui̱nk ut ma̱ ani tixmux rib riqꞌuin xmakꞌbal xbe̱lom junak ixk. Incꞌaꞌ teꞌxba̱nu chi joꞌcan xban nak li Ka̱cuaꞌ Jesucristo ta̱rakok a̱tin saꞌ xbe̱n chixjunileb li nequeꞌba̱nun re li naꞌleb aꞌan, joꞌ ac yebil e̱re kaban.

San Lucas 3:13

Ut aꞌan quixye reheb: —Me̱patzꞌ xbe̱n li toj li ac yebil reheb nak teꞌxqꞌue, chan.

Proverbios 22:22

Li xbe̱n naꞌleb, aꞌan aꞌin: Me̱relkꞌa li cꞌaꞌru reheb li nebaꞌ yal xban nak nebaꞌeb. Chi moco te̱rahobtesiheb nak yo̱k chi rakecꞌ a̱tin saꞌ xbe̱neb yal xban nak incꞌaꞌ naru teꞌxcol ribeb.

Li xHu LAJ JOB 31:39

La̱in incꞌaꞌ xcuelkꞌa ru li racui̱mk jalan, chi moco xincanabeb laj cꞌanjel chi ma̱cꞌaꞌ cuan reheb.

Levítico 6:3

Cui tixtau junak cꞌaꞌak re ru chi tzꞌektzꞌo ut ta̱ticꞌtiꞌik ut tixye nak incꞌaꞌ quixtau, riqꞌuineb chixjunil li cꞌaꞌak re ru aꞌin tixba̱nu, ta̱ma̱cobk chiru li Dios.

Éxodo 22:13

Ut cui li xul ta̱tiꞌekꞌ xban junak joskꞌ aj xul, tento nak tixcꞌam lix bakel re nak laj e̱chal re tixpa̱b nak xul quitiꞌoc re. Ut incꞌaꞌ tento nak tixtoj re laj e̱chal re.

San Mateo 20:8

Ut nak qui-ecuu, li patrón quixye re lix merto̱m: —Bokeb laj cꞌanjel ut ta̱tojeb. Li ta̱tojeb xbe̱n cua, aꞌaneb li tojeꞌ xeꞌoc, ut nak ac xatrakeꞌ xtojbaleb aꞌan, tojoꞌnak ta̱tojeb li xeꞌoc ekꞌela.—

1 Timoteo 5:18

Joꞌcaꞌin tzꞌi̱banbil saꞌ li Santil Hu: Ma̱bacꞌ xtzꞌu̱mal re li bo̱yx nak yo̱ chixyekꞌinquil ru li trigo re risinquil saꞌ rix. Canab ban chixcuaꞌbal caꞌchꞌinak re, nak yo̱ chi cꞌanjelac. (Deut. 25:4) Joꞌcan ajcuiꞌ laj cꞌanjel. Tzꞌi̱banbil ajcuiꞌ retalil nak tento ajcuiꞌ nak tixcꞌul lix tojbal.

Éxodo 20:15

Mex-elkꞌac.

Éxodo 22:7

Cui ani tixqꞌue tumin malaj li cꞌaꞌak chic re ru terto xtzꞌak chi xoquecꞌ riqꞌuin junak li ras ri̱tzꞌin ut li ani ta̱xocok re ta̱elkꞌa̱k chiru saꞌ li rochoch, cui teꞌxtau laj e̱lkꞌ, tento tixtoj cuib sut xqꞌuial chiru li ac xrelkꞌa.

Li xHu LAJ JOB 17:5

Li ani naxkꞌaxtesi li rami̱g saꞌ rukꞌeb li xicꞌ nequeꞌiloc re, ra teꞌxcꞌul li ralal xcꞌajol.

Proverbios 3:28

Cui naru te̱qꞌue re li cꞌaꞌru te̱tenkꞌa cuiꞌ, qꞌuehomak re saꞌ li ho̱nal aꞌan. Me̱canab chokꞌ re cuulaj.

Ezequiel 18:7

Ma̱ ani naxrahobtesi chi moco na-elkꞌac. Naxkꞌaxtesi li nequeꞌxcanab riqꞌuin chokꞌ xprenda li ani natoꞌonin. Naxqꞌue xtzacae̱mk li ta̱tzꞌoca̱k ut naxqꞌue rakꞌ li ma̱cꞌaꞌ rakꞌ.

Ezequiel 22:12

Cuanqueb cui̱nk nequeꞌtumina̱c ru re teꞌxcamsi ras ri̱tzꞌin. Cuanqueb li nequeꞌxpatzꞌ nabal li ral li tumin li nequeꞌxqꞌue chi toꞌ. Cuanqueb li nequeꞌxsicꞌ lix biomaleb riqꞌuin xmakꞌbal xtumineb li ras ri̱tzꞌin. Incꞌaꞌ chic niquineꞌxcꞌoxla la̱in. La̱in li Ka̱cuaꞌ Dios ninyehoc re aꞌin.

Levítico 25:14

Cui te̱cꞌayi le̱ chꞌochꞌ reheb le̱ rech tenamitil, malaj ut te̱lokꞌ e̱chꞌochꞌ, me̱balakꞌi e̱rib chi ribil e̱rib.

Levítico 25:17

Me̱balakꞌi e̱rib chi ribil e̱rib. Chexucua ban cuu la̱in li Ka̱cuaꞌ le̱ Dios.

Li xHu LAJ JOB 7:2

Chanchan jun li mo̱s naxra ru cua̱nc saꞌ mu. Ut chanchan jun li mo̱s naraj ru nak ta̱ecuu̱k re nak ta̱hila̱nk.