Levítico 19:10 - Li Santil hu

¹⁰ Nak te̱sicꞌ ru le̱ uvas, incꞌaꞌ te̱sicꞌ chi us, chi moco te̱molcꞌa li natꞌaneꞌ. Te̱canab ban reheb li nebaꞌ ut reheb li jalaneb xtenamit. La̱in li Ka̱cuaꞌ le̱ Dios xinyehoc re aꞌin.

Q'eqchi Bible

¹⁰ Maamolk'a chixjunil ru li uub' chi moko taaxok li xt'ane'k sa' ch'och', kanab' b'an cho'q reheb' li neb'a' ut cho'q reheb' laj ab'l tenamit. Laa'in li Qaawa', leeYos laa'ex.

Levítico 19:10 ပူးပေါင်းရင်းမြစ်များ

Isaías 24:13

Joꞌcan ta̱cꞌulma̱nk saꞌ chixjunileb li tenamit li cuanqueb yalak bar saꞌ ruchichꞌochꞌ. Chanchan nak nachikꞌchikꞌi̱c li cheꞌ olivo re ta̱tꞌanekꞌ li ru. Chanchan nak ac xeꞌrakeꞌ chixsicꞌbal chixjunil li ru li uvas.

Isaías 17:6

Incꞌaꞌ chic qꞌui li cristian li teꞌcolekꞌ Israel. Chanchan li cheꞌ olivo nak nachikꞌeꞌ. Natꞌaneꞌ chixjunil li ru. Cuib oxib aj chic nacana saꞌ li ruꞌuj malaj ut saꞌ eb li rukꞌ. La̱in li Ka̱cuaꞌ, lix Dioseb laj Israel, ninyehoc re aꞌin.—

Levítico 25:6

Usta incꞌaꞌ xex-au, abanan ta̱tzꞌaklok le̱ tzacae̱mk li ta̱yoꞌla̱k yal xjunes. Aꞌan li ta̱tzaca la̱at joꞌ eb ajcuiꞌ chixjunileb la̱ mo̱s, li lokꞌbileb joꞌ eb ajcuiꞌ li incꞌaꞌ lokꞌbileb. Ut aꞌan ajcuiꞌ li teꞌxtzaca li jalaneb xtenamit li cuanqueb saꞌ e̱ya̱nk.

Miqueas 7:1

Tokꞌob xak cuu. Chanchanin jun li cui̱nk li naxsicꞌ li ru li acui̱mk saꞌ sakꞌehil abanan ma̱cꞌaꞌ chic ru. Ac sicꞌbil. Xinsicꞌ li ru li uva abanan ac sicꞌbil ajcuiꞌ ut la̱in aꞌ raj li xbe̱n ru xcuaj, abanan incꞌaꞌ chic xintau.

Abdías 1:5

Li Ka̱cuaꞌ quixye: —Us raj chokꞌ e̱re nak aj e̱lkꞌ ta teꞌcha̱lk chiru kꞌojyi̱n chi elkꞌa̱c e̱riqꞌuin. Teꞌxcꞌam raj caꞌaj cuiꞌ li joꞌ qꞌuial teꞌraj. Ut cui teꞌxsicꞌ li ru li uvas, ¿ma incꞌaꞌ ta biꞌ teꞌxcanab raj caꞌchꞌinak chic e̱re? Abanan, eb li xicꞌ nequeꞌiloc e̱re, teꞌcha̱lk ut teꞌxsach e̱ru chi junaj cua.

Jeremías 49:9

Nak teꞌsicꞌok uvas, ¿ma incꞌaꞌ ta biꞌ teꞌxcanab caꞌchꞌinak li ru? Ut nak nequeꞌchal laj e̱lkꞌ chiru kꞌojyi̱n, ¿ma incꞌaꞌ ta biꞌ teꞌxcꞌam caꞌaj cuiꞌ li joꞌ qꞌuial nequeꞌraj chokꞌ reheb?

Jueces 8:2

Ut laj Gedeón quixye reheb: —¿Cꞌaꞌru xinba̱nu la̱in? ¿Ma ma̱cuaꞌ ta biꞌ la̱ex nabal xeba̱nu chiku la̱o? La̱o caꞌchꞌin ajcuiꞌ xkaba̱nu. Abanan la̱ex nabal xeba̱nu.

Levítico 19:9

Ut nak te̱sicꞌ ru le̱ racui̱mk, incꞌaꞌ te̱sicꞌ chi us, chi moco te̱molcꞌa li natꞌaneꞌ.

Levítico 19:11

Mex-elkꞌac, mexbalakꞌic, ut me̱ticꞌtiꞌi e̱rib chi ribil e̱rib.

Levítico 23:22

Ut nak te̱sicꞌ ru le̱ racui̱mk trigo, incꞌaꞌ te̱sicꞌ chi us, chi moco te̱molcꞌa li natꞌaneꞌ. Te̱canab ban reheb li nebaꞌ ut reheb li jalaneb xtenamit. La̱in li Ka̱cuaꞌ le̱ Dios ninyehoc re aꞌin.

Deuteronomio 24:19

Ut nak yo̱kex chixsicꞌbal li ru le̱ racui̱mk, cui xsach saꞌ e̱chꞌo̱l jarubak jo̱b le̱ trigo, mexsukꞌi chixxocbal. Canabomak ban reheb li jalan xtenamiteb, ut reheb li ma̱cꞌaꞌ xnaꞌ xyucuaꞌ, joꞌ eb ajcuiꞌ li xma̱lcaꞌan re nak li Ka̱cuaꞌ le̱ Dios texrosobtesi riqꞌuin chixjunil li te̱ba̱nu.

Deuteronomio 24:20

Nak te̱sicꞌ ru li cheꞌ olivo, me̱sicꞌ xcaꞌ sut. Canabomak ban reheb li jalan xtenamiteb, ut reheb li ma̱cꞌaꞌeb xnaꞌ xyucuaꞌ, joꞌ eb ajcuiꞌ li xma̱lcaꞌan.

Li xHu LIX RUT 2:2

Saꞌ jun li cutan lix Rut quixye re lix Noemí: —Tincuaj raj xic chixxocbal caꞌchꞌinak li cebada li natꞌaneꞌ chiruheb laj xocol cebada. La̱in tinxocok chirixeb li ani teꞌcꞌuluk cue saꞌ xya̱lal, chan. Ut lix Noemí quichakꞌoc ut quixye: —Us. Ayu, at incoꞌ.—

Levítico 11:44

La̱in li Ka̱cuaꞌ le̱ Dios. Santobresihomak e̱rib re nak santakex xban nak santin la̱in. Me̱mux e̱rib xbaneb li xul li nequeꞌxjucu ribeb saꞌ chꞌochꞌ.

Levítico 19:25

Abanan saꞌ roꞌ li chihab naru te̱tzaca li ru li cheꞌ. Cui te̱ba̱nu chi joꞌcan, kꞌaxal li ru li cheꞌ ta̱ru̱chin. La̱in li Ka̱cuaꞌ le̱ Dios xinyehoc re aꞌin.

Deuteronomio 24:21

Ut nak te̱sicꞌ ru li uvas, me̱sicꞌ ru xcaꞌ sut. Te̱canab ban reheb li jalan xtenamiteb, ut reheb li ma̱cꞌaꞌeb xnaꞌ xyucuaꞌ, ut reheb ajcuiꞌ li xma̱lcaꞌan.